بسم الله الرحمن الرحيم
السلام عليكم ورحمة الله وبركاته
مسيكم بالخير جميع
قصيده عجبتني اتمني تعجبكم
.
.
.
يقول من عدى على راس الآشم
بديت مقعاد الفضا دون قصري
****
وحطيت لي بين النظيمات معلم
يوم أستوى فكري على حد سطري
***
قم ياقصيدي فوق قافن ومعجم
ومن فوق وزنن ماثعى فيه كسري
***
قل الرفيق اللي عن اللاش يكرم
وين السراج الى غدا الليل غدري
***
لا حامت الدنيا وجا شربها سم
ربعه يجون اثنين وادري ويدري
***
هذا إلا من دبرت ساق له دم
وهذا إلا من اقبلت جاه يجري
***
مايستوي دجله مع اليم الالطم
ولايستوي مع موقف الحر وكري
***
وقل الغلام اللي على الناس يزهم
وش خانة المطلب إلا صار يسري
***
أكبر مصيبه لا نشدك الردي كم
كم قد عطيتك واصبح الرد عسري
***
عز اليمين ولاتحرا ولد عم
ولاتحتري من كيلو الناس شبري
***
وقل للذي يملك تسلي عن الهم
حد التسلي باحمر النوط وأشري
****
أحدن منامه كمل الليل ما تم
وأحدن منامه فااول الليل بدري
***
مايستوي نومن على طارف الكم
مع نوم ديباجات أبو قلب شذري
***
وقل الطبيب اللي درس خلق الاعظم
ملجا سقيم الحال لاصار خطري
***
ما كل جرحن لا خذا وقت يلتم
ولاكل كسرن عقب الأجبار جبري
***
كان التئم جرح أمرؤالقيس واقسم
عن قول شعره وأتبع الحلف نذري
***
وكان أنجبر كسر المهلهل ولا عم
بالسيف الاصقل كل بكري وبكري
***
وقل للذي ينشد عن الشاعر اعلم
أن القصيده وابنها فوق جمري
***
أما قصيدن يرتعي ذوق الآصم
ولا بلاش وكلمتي طوع لاامري
***
لو تبخل المزنه ولو ييبس اليم
ما يبست ابحوري ولا جف حبري
***
وقل للذي لامني أقفيت يهتم
يرحم نظيره لعنبو جد عذري
***
إما حصلي مغبشن فوق بي أم
ولا سريت لفارع الطول عبري
وسلامة من تابع
.
.
.
07-09-2009, 10:46 PM
أحدن منامه كمل الليل ما تم ...
العرض الشجري