الســـلام عليكم ورحمة الله وبركاته
يسعدني ان أضع بين أيديكم سيرة علم من أعلام الشعر النبطي في الكويت متمنيا ان تنال اعجابكم ....
هو مرشد سعد بن بذَّال العجرمي الرشيدى ـ شاعر علم ـ شهرته بين الناس ((مرشد البذال)) .
شاعر الكويت النبطي الكبير مرشد البذال صاحب العطاء الشعري الكبير فهو بشعره يقف في صفوف كبار شعراء النبط حيث أنه قدم إنتاجاً غزيراً جداً لم يسبق لشاعر قديم أو محدث أن قدم ما يماثله من حيث الكم والجودة سمي بشاعر الجيلين فقد كان في مقدمة الشعراء القدماء وعاصرة الجيل الحديث وهو في المقدمة وقد صدر له أكثر من ديوان حيث بلغت مجموع دواوينه الشعرية ستة دواوين ضمت من روائع الشعر النبطي الشيء الكثير ولا يستطيع الباحث أن يحدد بالضبط اتجاهاً معيناً لشاعرنا قد برز فيه أكثر من الاتجاه الآخر فهو بالغزل قوى لدرجة تفوق الوصف وكذلك في المدح والحكم والنصح والإرشاد وغير ذلك من أغراض الشعر النبطي المختلفة التي كتب فيها وبلغ حد الإبداع في كل غرض يطرقه.
وقد أسهم شاعرنا مساهمة فعالة في مسيرة الشعر النبطي بالكويت حيث أشرف فترة طويلة على برامج الشعر النبطي في إذاعة الكويت وكان مسئولاً عن كل ما يذاع بها نظراً لخبرته الطويلة في هذا المجال.
كان شاعرنا شاعر قلطة ينظم الشعر المرتجل ويقف أمام كبار شعراء هذا الفن حتى أصبح قمة من قممه الحماوره في الخليج واعلامها.
ثم تحول شاعرنا للشعر المنظوم المكتوب وبرع فيه وامتاز ((بالمطولات)) من القصائد التى كانت الإطالة فيها لخدمة المعنى . . . وعالج بشعره مختلف شئون الحياة مجسداً بذلك دور الشاعر فى خدمة مجتمعه من خلال التعبير عن آمال وآلام وتطلعات الشعب وكانت له نظرته الخاصة النافذة وله فلسفته بالنقد الاجتماعي البناء ووضع الحلول المناسبة للموضوع قيد المعالجة وذلك كله بقالب شعرى مميز .
يتبع ...مع قصائده الرائعه ....
يالله
يالله يارب الضعوف المساكين
اللي لك المخلوق يحسن صلاته
تستر على غوشن صغارن مكفين
أكبرهم العارف دليله عصاته
لايا عيالي كلبوكم حبيبين
عندي وعند الناس كل وذاته
عندي غلاكم يدفن الزين والشين
وعند العرب كلن تشاف خملاته
ياعبيد انا خابرك ورعن لهالحين
داوي بغبت الجهل وظلماته
لاشك علمي لك محبه وتفطين
تسمع الوالد وثبت وصاته
وصاة مخلوقن يعرف القوانين
مافات عمره بالجهل والهياته
ياعبيد انا اوصيك مني بثنين
ثنتين هن سوء البشر وحسناته
أوصيك لاتبحث سدود المغيبين
ولاتجهر اللي غارقن بغفلاته
ترى النميمة تمحق الرزق والدين
والمنزل العالي تهدم طبقاته
لاتحسب ان اهل الظليمة بخيتين
كلن يواف ماعمل في وفاته
وانذرك حق الضعيف المسكين
اللي على حقه يهل اعبراته
ترى الضعيف الليا غدى الليل ليلين
يدعي وعند الله توافق دعاته
الظلم فان الظلم يفني السلاطين
ياويل راعي الظلم من مقبلاته
وانذرك عن ربعة رخو من هياسين
اللي سوالفهم بوده وهاته
وياعبيد الاقشر لو صفالك نهارين
نهار ثالث جاك يرفع عصاته
والله عندي ربعة الناس الاقصين
ولاصديق يبلشك في حياته
ترى الرجال بهم فهود وحياوين
جاك الكلام اللي صحيحا ثباته
ان كان ما تدري ترى الناس دارين
الرجل مدحه بالمجالس طراته
رجلن تعلق به جالن مسلمين
عز الرفيق ولابته ولحماته
ورجلن تشوفه جسم وعيون ويدين
ولولا الشعر ماتفرقه من خواته
كم واحد بالبيت يضرب بسيفين
وان جاه حزم الكلاب قبع عباته
والحلم عن الغيظ ينجي الشياطين
يكفيك شر إبليس هو ودحراته
مرشد البذال
يتبع ...مع قصائده الرائعه ....
راع الظليمـه لا تباطـى مطيحـه
قالوا حكوا بك قلت وش هم يقولون
وش قيـل فينـا يالوجيـه الفليحـه
شوفوا مردُ الهرج وش هم يطـرون
حتى نعرف مـزوره مـن صحيحـه
كان الكلام من المعادي على هـون
بعض المسبـه بالمجالـس مديحـه
تجيـه عربـانٍ مـن الله يخافـون
عن الظليمـه ينصحونـه نصيحـه
لو كل خلق الله على الحق يمشـون
كان القلوب من الخطـا مستريحـه
كم واحدٍ بعروض الأجـواد مفتـون
وهـو سلومـه يفضحنـه فضحيـه
وكم واحدٍ يطعن وهو فيـه مطعـون
يذم ريـح النـاس والشيـن ريحـه
بعض كلام الناس تهمـات وضنـون
قـولٍ تنميـه الوجيـه الوقيـحـه
الظلم لو فازوا هلـه مـا يدومـون
راع الظليمـه لاتباطـى مطيـحـه
والناس هذي الناس من عصر ذالنون
كلن علـى دربـه ركابـه مشيحـه
مقرود يامن بـدل اللـون باللـون
بعض الكلام يحرفه عـن صحيحـه
والصدق هو والكذب ماهو بمقـرون
كان إنها تـدرس بلهجـه فصيحـه
مايمدح الرجـال بالشكـل واللـون
إبحث معه لينـك تعـرف القريحـه
تراك تعرف عنـه وأنتـم تهرجـون
يبين لك مـن كـل جـودٍ نضيحـه
المستريح اللي من الشـك مامـون
مع كل خلـق الله علومـه مليحـه
كم واحدٍ حـيٍ لـه النـاس يثنـون
وإليـا توفـى قالـوا الله يبيـحـه
وكم واحد لو هو باالألحـاد مدفـون
ذكراه عند النـاس بيضـا صفيحـه
وكم واحدٍ يجمع ملاييـن وخـزون
مـالٍٍ تنميـه اليديـن الشحيـحـه
لا تشكره رملـى ولا فـك مديـون
ولا حل مشكلـة النطيـح ونطيحـه
ولا له على جاره من الفضل ماعون
لـو إن جيرانـه تشـوف الذبيحـه
وكم واحدٍ جيـران بيتـه يحمـدون
للجـار ريـف وللجماعـه منيحـه
وكم واحدٍ منـه العـوادي يخافـون
زبن المخيف اللي كثيـرن فحيحـه
ربعه نهار الضيـق فيـه يتـذرون
لا جا نهـارٍ فيـه لجـه وصيحـه
وبعض الرجال بهم شريفين وعفون
كلن علـى ماقيـل يرجـع لكيحـه
وبعض الرجال بضحكهـم يستغلـون
يجيبها مـن نـوع زلقـه بطيحـه
هذاك بين له مـن الهـرج مدفـون
خله إليـا شافـك يزيـن سميحـه
الهرج لـه نقـال والـرد للشـون
مزح الجزع يثـر بكبـدك جريحـه
هذا وأنا ماني من النـاس ملسـون
لاشك أرفض مـن تزايـد جميحـه
قلته وكل النـاس غيـري يقولـون
راع الظليمـه لا تباطـى مطيـحـه
يتبع ...مع قصائده الرائعه ...
شف ماترى ياقلب واكتـم سـدودك
عن واحد ياخذ سـدودك ويشنـاك
خلك على الدنيا تعيـش بسعـودك
مالك غرض في عرف هذا وهذاك
على الخطايـا لاتقـوي جهـودك
العقل زين وسامـح اللـي تحـداك
ترى التسـرع بالخطـا مايـرودك
إلا بفعـل يخلفـك عـن نـوايـاك
لا تخلي الشيطـان دايـم يقـودك
ان طعت راي ابليس للشيـن وداك
خلك من الدنيـا نظيـف جـدودك
محد لسانـه فـي غيابـك تقفـاك
وليا مشيت الحق واجـد شهـودك
وليا هرجت الحـق كـل توحـاك
لا بد مـن يـوم تقضـي حـدودك
لا تخلفك دنيـاك والموعـد هنـاك
خلك ليا قضيـت تذكـر عهـودك
لا بد ما ترحـل وتقفـي مطايـاك
خل الذي ينصـى محلـك يـرودك
اليا شكى غيـرك تذكـر سجايـاك
خـل الفهامـه والعدالـه تسـودك
وليا حكمت الحق لا تظلـم إعـداك
بعض المصالح للمعاصـي تقـودك
وبعض المصالح يشهدن في خطاياك
يتبع ...مع قصائده الرائعه ..
بديـت بذكـر عـلام السريـرة ******هو ربـي و لا معبـود غيـره
احمده و اشكره فـي كـل حـال****** يهـون كـل شـدات عسيـره
ولا ناصر لمن لا يعتصـم بـه****** ولا غالـب لمخلـوق يجـيـره
الا يـا الله يـا مرجـع بغايـب****** و لا غالـب لمخلـوق يجيـرة
الا يـا الله يـا مرجـع بغايـب****** مظهر يوسف من جـوف بيـرة
عقب ماهو وسط البيـر هـاوي****** مظهر يوسف من جـوف بيـرة
اسالك ما هوب وسط البير هاوي****** ظهر سالم وجا الوالـد بشيـرة
تفرحنـي بعـقـلان الثـلاثـة ******عقب هاك المغيبـة و المسيـرة
والحمدالله على شوفـة عيالـي****** افوز بشوفهم و اذبـح عقيـرة
وانا ماني بمشـرك يـا الاهـي****** ولا تشره على النفـس الفقيـرة
و لا منهم خلقـت احـد برايـي ******لو انه بالخطـر يظهـر ظهيـرة
ولا منجى لمـن تنـوى زوالـه****** ولا ترسـل رسـول يستشيـرة
ولا عن حكمـك القـادر مطيـر****** خفيف الريش ما فـاده مطيـره
ولكـن عـادة الوالـد حنـون****** وقلبي يشتغل من عرض غيـره
أجزر ليلتـي مـن كثـر همـي****** علـى فنجـال بـن و تعميـرة
سبب سهرى يعلـم الله بحالـي****** انافـي دار واحبابـي بـديـره
اسج مع المـلا كنـي ابراحـه****** وانا قلبي تشاعـل بـه سعيـره
ولا يـلام مشـغـول الـفـواد****** لو تيـه طريقـه فـي مسيـره
سبب بعض الطـواري يشغلنـه****** هموم تشغـل الخاطـر كثيـرة
و لا همـي محاتـاة العـذارى****** احاتي قطع وصل مـن عشيـره
احاتيهـم وكـل سامـح لــي****** سبب هم راس مالي و الذخيـرة
و لا عن رحمة الوالـي غنـاة****** ولكـن طربـة ايـام قصـيـرة
انا من عقبهـم كنـي خـلاوي****** مع العالم زكنـي فـي جزيـرة
وهذا لي قـدر خمسيـن ليلـة****** وانا رجلي عن الممشى قصيـرة
اهوجـس بالبعيـد و بالقريـب****** ونفسي من وهمهـا مستذيـرة
الا يـا الله تـرحـم والديـنـا****** عقب ما ذقت مر عقـب شيـرة
اثر والـدك لـه فضـل عليـك****** اله شرهـات و حقـوق كثيـرة
الا يـا بايـر فــي والـديـك****** ليك اللوم و افكـارك غريـرة
انا بانصحك يـا مـن لا تعلـم****** وخذهـا كلمـه منـي بريـرة
تـرا بـر بغـيـر الوالـديـن****** لو انه مدح بـه راعيـه عيـره
ولو انـه تعـب مالـه خلفيـه****** مثل من راح يوفي ديـن غيـره
عليك الدين باقـي يـا غشيـم****** يقولـه واحـد يشهـد ضميـرة
وسالك يا الوالي بتالي كلامـي****** اسالك باجمل الحـال الستيـرة
يتبع ...مع قصائده الرائعه ...
اخر قصيدة قالها الشاعر قبل وفاته بأيام ... رحمه الله
يحول أظن الحق جتني طروشه === جتني مطاليبه واناعنه منحاش
اليوم كن بداخل الجوف هوشه === مثل اختراش الزلم في داخلي جاش
يالله عسا عفوك ولطفك نحوشه === يالله بحسن الخاتمه عند الاقراش
دنياك لوتعطيك زين المعوشه === تالي عاويدها تعود على ماش
ياما خذينا باول العمر شوشه === وياما مشينا مع مضاهير ودباش
في خايع وبل الثريا رشوشه === نجني الزبيدي في صحاصيح ودشاش
وياما جلسنا مع مرودع نقوشه === في سهلة ما حدر نازل وفراش
في وسط روض مخضرات خفوشه === نبته جديد ومبعدين عن الطاش
خلي يكلمني بنفس هشوشه === بس العجوب وعرضه انضف من الشاش
نبنوب لاخبله ولا بمخروشه === عنق الغزال مذيره زول حشاش
لاشك من طول الغياب محشوشه === تونس معاليق من الهجرعطاش
اسرار في وسط القلوب مخشوشه === بين الثنين ولا درى عنهم الواش
ربعت وفا والا السلب مانحوشه === ماني لوجه معذب الحب خماش
واليوم مالي مع هل الصيد نوشه === عطيتها غيري بلا غير ببلاش
عند الطبيب وصارعندي وحوشه === ومن الاقامه صابني خوف وخراش
هالحين شفني نايم عقب دوشه === اصلب عضامي وكن بالحيل هشهاش
خليت ديواني وبيتي وحوشه === اليوم شفني ساكن دار الانعاش
رحم الله الشاعر وغفر له ....
14-02-2010, 10:38 PM
مرشد البذال ...الشاعر الحكيم ....
العرض العادي
