يا كثر .. حبي لـ( محبوبي ) و تقصيره

[جطلي بن فهد]

للشاعر طلال الجميلي

عسى ان تنال اعجابكم ..

الليل و الريح و الافكار و الحيره=ونور القمر / لا بدا في منتصف شهره
و امواج ( بحر الخليج ) ليا هدا غيره=ما باقي الا ( الوليف ) و تكمل السهره
تجبرني ؛ أحجز على الاشواق / تأشيره=واروح ( خيّال ) و احلامي معي مهره
يا كثر .. حبي لـ( محبوبي ) و تقصيره=ما نقص بـ.. كثر حبي له ولا طهره
فـ( العين ) له صوره ؛ و صورته تصبيره=عن واقع الحزن .. في غيبه وفي جهره
من يوم .. جاء و الوطن نبتت .. نواويره=من حقه .. اللي نسى من جيته دهره
( وجه الزمن ) يبتسم . من عقب تكشيره=يا كثر ناساً منه .. ( حرقا و منقهره )
ان مرهم . ما ابتسم وليا ابتسم ( خيره )=من نور وجهه .. عيون الناس منجهره
يبين في ( وجيه خلق الله ) تأثيره=تشوف . عذاله - اكثر ناس - منبهره
في خافقي .. يا كثر نسبة جماهيره=هو اول الناس .. بـ( الابداع والشهره )
أحيان لا من ضميت / آرد على بيره=وأحيان ما أروى . لو اشرب من صفا نهره
ما دام .. صارت :- مشاويري / مشاويره=يالله عساني .. ما اشوف مع الزمن ظهره .!
ما دام . سطّر معي . لـ( العاطفه ) سيره=يحرم علي .. أزعجه : لا امره و لا نهره ..!