واهني الصخره اللي مايحرقها سموم 00=00 الزمــان اللي يهد العــزم ماهدها
الزمان اللي تحدا قوييـــن العـــــزوم 00=00 ليــن مشاها على ود ماهو ودها
والمجامل بعض الأحيان مايقضى لزوم 00=00 لابو النفس الضعيفــه لابو جــدهــا
ميـر تجبرنا العوايد وتجبرنا السلـــــوم 00=00 نكتــم الاسرر يالين تاصل حدها
الردي لاطاح جعله يطيح ولا يقوم 00=00 باح ســده والنشاما ماباحت سدها
كل ماكبرت وضاقت على عيال الرخوم 00=00 نحتزم لاكبر مصيبـــه وناطا خدها
جعل قسمي عند ربي من خيار القسوم 00=00 واحدٍ يعطي العطايا ولا يرتدها
ياعيال آدم وحوّا تراها ماتدوم 00=00 دورة الايام لابدها لا بدها
ياوليد البط وشلون مااتقدر تعوم 00=00 وانت أبــوك يعوم جــزر البحور ومدها
وانت ياحلمٍ حلمتــه مهو مثل الحلوم 00=00 ياضحيّة مزح الاحلام مدرى جدها
ادرى ان فالناس معطى وفالناس محروم 00=00 ايه يابيض النوايا ويا مسودّها
ويا ضميري لا يهمك من الدنيا هموم 00=00 الصعيبـــه حلّها والبسيطـــه عدها
جات في ســد الشواااارب وفي سد الخشووم 00=00 كبر الضيفه وعش الضيوف وغدها
والمراجل ماتوفي بضاافية الهـــــــدووم 00=00 كود بسيوف يشوق النواظر حدها
والردي لو درس المرجله في كـــل يوم 00=00 المراجل عند اهلها يذعذع ندها
يعتبر قسمه مثل قسم زاهية الرقوم 00=00 يوم تكحل رمشها والقرون تكدها
ماكسبت الا رضا اهل النمايم والعلووم 00=00 يارسول الحكي هات العلوم وودّها
الصفوف اثنين هذا دفاع وذا هجوم 00=00 وانت اظنك لانت معها ولا انت بضدها
شرهة الطيب تعدااااك للغوج العزوم 00=00 وانت صلفات المشاريه ماإنت بقدها
وانت في سود الأظله تريّح ومخدوم 00=00 وإن ذبحك الجوع كــد التكاسي كدها
13-08-2004, 03:55 PM
العرض العادي
