هل هو عيب ؟؟؟؟

[شمعة الجلاااس]

بسم الله الرحمن الرحيم

صباح الخير .. على الجميع


عندي موضوع وخاطري الكل يشارك فيه

.. هو العلاقه بين الاخوان...

فيه بعض العيال تلاقيهم ينسون ان عنده خوات اصلا الا احيان ينسون اساميهم بعد... تلاقيه دايم ما غير ينافخ ويصارخ ويسب ويلعن فيها وهي ماسوت شي المسكينه

لا واذا جات اخته وطلبت منه يوديها السوق تشوف العداد يوصله ع الاخر وعيونه تنط 10 امتار وترجع مكانها .. تقول كانها ذابحه حد من هله ..

واذا دخل البيت وشافها تبكي بيكمل مشي ولا كانه شافها ولا حتى يسال شفيش ولا يسلم عليها .. و لا جات تبي تسولف معه من قبل ما تقعد ما تشوفه الا شايتها برى الغرفه يقول ماني فاضي لهذرتش



تدري ان بمعاملتك ذي وش بتسوي فيها ؟؟؟؟

راح تدفعها لطريق غلط ومخرجه صعب راح تخليها ادور على اللي فاقدته منك عند الغير ... وهذا الشي اكيد ما راح يعجبك ولا راح يرضيك ..



طيب قولوا لي هل هو عيب اذا دلعت اختك وحسستها انها طفلتك المدلعه ؟؟؟
هل هو عيب اذا حاولت انك تتقرب منها وتسولف معها وتمزح ؟؟؟؟
هل هو عيب اذا فضيت نفسك لمدة يوم واحد كامل او خلنا نقول نص يوم او كم ساعه لها في انك تقضيها معها تمشيها مثلا .. تعزمها على غداء او عشاء او اي مكان ؟؟؟؟
هل هو عيب انها تكون لك صديقة تشكي لها وتشكي لك ؟؟؟


لا تقولون هي بنت وانا ولد شدراك يمكن تكون لك في يوم من الايام اقرب الناس لك اكثر من رفيقك..
صدقوني كل شي يتعوض في ذا الدنيا الا خوان مستحيل بتلاقي منه اثنين


لا تنسون هالجمله (( رفقاً بالقوارير ))<< عجبتس صح


في انتظار مشاركاتكم
لكم مني كل الود