مايجيب الراس إلا البنت

[ســلطان زمانه]

مايجيب الراس إلا البنت

--------------------------------------------------------------------------------




ما يجيب الراس غير البنـت لا لـدت نظرهـا


تشعل حروب البسوس وتلبـس السلـم ووسامـه


كان في عصر الجهاله قاصـر الشوفـه قبرهـا


لا تزال البنـت تقبـر قيـس وتعـزي عمامـه


ضعفها قـوه غريبـه والنظـر قمـة خطرهـا


تنفرد بالشيـخ وترسـم دورة الحكـم ونظامـه


والبطن سبحان ربي تقل لاصـق فـي ظهرهـا


والخدود خدود لكـن ورد جـوري فـي مدامـه


ويش اباخذ ويش اخلي ؟ من هدبها من شعرهـا


من ظلال الرمش فوق الخد وفوق الخـد شامـه


دام ماعندي مرايـه بـا تمـرى فـي نحرهـا


لابس عمامه وراسي طـش ابـو جـد العمامـه


والرجل يعشق ويهوى قبل ما ييبـس خضرهـا


والجمل لو شفت كبره طفل جـره مـن خطامـه


قالوا ان الثقل صنعه 00قالهـا اللـي ماخبرهـا


فاتنه بنت الذيـن 00 تطلـق المـوت وسهامـه


قالت احذر من صيامك تجرحه والـزم حذرهـا


يابعد روحـي وربـي عاشقـك ذابـح صيامـه


وش حياة الكف كان الكـف ماتقطـف زهرهـا


والغشيم يعيش وضاعـت رزقتـه راع الفهامـه


والطفل لاعا ف لعبـه دابلـه تسبـده كسرهـا


القلم مرفوع نام الليـل00 والا 00 ّمـا ينامـه


والغلا بذره 00وربـي وسـط خفاقـي بذرهـا


وش لميس ؟ وويش يحيا ؟ وش مهند وش غرامه


ما جذبها كل شعري00 كيف شعري ما سحرهـا


يوم انا الي ذقت سحره فـي سلامـه وبكلامـه


لعنبو ها الوقت ظالم حطـم عظامـي كسرهـا


كسر الله قلب هذا الوقـت وحطـم لـه عظامـه


ما ترك حفره بقلبـي فـي يمينـه مـا حفرهـا


ما تـرك ونـه بصـدري ليـن قومهـا قيامـه


ما ترك دمعـه بعينـي شامخـه حتـى نثرهـا


ما ترك قلعه شموخـي ليـن حطمهـا حطامـه


ما ترك بالصدر فرحة عمر بيـده مـا دمرهـا


ما ترك با الفم بسمه00ما تـرك للـراس هامـه


ما ترك لي ورده الا جـاب يـا عالـم خبرهـا


ماتـرك بالجفـن نـوم الا وطيرلـي حمـامـه


ما ترك با القلب نار ٍ ( ن ) طافيه الا سعرهـا


ما ترك للحلم شعـره00 ماتـرك للعـز قامـه


يا حبيب القلب يكفي 00خايف أغرق في بحرها


والبلا اني مندفـع بالحيـل وتدفعنـي الشهامـه


ارمي بقلبـي وراهـا والحـق انفاسـي بثرهـا


يخرب الحب وزمانه 00 يقطع العشق وهيامـه


يقطـع سنيـن المـوده والمحبـه مـع شهرهـا


وش علام الوقت ضدي دوم ضدي وش علامـه


ما ترك لي عين نامت غيـر وردهـا سهرهـا


ما ترك وضـح الليالـي ليـن بدلهـن جهامـه


ما كتبت أجمل قصيدي فيـك ودموعـي مهرهـا


كيف ؟ وانت الحسن كله جاك خاضع باحترامـه


كيف وانت ألوان طيفك في بياضك مع حمرهـا


كيف وانت الشامخ الي قاصـره دونـك تهامـه


كيف وانت الكوكب اللي يقهر الشمـس وقمرهـا


كيف وانت الشمعه اللي تشعـل الليـل وظلامـه


كيف وانت الغيمه اللي بلـل عروقـي مطرهـا


يا سلام الله علـى حبـك ذبحنـي يـا سلامـه


ذا جزاء اللي مد رجله عن هواهـن ماقصرهـا


والرجل لوهـو تحيـزم للصبـر فكـن حزامـه