السلام عليكم هذي قصيدة الشاعر:ابراهيم الزراقي
واتمنا ان تنال اعجابكم
الله اكبر ياعيونـن دمعهـا فاضـح هدبهـا
مستحيـل تمـر ليلـه ماتـدن الهاشمـيـه
نوب من فرقى حبيب ونوب مدري وش سببها
تذرف الدمعه كذا من محجر العيـن الشقيـه
والله اكبر يازمانـن فرحـة ايامـي سلبهـا
واقتصدني بالهموم الـي علـى قلبـي قويـه
الزمان الي حرمني شوف ناس(ن) من نسبها
تعرف ان الله خلقهم غير عـن كـل البريـه
ناس فيهم طيبتن محدن مـن العالـم كسبهـا
غيرهم والي خلقهـم حطهـا فيهـم سجيـه
يحترون الوصل مني والزمن قـرب عتبهـا
واتهمني بالخطا والنفـس مـن فعلـه بريـه
القرايب لي ثمـان سنيـن طيفـي ماقربهـا
مدري التقصير يلحـق مـن والدنيـا دنيـه
شفت ذيك الهجره الي زينـة الدنيـا عربهـا
عهدي ابها يوم كان الوقـت يجمعنـا سويـه
يوم كنا مع بعض في باديتنـا عهـدي ابهـا
قبل تفريق السنين الي خذت قلبـي ضحيـه
السنين الي حدتنـي واحرقتنـي فـي لهبهـا
لين صار الجسم كله كيت(ن) مع جنب كيـه
ياوجودي وجد عودن حالتـه ربـي نكبهـا
وانكب حضه مساء ذيـك الليـال السرمديـه
نهبت نياقـه تـوال الليـل والعايـل نهبهـا
مامعـه حيلـه ولاحولـه نجـاه ومقدريـه
قام ينظـر ويتفـرج والعـدو ذوده شعبهـا
والرصاص يثور من حوله وهو يـده خليـه
يوم راحوا واتقـو مقفيـن عبراتـه سكبهـا
ماقدر يحبس دموعن جات من هول القضيـه
راح يم الناس تال الليـل والخطـوه سحبهـا
يوم جاهم زادت همومـه وزاد الظيـم سيـه
جاء يصيح الذود راحت والعرب محد غلبهـا
يحسبن النار حيـه واثرهـا ماهـي بحيـه
منقول
11-08-2009, 12:53 AM
العرض الشجري