هـنـا ديـوان الـمـبـدع : حـمـد الـمـسـرع

[المربوعه]

زوار هذا المنتدى الأشم اهديكم ديوان مصغر للشاعر حمد بن سعد المسرع ارجو ان ينال رضاكم



قصيدة : لاتوصي حريص


كان قصدك عذابي لاتوصي حريص
الزمن ما يقصّر وانت فيك ابركه
لاتعاند تراني صرت مثل القريص
ماحدن راح صوبه والعذاب انهكه
لمعة الشوق فيني مثل لمع الفصيص
والقدم سقتها لك والطريق اسلكه
قانصن لك وطحت برمش عينك قنيص
يوم شفته غدا بالقلب صوت ادبكه
جيت بافر منّك واثر مالي محيص
اثر سهمك تعدا للحشا وادهكه
اشهد انّك بقدرك وبغلاتك بخيص
من كثر زود حبّك طحت وسط اشبكه
انت وينك ترى الدعوا غدت حيص بيص
وين راح الذكا والفكر والتكتكه ؟
خل قلبي بحبك ياغناتي يهيص
وبين روحي وروحك وقف المعركه
ماهو ابشرط من دش البحر صار غيص
كم وكم واحدن شاف البحر واربكه
اشتوت كبدي وصارت ابعدك حميص
وقرقعة قلبي ابصدري تقول اتنكه
الأمل انطفا نوره وباقي بصيص
والعمر فات دوره والزمان ادركه
صح قلت ابتعد لاشك منت ابرخيص
ماتناساك عقلي دام فيه احركه
مايأثر عذولن جا عيونه نفيص
راح منّي وكفه بالقهر يفركه
ياحبيبن جعلني من غلاته خبيص
له عيوني وطن والروح له مملكه
ماعلي غير شوفك ياحياتي نقيص
هاك خيط المحبه وابيديك امسكه
بين هم وتفكير وحظن عويص
كل من قال خلّه قلت كيف اتركه؟
كيف اخلّي حبيبن في المحبه خليص
فارظن احترامه والحنان املكه
لو جعل لي رساله وسط مخبا القميص
بدري ان التجافي والزعل فبركه
ويوم قلت ابتعد ولله منت ابرخيص
كيف يرخص مقام الّلي هواه احبكه ؟


توك صغيره :


توك صغيره وابتديتي تحبين = من علمك ليل السهر ياصغيره ؟

بدري عليك العشق يابنت هاللحين = حرام هذا القلب وشهو مصيره ؟

انتي بريئه في الهوا ليه تشقين؟ = دروبه طوال ٍ عليك وعسيره

رحتي بدرب ٍ ماله اصلا ً عناوين = وانتي مشاويرك من اول قصيره

ياطفلة ٍ حبّت وراحت على وين ؟ = عقب الهنا ذقتي الحياه المريره

وينك ووين الحب والشوق والبين ؟ = عنّيتي عيونك وصرتي سهيره

امحق تسلّي كان ودك تسلّين = الورد لولا اللون وشهو عبيره ؟ ؟ ؟

خلّيتي دروسك وصرتي تحاتين = الدرس في ديره وصرتي بديره

وصرتي بعد من غير هذا تغارين = والمشكله يابنت منتتي خبيره

نصيحتي لك كان ودك تردين = يم السعاده والحياه المثيره

خلّك بجو العايله لا تعدّين = ماما وبابا والعجوز الضريره

شيبانك اللي ما يبونك تعانين = من بينهم عشتي كأنك اميره

الحب قبلك هز ناس ٍ كثيرين = خلا القلوب تعيش هم ٍ وحيره

والحب يفضح لا انكشف داخل العين = وانتي بنفسك ما هقيتك بصيره

طيعي كلامي واحذري لا تمادين = تراجعي لعل في الأمر خيره

عيشي الطفوله والبراءه لك سنين = وبعدين حبّي لا غديتي كبيره


ياليتني دكتور عينش :


يالـيـتـني دكـتـور عـيـنـش واداويـش = في ذمـتـي لـرفـق بـهـا مـن غـلاهـا

والله لـعـالـجـهـا مـن الـروح بـشـويـش = وامـسـح دمـوعـش لـيـن تـرجـع وراهـا

يـاغـالـيـه يـالـلـي عـيـونـي تـراعـيـش = لـبـى عـيـونـش جـعـل روحـي فـداهـا

ادري تـألـّـمـتـي عـسـى الله يـعـافـيـش = وادري تـصـبـرتي عـلـى ما وزاهـا

مـادام عـيـنـش تـسـّـهـرش فـي لـيـالـيـش = وش عـاد بـيـدي دام هـذا دواهـا ؟

تـحـمـّـلـي يـمـه عـسـى الله يـشـافـيـش = ونـفـس الـبـنـادم صـعـب تـلـحـق هواهـا

يـا مـا سـقـيـتـيـنـا وحـنـا مـعـاطـيـش = وفـعـايـلـش يـاكـيـف نـلـحـق جـزاهـا ؟

جـمـايـلـش لـو تـنـذكـر مـا تـكـفـّـيش = ويـمـنـاش يـايـمـه كـثـير ٍ عـطـاهـا

يـالـوالـده يـالـيـت شـعـري يـوفـيـّش = واكـتـب بـيـوت ٍ تـعـجـب الـلـي قـراهـا

سـلامـة عـيـونـش عـسـى الـروح تـفـديـش = يـاغـالـيـه مـادور الا رضـاهـا

بـس انـتـي ارتـاحـي وحـنـا بـنـكـّـفـيـش = ونـرد لـش عـقـب الـمـراره حـلاهـا

يـامـرحـبـا واهـلـيـن والله يـحـيـّـيـش = وجـعـلـش مـجـار مـن الـسـعـير ولـظـاهـا



قالت إتوشوش ؟




قـــالــت اتــوشـــوش؟ قــلــت طــبــعـــن أوشـــوش
تــــراش مــتّــــــــــصـلـه عـــــلى بـيـت عــــجــمـان


قــالــت وش انـتــوا؟ قــــلـت ســـيــلـن يــــطـــمـّش
مــــن يــــوقـــف بـــوجــه الـســـلاطــيـن خـــــسران


هـــــذا كـــــــــــلامــــي واعــــتــــقــــد مايــخـــصـــّش
مــــاغـــــيّــــره لــــجـــــــلــش ولانــــي بــنــــــدمــــان


لانــــي بــــــــلا خـــــــالــــــش ولانــــــي ابـــــعـــمــــّش
بــــيـنــي وبــيـــنـــــش فـــــرق شــــــــتـان شـــــــــــتـان


أنــــا عـــــــــلــى ســــــلــمـن ولاهــــــــو بـــــــسـلـمـــش
ســــــــلـــــم الـــــرجــــــــال مـــــطـــــــوّعــة كـل خــــوّان


مــــــاحـــــقــــــّرش والله ربـــــــــــــــــــــي وربـــــــــــــّش
والهـــــــــــــــــرج فـــــيـه الـــــلّــــي هـــزيــــلات وســمـان


مـــــــــــهـمـا ابـــتــــــــعـــــدتــــي ماتــــــعـدّيـــــــن أمـــــــّش
وانـــا دروبــــــــــــي لـــــــــــــــــــــيــل وبــــــــــطـون وديــان


لـــــو كـــــنـتت ادوّر عـــــــن غــــــــــــــرامــــي وافــــــــتـــّش
لــــــــــــــقــيــت بــيـن الــــــــــــنــاس ربـــــــــــعــــــــن وخـلّأن


تــــــــــوّش عـــــــــلى درب الــــــــــــمـــوالــــيـف تـــــــــــــوّش
درب الـــــــــــــــــــــــهــوى يــابـــنـــــت مــــوجـــن وطـــوفـــان


بـــــعـــــض الــــــــدروب الـــــــــــــــســــــالــــــكـه ماتــسـرّش
خـــــــلّـــــيـش عــــــن جــــــــــــــو الــعلاقـــــه والاحــــــــزان


وبـــــــــــــعــــــــض الــــغــــــــيــوم الــــمـــاطـــره مـاتــعـــلـّش
ومــــــــــــاكـــــــــــل غــــــيـــــمــه تــــمـــطــــر الوبـــل هـتـــّان


يـــــــــابـــنــــت لاهـــــلـلـحـــيــن مــــــــــانـــــــي بـــخــــــلـــّش
وضـــــــّحـــــت لــــــــــــش بــــــعـــــض الـــحــقــايــق بـبـرهـان


وشـــــــــــــلـون فــي لــــحـــظــه تــبـــيـنـي أحـــــــــــــــــــبّش؟
والاتـــــــــبـــــــيــــــــن الــــــــســـــالـــــــفـــه لـــــــعب بـــزران؟


طـــــــــــــيـــــعــــي كــــــــلامــــــــي واتــــــــركــــيــنــي طــلــبـتـش
خـــــلــــــــــّيـــــنــــــي اقــــــــضــــــي بــــــاقـــــي الــــعمـر فـرحـان


والـــلّــــي ســـــــــواتــــــي لازم انــــــــــــــــــــــّه يــــــــــــطــــــنــّش
ضــــــيــــــــــّعــت وقـــــــــتـــي لـــــــــيـــن نــــــــــــور الـــــفــجـــر بـان


روحـــــــــــــــــــــــــي فـــــــــــــــمــان الله ربــــــــي يـــحـــــفـــظــــــــــــش
يالـــــــــــــــــعــنـــبـــو قــــــلـبـــن عــــــــــــلى الــــــــــحب يـــــــنــهـــــــان




كل شارب له مقص :



ابتدا التفكير والهم والهاجس رقص
0 رقصتن يغري بها الفكر في وسط الذهول

حابسن نفسي عن الناس كني في قفص
0 دارت الايام فيني ودارت بي الفصول

كل ماقلت ان حزني غدا والا نقص
0 اكتشفت انه تزايد ولا عندي حلول

عزتي لي راح عمري وهمي ما خلص
0 كل ماقلت انتهينا واثر عاده يطول

ياحسافه دام قدري مع الغالي رخص
0 اثر له في بيع ذا الناس غايات وميول

واثرني من جيز ذا الخلق والحب اختبص
0 وضعنا واحد بعينه واخذنا بالشمول

ماعرف قدري وطبعي وفيني ما بخص
0 والخطا منه وخله يقول اللي يقول

الرجال بفعلها وكل شارب له مقص
0 والجمال جمال وتشيل من ثقل الحمول

ماندمت الا على الوقت والدنيا فرص
0 لاني برجلي ولا نيب في ظهر الذ لول

والقدر مكتوب للعبد لو انه حرص
0 لو يفر يسار ويمين مايقدر يحول

والفطين اللي لساعات وقته اقتنص
0 لا يضيع كل وقته على عشقن يزول

عقب مادلوي من ايدي تهاوى وانملص
0 والله ان ابطي وقلبي من الخاين جفول

والبنادم دامه اصلا ً تأذى وانقرص
0 لا يكرر غلطته لا ولا يصبح عجول

سيرة العشاق صارت روايات وقصص
0 يوم كان الحب غارات ورماح وخيول

والمحبه صارت اليوم بدروس وحصص
0 كثر ماتدفع تزيد المحبه والقبول

ولو زهمت الحظ يبطي وعاده ماقحص
0 لين تذبل كل ورده ربت وسط السهول



النوم سلطان :





النوم سلطان ونعاسي غلب عيني :: تصبح على خير واشوفك بعد بكره

هللحين اخليك لكن لا تخليني :: الله معك ياغلا لكن على فكره ؟؟

باحاول اصبر عسى صبري يسليني :: لو كان شوقي طواني طوية المكره

الله يساعد عيوني لين تاتيني :: ابنتضر والصبر في غيبتك سكره

نام وتلحف وانا يابهجة سنيني :: ماني بناسي الوعد باعيش مفتكره

من قال طيفك عن غيابك يكفيني :: ياللي جمعت الجمال وصرت محتكره

من كثر ماشوفك انت احلى محبيني :: لا شفت غيرك ضحكت وقلت ياجكره

ابنتضر وانت كم قد لك تمنيني :: بذكرك بالطيب والطيّب على ذكره

تبي تعرف الغلا وشلون باليني :: يشبه غلا اللي من عياله عشق بكره

يامن بزينه ملك عرش السلاطيني :: ياعين حر ٍ تشوف الصيد في وكره

لا تسمع الناس لحد ٍ يقنعك فيني :: العاذل اصلا ً ترى ماينومن مكره

وارجوك انا بالغلا لحد ٍ يساويني :: دام الهوا لك بروحي شي مبتكره

باقي على شوفتك يالترف يوميني :: لو طاف الاول انا كيف احتمل بكره ؟؟؟



رديه بين حمد المسرع ومبارك العجمي :





أرسل الشاعر حمد بن سعد المسرع هذه الأبيات للشاعر مبارك بن عبدالله العجمي


حينما سبقه بالذهاب الى القاهره حيث من المقرر ان يلحق شاعرنا حمد يصديقه


مبارك بعد عدة ايام فأرسل له هذه القصيده التي لا تخلو من الطرافه وبعض الألغاز






يامباركـ القرم خبّرني عن الديره

...................................... وشلون جو البلد من قبل لا جيها ؟؟


بشّر عسى الغيم لاحت لكـ تباشيره ؟

.............................................. وغزلان طنطا عساها في مفاليها ؟؟


ان وافقت خير وان ما وافقت خيره

........................................ وان قاله الله بعد يومين ناتيها


وعقلكـ مع الوقت لا تشغل تفاكيره

............................................ عش لحّظتكـ واتركـ الدنيا وما فيها




رد مباركـ




ياصاحبي صاحبكـ كثرة مشاويره

......................................... فـ القاهره جعل رب البيت يسقيها


مابين توصيله ورجلي وتأشيره

......................................... ولوازم ٍ ياحمد لا زم نقضيها


وغزلان ذا الدار يابوفيصل اكثيره

........................................ بنصيدها ونتقاسمها ونشويها


احسن من اللي تحط الفكر في حيره

................................................. اللي تزعلكـ وانت اللي تراضيها



قصيدة مستوره :





الفتون اللّي هواها ماخذن له حيّز / وسط قلبن مايعرف الا هوا مستوره

ليه مايصبح هواها فارق ومتميّز / وهي بعيني دايمن تطلع بأجمل صوره

أحمل بصدري لها حب وبعد متحيّز / للجمال اللّي خذاني في غزير بحوره

ياغزالن من حلاها ماقدرت أميّز / تايهن والعين من زين الغضي معذوره

جعل يسقا لا دخل سبعه ورحت أفيّز / نلتقي بالديره اللّي بصيفها ممطوره

العزيز بوسط قلبي مايصير عزيّز / دامه بقلبي عزيزين ماتطيح قصوره






قصيده في وزير التجاره السابق المهندس : فلاح بن ذروه الهاجري وبسبب هذه القصيده أصبح شاعرنا حمد المسرع

رئيس قسم في وزارة التجاره والصناعه :



قبل ماتصبح وزير التجاره يافلاح
0 00 00 00 00 00 00 0 وانت قرم وسمعتك بالمراجل فارقه

أشهد انها كلمة الحق مافيها مزاح
0 00 00 00 00 00 00 00 كل ماجا طاري الطيب جيت تسابقه

انت تستاهل مع البشت والمنصب وشاح
0 00 00 00 00 00 00 00 00 0 هو يجيك يعانقك قبل لنت تعانقه

تفتخر فيك المناصب من علوم النجاح
0 00 00 00 00 00 00 00 0 وصيتك بكبد السما لاح صوبي بارقه

مجلسك بالعود الازرق وريح الهيل فاح
0 00 00 00 00 00 00 00 00 الدلال الصفر والعود جمرك حارقه

مجد واخلاق وتواضع وفزعات وسماح
00 00 00 00 00 00 00 00 00 وعادني بازيد وحده فعولك صادقه

خوّة الطيّب مع الطيب مثل اسم الصباح
00 00 00 00 00 00 00 00 0 رزقه ونسّمة عليله تجي مترافقه

حلفنا يابوفهد من على وقت الرماح
00 00 00 00 00 00 00 00 حلف ياوجه إمّحلف من عصور ٍ سابقه

جيتك ابغا اشرب من العد ورّدني قراح
00 00 00 00 00 00 00 00 0 السفينه طال عمرك تراها عالقه

ماشكيت من العذارى ولا ظبي البراح
00 00 00 00 00 00 00 00 0 اشتكي نار ٍ بوسط الظماير حارقه

ودي اطلع منك والصدر ماليه انشراح
00 00 00 00 00 00 00 00 0 همي اللي طاول الصدر ليت افارقه

الزمن يمضي وماراح من الاعمار راح
0 0 00 00 00 00 00 0000 00 حاجتي عندك وابي منك بس موافقه

انصف اللي جاره الوقت وسنينه شحاح
0000 00 00 00 00 00 00 00 ينتضر شمس ٍ تنوّر بدربه شارقه

يابن ذروه وانت راعي المراجل والكفاح
00 00 00 00 00 00 00 00 00 خل من شيّد لك الشعر يهنا خافقه

وجعل طيرن مايسميه راعيّه فلااااااح
00 00 00 00 00 00 00 00 0 جعل يصبح في عداد الطيور النافقه


نامت بحسرتها :



نامت بحسرتها وانا نمت مرتاح = علمتها وشلون معنى التحدّي


عيّشتها مابين الآم وجراح = قامت تعرف ان ماهي اللحين قدي


صارت بديني لعبتن مثل مسباح = عذبتها مابين هجري وصدي


خليت كحلتها من العين تنساح = وصار الفكر والحس والروح عندي


مر ٍ أسهّرها الا وقت الاصباح = ومر ٍ أمسّيها على حلم وردي


شوقي سرا بعروقها وقام يجتاح = حتى الغلا بعيونها صار فردي


صرت بحياة المترفه ريح فوّاح = بنت الدلع والذوق بنت الأفندي


بنت الحياه الهانيه حظها طاح = تلعثمت ماتدري منين تبدي


انقلبت الآيه وراح الدلع راح = واللي ابيه يصير لا مايردي


خليتها عقب الطرب والتمداح = تشقا بحب اللي فعوله تعدي


علمتها ان السجن تهذيب واصلاح = وعلمتها ان البحر جزرن ومدي


وعلمتها ان دموعها ماهي سلاح = مهما تهل الدمع ماقلت هدي


ياصاحبي زرق الهوا كنه إرماح = بيّحت سدّك وانت بيّحت سدّي


لو كل من له طير سماه سداح = ماشفت جولن للحباري يعدي


أول بديها كان قفلن ومفتاح = واليوم صار الوضع حازم وجدي


جننتها نسّيتها طعم الافراح = بنت الدلع والذوق بنت الأفندي




تصبح على خير :



تصبح على خير ياصوت ٍ يسامرني - يدفي شعوري ليامن عانق اسماعي

ليمن سمعته يسرّيني وياخذني - مدري على وين ياخذني وانا واعي

انسا من الناس دام انه مواصلني - أبحر معا نبرته وارفع له شراعي

حسّه جميل ومن الفرحه يداعبني - ومن زود حسنه اضيّع درب الاسناعي

متعوده كل ليله يوم يطربني - وان غاب صوته احاسيسي له جياعي

ياناس كافي ترا ذا الشخص عاجبني - هو لحن حبي وفيه القلب ماطاعي

خلوه يخطي وراضي به يعاتبني - حبه عفيف ٍ ولا به زيف وخداعي

مالوم قلب ٍ عليه اليوم يدفعني - متولع ٍ في محبة زين الاطباعي

نعم أحبه ومن يقدر يحاسبني - دام اني اهواه ما للمعذره داااااااااعي




زين ياحميدان ( فكاهيه ) :


كتبت إميّة قصيده عقبها ألّـفت لي ديوان
. . . . . . . لها تسعه وتسعين ٍ ووحده قلتها فامي

وجتني عقبها زعلانة ٍ وتقول ياخوّان
. . . . . . . تحط اشعار في غيري وانا اللي ناشف ٍ دمي ؟

وانا اقول اتركي مني المشاكل واللّعني الشيطان
. . . . . . . . . ليا منـّه طرالك استعيذي منـّه وسمّي

ماغير امي كتبت الها قصيده وابغي الإحسان
. . . . . . . . ولا كفـّاك كل اللي كتبته ياكبر همـّي

وقالت لي انا ابدالك من امّك وانت بي كسبان
. . . . . . . . كفايه من عرفـّتك معـّترف في خالي وعمي

حبيبي انت لي بروحي ولا يشاركني اي انسان
. . . . . . . . ولو آمر على قلبك تقول إتفضلي سمّي

كفايه ماأبي اسمع قصيدك واعذب الأوزان
. . . . . . . . خلاص اكتب عن اللي يعـّجبك لا تلتفت يمّي

وانا حاولت افهّمها وقالت زييييييييين ياحميدان
. . . . . . . . اذا ماشوف لك صرفه انا مانيب بنت امي ؟؟؟؟؟؟



عنوان شوقي :


عنوا ن شوقي عسى ماشر يامطوّل ؟ == قلبي يحاتيك وعيوني تبي شوفك


بين البلادين سبع شهور متجوّل == تتبع هوا النفس ماحاتيت مصروفك


في ديرة ٍ جوّها عز الله يهوّل == مرتاح منها وفيها تتبع شفوفك


من زينها ماتبي ترجع ومتهوّل == وتقول ليتك معي لو تسمح ظروفك


من عزّها ماتلاقي شخص متسوّل == فقيرها مايبي عطّفك ومعروفك


لو الأماني كثر محتجتها تنوّل == شفتك حقيقه بدل ماخاوي طيوفك


النفس ياكثر ماكانت لي إتّسوّل == وحتى ولو سوّلت لي مقدر اعوفك


اي والله اني عليك اشد واعوّل == متى يهل المطر من عالي قنوفك ؟


ارجع ترى شوق قلبي صوبك مفوّل == سلّم علي وامسك الكفين بكفوفك


ماهوب انا اللي تجي تلقاه متحوّل == انت المعزّب وانا من خيرة ظيوفك


علمني انت بتجي أو عادك مطوّل ؟؟؟ لني صراحه تعبت اشتاق ماشوفك



المكر :


اليوم بكتب شعر لكن حداثه // تحديث للفاظ البدو بس عصّري

مدري تعلمته او انه وراثه // غير الوكاد انه على الناس حصري

ازرع بوقتن مابعد به حراثه // ولا جا العصّير اجلس على جال قصري

قصّري وانا مختار افخم اثاثه // مابيعه لناصر ولا ابيع نصري

الله يسامح من بقلبه خباثه // منصور واسماعيل واحمد وبصري

اول هم اعدائي وكانوا ثلاثه // وانا لحالي بس واثق بنصري

والمكر كانك ماعرفت انبعاثه // ابحث وتلقى راعي المكر مصري

كني بلد منكوب وابغى الإغاثه // ليلي تساوا مع نهاري وعصري

وراس ٍ وراه الشّر محلا اجتثاثه // رأيي ذكرته وبصراحه وبصّري



احضن احساسي :



انت لا تقرب ولا تبتعد مني كثير = لا تروح ولا تجيني ابي طبعك وسط


ما أبيك بشكل عادي ولا شكل ٍ مثير = خل شكلك كل مرّه له انواع ونمط


حبني من كل قلبك بإخلاص وضمير = وطوّف الزلات مني ولا تبدي السخط


حطني مجرى النفس في الشهيق وفي الزفير = وحطني جمله وأكمل نقط نقط نقط


لا تغرّك كشختي ولبسي لبشت الوزير = والله اني شخص عادي وعايش في قحط


ألبس احسن لبس حتى ولو اني فقير = واتحلى بالصبر واستجير الله فقط


مايعيب اهل الفقر جلسة ٍ فوق الحصير = بس ربي لا كتب رزق للعبد انبسط


لا تطالع شيب راسي ترى ماني كبير = لا طردت الشيب مني على راسي قلط


كل سيف ٍ غير سيفك ترى ماهو شطير = وكل زين ٍ غير زينك ترى ماهو فرط


أنور بدنياي نور ٍ تمناه الضرير =واستمع دقات قلبي ترى قلبي فحط


واحضن احساسي مثل حضّنة الطفل الغرير = يرتبك من نظرة أمه ليا منه غلط


صدفة العمر اجمعتنا وسط فندق سفير = يوم ( عقـّـدك ) طاح وانهار منك وانفرط


يوم جيتك مثل حر ٍ على صيده إمغير = واتعذر واللقط العقد وبراسي خطط


خطة ٍ وحده وكانت كفيله ياصغير = وبيت واحد كان كافي من اشعار النبط


لا ني بقيس الملوح ولا حتى جرير = يكفي ان قلبك من ضلوعك السبع انخمط


استمرينا سنه والله اعلم بالمصير = واقبلت ثاني سنه والشعور ابك انربط


امشي بدربك من العام واتعبني المسير = وجيتك بقلب ٍ من الحب والشوق اختلط


ليه ماحبك ولاصير في دنياي زير ؟ = وليه ماشوفك ولا قول لك فكري ضبط ؟ ؟




رساله :


كل اللذي بيني وبينك رساله *** ارسلتها لك بالغلط وانت دقيت

وش لك بتطويل الحكي والعباله *** عيّيت تسّمع كلمتي ماترويت

مدري تـطـفـّـل موقفك او جهاله *** واللي ذبحني يومك تقول حبيت

مسرع عشقت الحب عندك سهاله *** حبيتني في ربع ساعه ومليت

انا اشهد انك صرت للروح عاله *** ياليتني بزود الخطا ماتماديت

الحب عقب ( ؟؟؟ ) قافل مجاله *** هذي الحقيقه قلتها لو تعزويت

الصاحب اللي ذقت احلى دلاله *** من دلـّـتــه ياما وياما تقهويت

له منزل ٍ في وسط روحي لحاله *** وفي كل شبر ٍ داخلي صار له بيت

الحب مايحلى بليّا وصاله *** اللي بعاده شتّت الفكر تشتيت

يجوز لي في ضحّكته وانفعاله *** ويطري على بالي بكل التواقيت

البحر يسألني ويصفق بجاله *** يقول وينه ياحمد ذايع الصيت ؟؟؟

اللي سحرني في بهاه وجماله *** اللي ليا وقــّـف على جالي امسيت

هذا البحر يشكي حلاه ودلاله *** وشلون انا لو جيت اباأوصف ولا اوفيت ؟؟؟

ودام اللذي بيني وبينك رساله *** ارسلتها لك بالغلط وانت دقيت

ارجوك روح وخل قلبي بحاله *** واترك لي هموم الزمن والتناهيت



من زمان :

مـن زمـان مـودّع الـعـشق وايـام الـغـرام :: مـن زمـان اعـيـش لـحـظـات عـمـري مـهـتـنـي

مـن زمـان مـعـانـق الـغـيـم واطـراف الـغـمـام :: عـقـب مـاروحـي شـكـت لـي تـقـول اوجـعـتـنـي

لـيـه رديـتـي عـلـي ؟؟ لـيـه خـالـفـتـي الـنـظـام ؟ :: كـيـف دلـيـتـي طـريـقـي وجـيـتـي مـسـّكـنـي ؟

مـاتـركـتـيـنـي مـع الـطـيـف لاجـا بـالـمـنـام :: دامـنـي فـي حـالـي ادرى وفـيـهـا مـعـتـنـي

أدري انـك كـتـلـة احـسـاس واشـواق وهـيـام :: كـافـي انـي مـن جـمـالـك اقـول اذهـلـتـنـي

وادري انـك بـنـت شـيـخ ٍ ومـن ربـع ٍ إحـشـام :: يـاقـوام ٍ يـبـهـر الـعـيـن كـم عـذبـتـنـي ؟

وادري انـك فـي دجـى الـلـيـل بـدّدتـي الـظـلام :: لـيـن جـاك الـبـدر يـشـكـي وقـال احـرجـتـنـي

وادري ان عـيـنـك بـهـا الـمـوت ورمـوشـك سـهـام :: وادري انـي لا نـظـرتـك اقـول ابـهرتـنـي

ورغـم ذلـك اتـركـيـنـي وعـيـشـي فـي سـلام :: مـانـفـعـنـي طـيـب قـلـبـي وصـافـي مـعـدنـي

مـن يـشـوفـك غـصـب او طـيـب يـولـيـك اهـتـمـام :: لـكـن الـلـي يـعـرفـك عـن غـرامـك يـنـثـنـي

احـتـرم اطـراءك واحـتـرم كـل الـكـلام :: بـس قـلـبـي ويـش ذنـبـه مـدامـه مـهـتـنـي



وانتضروا المزيد انشاءالله

[تركي الميموني]

صح لسان شاعرها

الغني عن التعريف

وتسلم أيدك على نقل المقتطفات الشعريه


وبانتظار الجديد والمزيد من روائع قلمك

تقبلي مرور حروفي

[المربوعه]

المشاركة الأصلية كتبت بواسطة تركي الميموني

صح لسان شاعرها

الغني عن التعريف

وتسلم أيدك على نقل المقتطفات الشعريه


وبانتظار الجديد والمزيد من روائع قلمك

تقبلي مرور حروفي

حي الله اخوي تركي



يستاهل شاعرنا حمد المسرع هذا الاطراء ويبدو انك تعرفه زين لا هنت




ويسعدني تواجدك العذب ياتركي الميموني

[ديقول22]

لـــــو كـــــنـتت ادوّر عـــــــن غــــــــــــــرامــــي وافــــــــتـــّش
لــــــــــــــقــيــت بــيـن الــــــــــــنــاس ربـــــــــــعــــــــن وخـلّأن


تــــــــــوّش عـــــــــلى درب الــــــــــــمـــوالــــيـف تـــــــــــــوّش
درب الـــــــــــــــــــــــهــوى يــابـــنـــــت مــــوجـــن وطـــوفـــان


بـــــعـــــض الــــــــدروب الـــــــــــــــســــــالــــــكـه ماتــسـرّش
خـــــــلّـــــيـش عــــــن جــــــــــــــو الــعلاقـــــه والاحــــــــزان







مشكووووووووووره ع الابداع بعد الغيبه يالمربووووعه

[المفاوض]

صح لسان شاعرنا وعز الله ابيات على معنى



لا هنتي على النقل الجميل في امان الله

[المربوعه]

[quote=ديقول22;1828324]لـــــو كـــــنـتت ادوّر عـــــــن غــــــــــــــرامــــي وافــــــــتـــّش
لــــــــــــــقــيــت بــيـن الــــــــــــنــاس ربـــــــــــعــــــــن وخـلّأن


تــــــــــوّش عـــــــــلى درب الــــــــــــمـــوالــــيـف تـــــــــــــوّش
درب الـــــــــــــــــــــــهــوى يــابـــنـــــت مــــوجـــن وطـــوفـــان


بـــــعـــــض الــــــــدروب الـــــــــــــــســــــالــــــكـه ماتــسـرّش
خـــــــلّـــــيـش عــــــن جــــــــــــــو الــعلاقـــــه والاحــــــــزان




هلا اخوي ديقول الله لا يحرمنا من طلتك البهيه ومرورك العطر




لا هنت اخوي الكريم

[بنت الزعبي ..]

لا هنت يا خوي على نقل الابداع

والله لا يحرمنا منك ولا من جديدك

تقبل حضورى المتواضع

[المربوعه]

المشاركة الأصلية كتبت بواسطة المفاوض

صح لسان شاعرنا وعز الله ابيات على معنى



لا هنتي على النقل الجميل في امان الله

المفاوض الله يحييك اخوي



تشرفت باطلالتك البهيه هنا لا هنت

[المربوعه]

المشاركة الأصلية كتبت بواسطة بنت الزعبي ..

لا هنت يا خوي على نقل الابداع

والله لا يحرمنا منك ولا من جديدك

تقبل حضورى المتواضع

اختي الفاضله بنت الزعبي مشكوره حياتي على وجودك الطيب


لا هنتي عمري

[Najla]

عقب مادلوي من ايدي تهاوى وانملص
0 والله ان ابطي وقلبي من الخاين جفول

والبنادم دامه اصلا ً تأذى وانقرص
0 لا يكرر غلطته لا ولا يصبح عجول..

ياناس كافي ترا ذا الشخص عاجبني - هو لحن حبي وفيه القلب ماطاعي

خلوه يخطي وراضي به يعاتبني - حبه عفيف ٍ ولا به زيف وخداعي

مالوم قلب ٍ عليه اليوم يدفعني - متولع ٍ في محبة زين الاطباعي

نعم أحبه ومن يقدر يحاسبني - دام اني اهواه ما للمعذره داااااااااعي

..

لا تغرّك كشختي ولبسي لبشت الوزير = والله اني شخص عادي وعايش في قحط

^




صح لسآن الشاعر / حمد المسرع ..

وصـح نقلش يا/ المربوعه .,

لآهنتي .!