. . [ آ‘عيـآد ~

[شـمـوخ مـطـيـر]

قصيدهّ لآ تحتآإج مقدمِآت بقدِر آحتيآجهآ آن تقدمِ فقط ~
لشآعرهآ , نوآف آلتركي ~

اليكم ~
.
.

تقبـل بعـدك أزوال وتفـارق أزوال
ويموت ليـل وينولـد للرجـاء ليـل

وأنا برجاك وكل مـا تطـرق البـال
أشعلت لـك ليلـي قصيـد ومواويـل

تدري غيابك ذبح وحضـورك محـال
وأكتبك وأدري ما تجيـك المراسيـل

ياللي شبيه العيـد بعيـون الأطفـال
طفلـك بصـدري يحتـري للمقابيـل

يمكن يجيب العيد مـن يمّـك هلآل
وأذبح لك اللي بالمحاجر غـدن حيـل

من غبت والأحوال هي نفس الأحوال
لا فرحـةٍ تذكـر ولا بـارق يخـيـل

ما غير هذا اللي ورى الصدر يجتـال
اللي شقى من غير كسب ومحاصيـل

إن غاب غبت ولا حضر جيته أختـال
( وأعنّ له عنّة هل الكيـف للهيـل )

وإن عذربوه فـ/ قول راعي المثل قال
يا كبر شرهات الكدايش على الخيـل

دع ذا .. وقلّي دام مسرى الوله طـال
ما زان جـوّ فليـج لأهـل التعاليـل

ترا الجريح يحـنّ لوقـوف الأطـلال
اللي لعـلّ يـراوح فجوجهـا السيـل

زلّ أكثرك ياليـل والضيـق مـا زال
يحطّ في قلبـي مـن الهـم ويشيـل

لو مانعلّق فـي رجـاء بكـرة آمـال
كان أذبحتنـا مـن زمـان الغرابيـل

طعم القصايد مـرّ يـا طـارق البـال
لكن عشانـك كـلّ أبوهـا تساهيـل
.
.

[ شموٍخ مطيرّ .