السلام عليكم
الكثير منا يسمع عن الازمة الاقتصاديه الي عصفت بالعالم واغلقت اكبر البنوك العالمية وفصلت اكثر من مليون موظف حول العالم
انا راح اشرحها باسلوب عادي ومبسط علشان يفهمه الجميع بدون مصطلحات علمية ......
بدات المشكله قبل كم سنه عندما قامت البنوك الامريكيه بأعطاء
المواطنين الامريكان قروض بشرط رهن العقارالمشكله وين صارت
راح اعطي مثال لرقم مليون في الشرح .....
اعطت مواطن مليون دولار ورهنت عقاره الي اصلا مايسوى 500 الف
المواطن هذا بعد فترة عجز عن السداد باقي المبلع
شنو راح يصير بما انها بنوك ربويه راح تراكم الفوائد وصل المبلغ فوق المليون والى الان الشخص عاجز عن السداد
راح البنك حوله الى الادارة القانونيه
الادارة القانونيه عرضت بيته في مزاد
المزاد فيه 100 الف بيت
((اذا قل الطلب قل السعر ))
الشعب الامريكي الان غير قادر على الدفع البيوت شنو صار فيها نزلت اسعارها
وصلت مستوى لا تستطيع فيه تغطية مديونية الغرض كامل .
وين صار الخطاء
1-عند اعطاء القرض يجب انه يكون هنالك مبلغ ضمان او احتياط.
مثال :
البيت يسوى له مليون (يحق للبنك انه يعطيه قرض الى 600 الف فقط) والباقي 400 الف ضمان
علشان اذا عرض البيت الي يسوى مليون لو جاب له 800 الف خير وبركه .
قيس العمليه هذي على اكثر من 50 مليون مواطن عاجز عن السداد
خسرت البنوك ماعندها سيولة تمشي امورها الماليه فأعلنت افلاسها .
المشكله القادمه راح ينهار وهو سوق البطاقات الائتمانيه مثل الفيزا والماستر كارد قيمة السوق هذا تقريبا 940 مليار دولار
نسبة التخلف عن سدادها تبلغ 99 مليار دولار
اساس المشكله:
جشع البنوك واهمالها لابسط امور الاحتياطيه وقعها في هذي الورطه
وتعاملها بربا
قال تعالى :
{وَأَخْذِهِمُ الرِّبَا وَقَدْ نُهُواْ عَنْهُ وَأَكْلِهِمْ أَمْوَالَ النَّاسِ بِالْبَاطِلِ}
الحل :
اثبت النظام الراسمالي انه نظام فاشل نفس الانظمة الي سبقته
واثبت انه لا يوجد حل غير بالاقتصادي الاسلامي الذي ينص على الاخذ من الغنى واعطاء الفقير ( الزكاه)
وليس الاخذ من الفقير واعطاء الغني (الربا)
اذا في اي سؤال انا حاضر
الموضوع مو منقوووول
29-12-2008, 06:29 PM
العرض الشجري