ليت ذنبي غير فرقاك وأستغفر وأتوب
كان ماخيم فصدري من الفرقا نزاع
سقت قلبي من شماله وسيرته جنوب
كيف أودع وأنت أخذت المودع والوداع
خافق يلبس لك العشق والتحنان ثوب
مارضى لك بالمهونه ولا جاك بخداع
كل داعي غير داعيك ماهو بمحسوب
شمس ماتشرق بوصلك مهي ضي وشعاع
وإن حكوا في سيرة .......؟ عميان القلوب
ناد باسمي ويتحدر غروري لك ضياع
وان غفى ليلي بلياك وأتعبه الهروب
لك معي صوت ومواثيق وهجوس تشاع
قد غلبتك وأنت ماعشت في يوم مغلوب
قل نعم وأنا أعترف لك وأقول انك شجاع
والله اني جنتك أنت راضي ومغصوب
ذبت في عروقك وغيرت بك كل الطباع
سم بأسم الله في عمري وعد من الدروب
شوف كيف أشري وصالك بعهد مايباع
أذكرك وأذكر خفوق على ذكرك طروب
والله اني ما أتناساك وأمر الله مطاع!!
01-12-2009, 01:02 AM
العرض الشجري