للنقاش ...... ابن الذيب في وضحى .... والمفاهيم الخاطئة حولها

[برنسيسة القلوب]

السلام عليكم ورحمة الله وبركاته



طبعا الكل يعرف قصيدة وضحى لمحمد بن راشد الذيب


لكن

في نظركم القصيدة كان فيها شي او انها مجرد غزل


ابن الذيب يقوول

تسمعوا يوم أجر الصوت

ياهل القلوب الهواويه

الهجر بين العرب ممقوت

والوصل ياحيك وحيّه

ياهاجسي قبل يفوت الفوت

عندي رساله خصوصيّه

علم هل المغرب وبيروت

حتى بنات السعوديه

واللي ورى الكوت واهل الكوت

والمسلمه والمسيحيه

وضحى غلاها ترى منحوت

بين الضلوع الشقاوية

منها يغار الشهد والتوت

وتغار الأرض الطبيعيّه

والدر واللولو والياقوت

........... البنت حوريه

بعيونها العاشقين تموت

وتقول للموت ياحيّه

وشلون ماأفخر واجر الصوت

وانا متيّـــــم بعجمـــيّه




وجا رد على القصيدة من النود وكان ردها


ياذيب يومك تجر الصوت

وتقول ميت بعجميّــه

تبي الخبر يوصل لبيروت

وحتى بنات السعوديه

ياذيب حنا بحور الموت

لهل القلوب الخلاويّـــه

صعبين وأثمن من الياقوت

مثل الذهب صعب مشريّه

نظراتنا سهمها موقوت

والموت بعيون نجديّه

غزلان منها تعاف القوت

ترعى النفل كل وسميّه

منا يغارون اهل الكوت

واللي مع البدو طرقــيّه

حتى الزهر والعنب والتوت

وبنات لندن وتركـــيّه

ولو جبت وضحى وهند وقوت

خسّرتهم ألف بالميّـــه

أقولها لك واجر الصوت

وأفخر وانا بنت ياميــــــــّه




هل ذا الرد كان له دااعي.....؟؟




انا في نظري ان ابن الذيب كان يتغزل والشخص يشوف محبووبه فوق السحاب


انتوا وش تشوفون ابن الذيب اخطا على حد في ذا القصيدة .....؟؟؟

[بـارود]

السلام عليكم ورحمة الله وبركاته

انتي تدافعين عن قصيدة ابن الذيب وتحاولين جاهد إيراء ساحته

والدر واللولو والياقوت

...........

البنت حوريه

ليش البتر مدام المعنى والغرض شريف ؟!!

[Arrogant man]

يشرفني ان اكون اول شخص ارد على موضوعك



الشاعر محمد ابن الذيب هو معروف بعفويته الشاعريه والتغزل

سواء في شخص معين او غيره ..


وانا من وجهه نظري ان الشاعر محمد ابن الذيب لم يخطأ في هذي القصيده..


وهذا الرد ليس غريباا ..


هل نسيتوا الرد الذي وصل لـ الشاعر ضيدان بن قضعان ..!! فهو ايضا من فتاه ..


اللوم ليس على الشاعر بل على جراءه الفتاه..


كل الشكر لك يا برنسيسه القلوب ولاهنتي

[بـارود]

شتّان بين قصيدة ضيدان وابن الذيب

القصيدتين مختلفتين في الموضوع

والفتاة اللتي ردت على ابن قضعان انا أنزها من المقارنه بينها وبين اللتي قامت بالرد على ابن الذيب .

ابن الذيب انا في الماضي كنت من اشد المعجبين به ولكن في الآونه الأخيره أنتهج القصيد المسرحي وأصبح جمهور الأمسيه الحاضر أمامه شغله الشاغل قصائده اصبحت خطاب مباشر وكأنك تحضر مسرحيه فكاهيه لا أمسيه شعريه القصيده يذهب مفعولها بخروج الجمهور من الأمسيه .

ابن الذيب مبدع وشاعر متمكن ولكن للآسف أنتهج نهج حنا يابني عمه نحنه منّه ولا ودنا انشوفه بالتلفزيون او نسمعه من خلال البلوتوث يتلفظ بألفاظ لاترتقي للشعر ولاحتى مجالس الرجال .

آسف على الإطاله

[برنسيسة القلوب]

المشاركة الأصلية كتبت بواسطة بـارود

السلام عليكم ورحمة الله وبركاته

انتي تدافعين عن قصيدة ابن الذيب وتحاولين جاهد إيراء ساحته

والدر واللولو والياقوت

البنت حوريه

ليش البتر مدام المعنى والغرض شريف ؟!!

انا ماعندي الا النص المبتور عند البيت كامل ولاعليك امر هاته

[برنسيسة القلوب]

المشاركة الأصلية كتبت بواسطة Arrogant man

يشرفني ان اكون اول شخص ارد على موضوعك



الشاعر محمد ابن الذيب هو معروف بعفويته الشاعريه والتغزل

سواء في شخص معين او غيره ..


وانا من وجهه نظري ان الشاعر محمد ابن الذيب لم يخطأ في هذي القصيده..


وهذا الرد ليس غريباا ..


هل نسيتوا الرد الذي وصل لـ الشاعر ضيدان بن قضعان ..!! فهو ايضا من فتاه ..


اللوم ليس على الشاعر بل على جراءه الفتاه..


كل الشكر لك يا برنسيسه القلوب ولاهنتي

الشرف لنا طال عمرك

ولاهنت عالمروور الطيب


وابن الذيب وابن قظعان دايم مبدعين

[برنسيسة القلوب]

المشاركة الأصلية كتبت بواسطة بـارود

شتّان بين قصيدة ضيدان وابن الذيب

القصيدتين مختلفتين في الموضوع

والفتاة اللتي ردت على ابن قضعان انا أنزها من المقارنه بينها وبين اللتي قامت بالرد على ابن الذيب .

ابن الذيب انا في الماضي كنت من اشد المعجبين به ولكن في الآونه الأخيره أنتهج القصيد المسرحي وأصبح جمهور الأمسيه الحاضر أمامه شغله الشاغل قصائده اصبحت خطاب مباشر وكأنك تحضر مسرحيه فكاهيه لا أمسيه شعريه القصيده يذهب مفعولها بخروج الجمهور من الأمسيه .

ابن الذيب مبدع وشاعر متمكن ولكن للآسف أنتهج نهج حنا يابني عمه نحنه منّه ولا ودنا انشوفه بالتلفزيون او نسمعه من خلال البلوتوث يتلفظ بألفاظ لاترتقي للشعر ولاحتى مجالس الرجال .

آسف على الإطاله

اسمحلي


انا اللي اشوفه ان بن الذيب لم ينتهج ذا النهج اللي تتكلم عنه


ومن ابسط الامثله اخر امسية واخر لقاء
امسية سبائك : وش القصيدة اللي استتعنا فيها وقت الامسية ولاوحده


لكنا يوم ردينا وسمعناها مره ثانية وثالثة وفهمنا وش يقوول وقتها حبينا الامسية


ولقاءه عالمختلف

قصيدته في سلمان بن عبدالعزيز وياحسن رزقنا ماهو على الديوان

هل انت تشوف انها قصايد نهجها مسرحي....؟؟


مااظن


ابن الذيب ليس شاعر مسرحي هذا من وجهة نظري ومتابعتي


ولاهنت عالمروور الاول والتالي ولاهنت

[بـــارود]

طرح للأسف مايستحق النقاش

هذا وجهة نظري

[رجـم بـذال]

انا اشوف ان القصيده صارلها اكثر من السنه تقريبا
لكن مدري شتبين يابرنسيسه رجعتيني وورا لقصيده ابن الذيب
وانا من رأيي الشخصي ماني براضي على قصيدته ولا على اللي ردت عليه ولا عليك يابرنسيسه يوم اثرتي الموضوع بأكمله

مع كل احترامي لك

[برنسيسة القلوب]

انا ماجبتها الا بعد ماشفت شي ماينقال


كل ماجيت مكان يستاهل اللي جاه ابن الذيب يستااهل

وش قال عشان يستاهل اللي يسوا واللي مايسوا يتكلم عليه