حط راسك يا اطرق العود..للفراعنه

[محمد السبيعي]

حطّ راسك يا أطرق العود أنا ماني رسول= عادتي لا شفت غصـنٍ يميـل آمايلـه
في جمالك وش عسى كلّ ما نكتب يقول؟= وانت من شافك خطيرٍ يضيـع القايلـة
فتنتك ما حاشها فوق وجه الأرض زول =هايلـة وبكـلّ معنـىً نقولـه هايلـة!
لعنبو قلـبٍ يحبّـك ولا صـار مْهبـول =يـا منسّينـي انتمائـي لذيـك العايلـة
حسنكم مـا يفتـن ألاّ مكبّـرة العقـول =والاّْ راع النقص ما احدٍ عليكـم سايلـه
ما تشوف شلون شمسك ولا مرّةْ تزول=والشموس اللي سواها لو ابْطت زايلـة
لو تطبّ بديـرةٍ يابسـةْ قشـراً محـول=لا تعجّب لـو تشـوف اوديَتْهـا سايلـة
من يشوفك تظلم الساق بقْصار الحجـول=كيف له ما شاف برق الربيع وخايلـه؟!
من ثلاثك يالغضي ودّي اركب لي رحول=لين اشوف الحايلي ممسيٍ فـي حايلـه
غير سبعٍ فوق سبعٍ ولولٍ عـضّ لـول=خابرٍ لي شيٍّ اعظـم ولانـي قايلـه!!!
خصرك اللي يوم هز السما عرضٍ وطول=مثـل طفـلٍ لا تزيعـل علـيّ آحايلـه
من لبن! من خيزران! الوكاد إنّه يهـول=بْرغم ما فيـه سـوّاه غيـره شايلـه
أهيفٍ من طيبته مـا عـرف ذولا وذول=والاّْ كيف يشيـل ردف بثقلـه غايلـه
لو تطبّ الملعبة مـن تهامـة للفضـول=حرّمت تلعب على القاع شقـر آصايلـه
كلّ غصنٍ يا اطرق العود لو حتّى يطـول=أنت منه اطـول وعادتـك راع الطايلـة

ناصر الفراعنه

[العماني]

لا هنت يالسبيعي على القصيدة الجزلة من شاعرغني عن التعريف.

تقبل تحياتي،،

[فيصل بن حجرف]

السلام عليكم
لاهنت اخوي محمد على النقل
وصح لسان الشاعر محمد الفراعنه
قصيده في قمة الروعه
وننتظر جديدك اخي العزيز

[محمد السبيعي]

العماني ومن يقول يالغاالي

شكرا لك ولمرورك

مشرفنا العجماان

شكرا لك على مرورك اخي العزيز

والمعذره على التأخير

اخوكم

[سلطان بن جفن]

صح السانك والسان شاعرهاولاهنت

يالغالي على النقل الجميل

من شاعر معروف


اخوك
سلطان

[محمد السبيعي]

يااامرحبا ياابن جفن

صح قلبك يالغاالي

لاهنت

[ياميه جديده]

شكرا على النقله

[محمد السبيعي]

العفو اختي

[العماني]

أخوي محمد السبيعي مدري اذا تعرف قصيدة الفراعنه اللي يوصف فيها رحلته الى المغرب

[محمد السبيعي]

اخوي العماني

المعذره يالقرم ماارديت عليك الا متأخر

لكن القصيده والله مااتحضرني مع اني سمعتها من قبل

سأبحث عنها وإن وجدتها اعدك ان انزلهااا

اعذرني على التأخير

تحيااتي لك