نواب الخدمات بين استقبال وتطنيش !!

[الأيام]

جميعنا يعلم ان القبيله تزج وتهلل بفئات معينه ولاقصور بأحد ..
لكن هل من المعقول التفرقه الواضحه والمطالبه بالالتزام وقت الانتخابات وحين حاجة
الغلبان على امره ابو فخذ لايوجد به الا 200 صوت اطنشه .. والفخذ اللي فيه 3500 اقوله امر
تدلل ؟؟ هل هذي العداله
لكن اعضائنا دائماً يتعذرون لأبو 200 ويقولون له والله عقدوها وسكروها علينا
لكن من يملكون الكثره مايقدرون يتعذرون لهم لماذا ؟؟ لأنهم طريق الوصول للمجلس
لكن لنبتعد كثيراً عن هالامور
لماذا النائب يفرق حتى بمسألة علاج بالخارج خاصه لشخص محتاج وهو ابن عم لكن هو وجماعته
لايتعدون ال200 شخص !!
فليش يتعب نفسه هالنائب ويرسل احد منهم علاج بالخارج رغم حاجة هالشخص ..

للأمانه نوابنا خائبون سواء كانو معارضين او حكوميين واصحاب خدمات
لنكون واقعين نواب يعارضون وتمشي كل امورهم وخاصه العلاج بالخارج لكن ربعنا
ليعلمو اننا نعلم ان مسألة العلاج بالخارج مصفوطه لمن هم اكبر عدد
ويمشون علاج طبيعي لشخص مايعاني من شي ويتجاهلون شخص فيه الخبيث ابعده الله
عنكم عشان لايملك عدد قوي بالانتخابات

عموماً نتمنى من نوابنا انهم لايهملون احد على حساب احد لأننا ماراح نترك احد بحاله
وراح نفضحهم اهني
سواء كان عضو يطلب نسب ماليه معينه لأرساء مناقصات على اشخاص
او عضو خذا الهبه الاميريه وعدد معين للضباط
او شخص عطوه عدد ملاحق عسكريه وضباط عشان يفتر بالقاعه ويدافع عن وزير الدفاع
او شخص وزع اراضي الهيئه ...

عموماً نتمنى انكم تعدلون عشان تكسبون اصواتنا بالانتخابات القادمه ..

ونتمنى من اعضاءنا انهم لايقسمون الا بالله
ولا يستعينو بكلمة علي الطلاق ومن ثم لايفي بوعده

[swa]

اخوي الاعضاء المعارضين صدقني مو كل شي يمشي لهم ويسكرون عليهم اشياء كثيره

لكن الحكومي يمكن ينطبق عليه الكلام الي قلت

لكن لا تنسى يا خوي صاحبالصوره الي بتوقيعك فارس المجلس وليد الجري لما سكرو عليه الداخليه والدفاع وبعض الوزارات


اما الي يقدر يسفر له مريض في حاله خطره ولا سفره هذا تحط عليه بلاك لست حتى لو المريض ماهو من بني عمه ولا من دائرته هذا عمل انساني اذا يقدر عليه يؤجر عليه وللأسف الحكومه تساوم النواب حتى في المواطنين المرضى لا انتو الي معالجينهم ولا انتو الي مسفرينهم

الله يزينها ان شاء الله

[خلدون]

الله المستعان خليت كل أعضاء العجمان خايبين وما يخافون ربهم ، ترى طعنك بالاعضاء يعتبر طعن بالقبيلة كلها لان اعضائنا هم اختيار القبيلة ومحل ثقتها ، لك حق تنقدهم وتعيب بعض مواقفهم اما انك تطعن فيهم بالجملة وتغسل ايدك منهم فاسمحلي أقولك انك غلطان

[الأيام]

انا ماقلت شي انا طرحت وجهة نظري واتمنى من الجميع التفاعل
وعدم الالتفات لتاريخ اشتراكي او موضوعي سواء كان سلبي بنظر البعض واحترم وجهات نظرهم

ونتمنى التفاعل واذا في كلامي شي خطأ اتمنى احد يواجه لأن الكل يشوف الدلائل
من تطنيش لفئه معينه واستقبال فئه اخرى ..