احدى روائع الشاعر/ محمد بن احمد السديري:
شــيٍ بقلبي يـــــا مــــلا حــــــايرٍ فـيـه=شـــيٍ تحيـــر ابـــه العقـــول الفهــامي
مخفـــــــيه بفـــــوادي ولا ودي ابــديـه=وادوّر الخيـــرات شــــرقٍ وشــــــامي
احتــرت بــه مـــا شفــت شــيٍ يحــاليه=واليــوم ابــا انشـد عنه مــا نيب كــامي
سيـــلٍ حــدر مــع واديٍ غيـــــر واديه=مــدري حـــلالٍ مــــــاه والا حـــرامي
كانه حــلال وجـــــايزٍ شــرب صــافيه=وش حلله يــــــا مفسريــن الحـــــلامي
هاتـــــوا تفــاصيله وهــــاتو معـــــانيه=نبـــي الدليــــل اللـــي عليــه الكـــلامي
نبـــي دليـــــــلٍ يفـهـم الـــدرب مــاشيه=يمشي بــه التــــايه بليـــــــلٍ ظــــلامي
يمشي بــــه التـــايه ويقـــدّي مـــواطيه=ويشرب قـراح الما ليـــا صـــار ظامي
لاشــك هجســي يــوم خـــــلا ممــاشيه=انــــه حـــرام ومنــــــه زود الاثــــامي
احــرم مــــن الزقــوم مـــره وحــــاليه=وشـــربه علــى الظـــامي يزيد الهيامي
اللــــــه مــــن قلــــبٍ همــومه تقـــزيه=تــــــدك بـــه مثـــل الجــراد التهـــامي
مــن مـــــا جــرى قــامت تتله مشاحيه=تـــل الــرشا مــن فــوق هـدف المقامي
روابـــــــعٍ قامـــــت تصيــبه وتخطــيه=شـــاف الهـــــوايل واختــلاف الاسامي
مـا يسمع الـــداعـي ليـــا قــــــام يدعيه=يعــوم فــــــي بحــــرٍ مـــن الهم طامي
مــــا ينتبه للـــــي بصـــــوته ينـــــاديه=يـــزيد همـــــه يـــــوم كــــــلٍ ينـــامي
يشـــــوف وقـــتٍ مـــا عــرفنا تـــواليه=وقــــتٍ يشيـّـب مـــن بســنّ الفطـــامي
هـــــذا زمــــانٍ كـــاثــراتٍ بــــــلاويه=الغيــــم يقلب فيـــــه عـــــج وكتــــامي
يــا بعـــد شــرب الما على كبــد راجيه=ما سيـّــل الغبـــرا زعــــوج الجهــامي
انبيـــك يـــا مــن كلمة الحــق تــرضيه=اعطيــــك مــا ينفـعـك وافـهـم مــرامي
قصـــــرٍ يـذلــك لا تقـابــــــل مبـــــانيه=خله عسـى شامـــخ طــــويله هــــدامي
خله عســى مــــا صـــاب اغـادير يفنيه=يــــودع منازلـــــه الطـــويله رجـــامي
لوزان مــــدخــاله وطــــالت حـــواميه=شيـّـد علـى الخيـبـه قليــــــل الــرحامي
وحـــــيٍ يـــوريـــــك المــــــذله وتغليه=انــا اشهـد انــك ميـــت القلـب عـــامي
مـــــــــن لا يـــــــودك لا توده وترجيه=ارفـــع مقــامك يــــا عــزيــز المقـامي
ارفــــع مقامـــك عـــن عــدوك وتوذّيه=ويلحقك من تــركــت رفيقــك مـــلامي
حــــــق الـــــرفيق وواجبـــــه لا تخليه=يلزمــــــك مثــــل الــوالدين الحشــامي
اختـــر عــزيـــز الجــار والحق يعطيه=شبـــلٍ علــى هــــرجٍ يقــــوله يحــامي
مـــادك بـــه عـــرق المــذله وطـــاريه=ويسبق علــى فعـــل الفضيــله شمــامي
ومــن قارب الاجرب بالامراض يعديه=عــدواه تسطـــــى بــــاللحم والعضامي
درب الســــــــلامه بـيّـنــات ممــــاشيه=ودرب العـطــب يــرّث عليــك اللكامي
ابعـــــــد وقلبـــك نـــازح البعـــد يشفيه =وتلقــى عــن الـدار البغـيـضه مقـــامي
دارٍ بـــدار وداعــــي الـــذل عــــاصيه=ولا تقبــــــل الـذلــه نفـــوس الكــرامي
الــذل مـــــوتٍ حــــــايمات ضـــواميه=ادخـــل علــى منـزل فروض الصيامي
عــــن مقعـدٍ بــالـذل عينــــك تـــراعيه=المــوت عـــند الـــذل امان وســــلامي
يرضـــى المـذلّه مــــن تـــردت هقاويه=والــــــذل يجفــل منـــه قلــب الفهــامي
والعبــــد له ربٍ عـــن النــــاس يغـنـيه =ولولاه مــا صـــاب الهــدف كـل رامي
الخويطر2003
29-08-2004, 12:42 PM
العرض الشجري