الجاااااااااادل اللي يمر القلب شارعهااا أبن قضعـــان

[مغتـــــرب]

السلام عليكم ورحمة الله وبركاته

والله يسعد جميع اوقاتكم بالخير


عسا اختياري ينال عجابكم





صلو على النبي

الجادل الي يمر القب شارعها=بين الحنايا تعدا ما تطالعني
تقفي مع الدم بعروقي واتابعها=واحس. كنها على نفسي. توزعني
قامت تبعثر غلا وان جيت اجمعها=اظمها.واتشتت. لين.. تجمعني
بين الحنايا تثنى في مرابعها =كنها تقول اتحدا من يطلعني
دام الحشا بيتها وانا مدلعها =وش دخل القلب يزعل يوم توجعني
وليا خذا رمشها رجل. يطالعها = لعل رمش خذاني ما يرجعني
عيونها جيوش والنظره. طلايعها =غارت بصدري وجاز لسيفها طعني
ويوم انكفت لين قلبي من قلايعها=والصبر عن خافقي ماعاد ينفعني
مدهالها القلب وعيوني مراتعها=اموت فيها وهي. لريح. تزرعني
لو تدري الريح عن هادي طبايعها=ماهزت غصون قلبي لين.. ودعني
ريحانتي والغلا فالقلب زارعها =تشرب عروقي وترواني وتشبعني
كن النحل من رحيق الورد مشبعها=وانا شموخي من احلى شي جوعني
وليا تعانق خجلها مع تواضعها=عانقت ليل على مسراه شجعني
لو ينسرا ليلها سريت با يعها=بشر ولا الله عن الزله مرفعني
واصبحت من عقب ماني ضدها معها=ان ضاعت اضيع وان دلت تسنعني
وان شفت بالعين قلبي بين اصابعها=سجدت لله يالله لا. تضيعني
وان جات للجدواسقتني مدامعها=علمتها الدمع للعشاق وش يعني
الدمع صوت ليا غازل مسامعها =تشوف صوتي واذا مريت تسمعني
والله ماكنت اطاوعها ولا اسمعها=لاكنه الحب سمعني وطوعني
للجادل الي شراييني شوارعها=القلب يقتادني والنفس تمنعني

الشاعر ضيدان بن قضعاااان