فدوتك

[عيد بن شدقان]

الله واكبـر علـى وضـاح الانيـابـي=الصاحب اللي تغلى ويـش اسـوي بـه
اقفـى حبيبـي وقلبـي ياسعـد ذابـي=ياشيب قلـب الشقـاوي منـه ياشيبـه
لاغرد الورق قمـت اجيـب مـا جابـي=واذكر حبيـب خـذا قلبـي واهذريبـه
يا وجد روحي على مكحـول الاهدابـي=عليه قلبي هجوس الليـل تسـري بـه
مااصخيت بالصاحب الغالي ولا اصخابي=ولاهوب يوحي حبيبي في ولا اوحي بـه
لاشك فرقا بلا كيـف (ن) ولا اسبابـي=ولوهي بكيفي ياخوك البعـد مالـي بـه
وهو يقول انت روحـي سيـد احبابـي=ويفداك قلب شقابك وانـت مشقـي بـه
ويقول انـا فدوتـك لـو زدت عذابـي=وغيرك من الناس لو يصفي فوش لي به

للشاعر عبدالله السهلي