عشنا وشفنا
الطف بنا يالطيف ويالله الرحمه = عند اختلاف المبادي والمفاهيمي
عشنا وشفنا عسى الله يحسن الختمه=ويقسم لنا الخير من خير المقاسيمي
وانا اشهد ان الحظيظ اللي عن الزحمه = يم الخلا مع حلاله دايم مقيمي
والعشب مد النظر ما داسته جزمه = والبل ترعى الحيا وضح ومجاهيمي
يرتاح باله وينسى الهم والكتمه = لا شاف مزن من الوسمي مقاديمي
اليا شعق ضوح برقه واشعل العتمه = وارهش وجهىّ غشينه له حناتيمي
وان راح للقنص مايطلق ولا صتمه =يقنص بحر عفر نادر صواريمي
ينام بدري وناره طلعت النجمه = تزعر ونجره يصوت للشغاميمي
ماشال بيجر ولا جوال ابو نغمه = ولا شاف (بق برذر) و(ستار اكاديمي)
وسلامتكم
الرسي
16-07-2004, 01:23 PM
العرض العادي
