هــلا جابك الله

[العوبه]

هلا جابك الله عقب ذاك الطريق ارتحت
تبي بتصالك عقب ما غبت تنفعني



تبيني على حطت يدك جيت ولا رحت
تبي بهالسهوله بهالمعاذير تقنعني



تحسب الجفا "عادي" وانا منه ياما صحت
تقول انت وش خسران وشفيك تمنعني




انا ما خسرت الا الكرامه عقب ما رحت
نويت السفر وماطرالك توادعني



على كل حال اسمع انا ابشرك ما طحت..
على منت خابر لا وصدتك ترفعني..



هلا هلا يوم ربي جابك وللأسف سامحت..
انا بتكلم وانت لا لاتقاطعني..



ثلاثين ليله وانت ما قلت كيف اصبحت..
تبعثرت عقبك وماطرالك تجمعني..


شقا وشتقيت وللمخاليق ما لمحت..
قروك بعيونن للسهر منك تقلعني..



كرهت السفر واللي يسافر ولا صرحت..
بأنك سبب حزني وفرقاك يوجعني..


وانا وان شكيتك لأقرب الناس وان وضحت..
لقيت الاجابة منه "ان غاب وش يعني



انا اكذب عليك ان قلت يا ذا البعيد انزحت..
على كثر بعدك يمك الشوق يدفعني..


هلا هلا بتصالك عقب ذاك الغياب "أفلحت"..
ولي صدر ياسع غيبتك وانت تاسعني..



هلابك "على حطت يدك جيت ولا رحت"..
على منت خابر وانت عاد لاعاد تقطعني..




للـ الشاعر ( حمد السعيد )