هذا خطاك ومـحال العــــذر ينسيني *** جـرح الكرامه وبعض الناس مقروده

وردة&العجمان · #1 29-08-2004, 03:29 AM

بسم الله ولكم مني احلا مشاركه

حطيت هالقصيده من موقف صار لي
وعشان كذا حطيتهاااا ليتها تبرر موقفي
وتبينه لكم

وليتها تبين الخافي

اتمنى انها تحوز على رضاكم

طبعا : مع شخص كان عزيز

والحمد لله ( ماضاع حق وراه مطالب )

(( حكمي بري ٍ ))

رحبت وادري قلــــيل الهــــرج يكفيني *** يامكثر ٍ هرجــك اللـــــي تايه ٍ زوده

الصــــمت يكـــــفي كفـــاني لا تأذيني *** طعـــــنت يــد ٍ لكم بالخـــيــر ممدوده

لا تستفــــز المـشاعـــر لا تحـــاكيني *** كل ٍ كسب يالردى من طيب مجهوده

لا تظن في هرجــــك الضايع ترديني *** ســحابكم صيف ما تـغـريني رعوده

لا صرت مــــن بين خلــق الله تعنيني *** هات المثايل بصــــدق الحق موروده

وان كنت صادق عساه الرب يعميني *** كـــفاره لــــذنبي اللي ماتت وروده

هذا جزاي وعسـاه الــــرب يجزيني *** ان كنت صـادق وجـبت امثال ماكوده

وانا كان قصدك من الحـشمه تعريني *** عسا عـــروقك بســــم الموت مبروده

لا تظن مثلي يســـــــامح يا معـــنيني *** الحق حـــق وخفوقي بتصدق شهوده

لا تظـــــن موتك عقب فعلك بيكفيني *** لا تظنـــها يالــردى ســـهود ومهوده

قســــم مـــــــدام الولي بالحق محييني *** اني لخـــلــي جـــــــــميع ايامكم سوده

مجني علي وتبي بضـــمــك تجنييني *** نور الحقيـقه يجيك بــــيوم موعـــوده

ليا معاكــــــــم لـــحد الــــيوم تسعيني *** ثلاثة اشهــــر ولك ايــــام معـــــدوده

داين ولا اظـــنك لمثـــلي ترى إديني *** حكمي بري ٍ وعنـــدك يالـردي بنوده

ماشفت مني ضرر يكثر به الشــيني *** واظـــن قلـــبك علـــيه زادت حقـــوده

لا تفتكر في جميل الـــعذر ترضيني *** ماترتـــخي بي حــــــبال ٍ منك مشدوده

هذا خطاك ومـحال العــــذر ينسيني *** جـرح الكرامه وبعض الناس مقروده

الحـــــق حـــــــق وزمانك يامشقيني *** ضيم ٍ وانا ادري الجسم بحض ملحوده

الخلد للي خلق هالنــــــاس من طيني *** سبحانه اللــــي خلق هالغـــــيم ورعوده

*************************

وسلامتكم:

للشاعر / خالد مفلح الدعسان

اختكم : دمووووووعه

ابوحمد الشامري · #2 29-08-2004, 07:32 AM

تظن في هرجك الضايع ترديني *** سحابكم صيف ما تغريني رعوده

لا صرت من بين خلق الله تعنيني *** هات المثايل بصدق الحق موروده

صح السانش ياالسنافية قصيدة رائعه بيض الله وجهش ومثل ما قال الشاعر سعد بن جدلان الاكلبي :

ليتني لجيت لطيب بحاجه= انصفق ما القاه ولا أقضي لزومي
حيث ماني من مدورت العواجه= ما يسب الطيبين إلا الرخومي

لا هنتي وماقصرتي.

ابو حمد الشامري