كان االتّنهاد في صدرك من أربع ليال’’,شفني على حالك اللي تعيش قدلي سنه

[جطلي بن فهد]

ذكرى مواعيدنا في الذاكره لاتَزال
وأيّامنا .. الوقت والتاريخ والأمكنه

وملامحك في الرّضا وملامحك بـ.. انفعال
وتمرّدك جد ولاّ ضّحك .. والمَسْكَنَه

وجمالك اللي عجزت أشوف مثله جمال
وتشكيل عودٍ عظامه كلّها ليّنه

وأنفاسك أطيب من الكادي وريقك زلال
والثّغر واللول والعنّاب غالي اثْمِنَه

ياللي بـ.. حَلا عيونك أحرجت المها والغزال
الصّمت يذبح ببوح بكلمةٍ محزنه

كان االتّنهاد في صدرك من أربع ليال
شفني على حالك اللي تعيش قدلي سنه

تضيق بي دنيتي مع كل ميلة ظلال
وأحرّر الدمع من عيني .. ودمع أسجنه

أخفي عن الناس وجهي وآتحاشى السؤال
خايف مواري غيابك داخله بيّنه

أفرح لا جا الليل لنّ الليل فيه انعزال
والعاشق الليل عند الحزن يستحسنه

لا حَس بـ..الهم في صدري .. ينادي تعال
حِمْلِك و همّك تحت جنح الظلام ادفنه

ياحلم عمري مضى عمرى مافيها جدال
ابعد واببعد ولو ماهي علي هيّنه

صبرت مدّه لعلّ الحال حلم وخيال
وأخذت من ماضي الأيام لي عيّنه

لقيتك اللي قطع بيديه حبل الوصال
وأنا على كل نبضة قلب مستأمنه

خلاص مابي أكثّر حكي وأفتح مجال
خايف تسولف ب..اسمي واسمك الألسنه

واعرف تراك أنت عندي غالي ولا تزال
وطن ولو صار صعب اليوم أستوطنه



للشاعر
فهد بن عبدان

اتمنى ان تنال اعجابكم