عشر المعلقات المعلقات في الشيخ علي ابن بلال اليامي (دخيلك)

[ابو تركي العرجاني]

هذي القصيدة لشاعر شديد بن جارالله بن مردف آل شايب القحطاني
في /الشيخ الشاعر علي بن سعيد ابن بلال ال محيي اليامي
شيخ شمل قبائل ال محيي من يام وشـــاعر يـــام


(دخيلك)

دخيلك دق رقـم الشيخ ياراعي الـجوال=أبـا سمع حريب الهـون جزل القول وسمانـه

نويت أرسل لكساب المدايح وأنقطع الارسال=مراسيل القلـوب الي مـن التجريح وجـعانـه

ابرسلها على اللي لي ومن مثلي ذرا وضلال=وباسـندها اليـث طيب فعله يطلق السانـــه

هزيلات القصايد جنبت من يوفــي المكيال=وتسمن به هـزيلات القصايد وعتـلى شـأنـه

تربع في قلوب حـط فيها من غلاه أثقــال=ونشزنا لـه مـن اسلوك المودة بيت وأبـطانه

ذكرت أمعـطر السيرة له في خافقـي منزال=وله عـند الرجال أهـل الوفاء والمعرفه عانه

وابـينها لمنهو في الوفاء تضـربه الامثـال=على درب الوفاء تتعب ذلول الشيخ وحصانـه

ولانسي الكرامة في عجاج الوقت لأجل المال=على وضح النقا محد لحق وزنه وميزانـــه

با وجـها لابو سلطان لامن صكـ جال جال=ولاضاقت عـلى مثلـي فابـو سلطان مزبانـه

وأنا ماقصد ورى ماقول مال والسلوك جلال=أبـيـلي من محيط المـوت لـولـوه ومرجانه

وأبيلي فزعت من صادق القول لامن قـال= وابي لي موقف يقهر عنيد الوقت و اعوانـــه

الى كادت على أهل العرف ماكات على ابن بلال=صحيح الخيل خيله بالوفا والعز ميدانــه

تعيب يتعب اللي قلده بالذب والمحوال=نجيب عنصريا"هان وقت الهون ماهانـه

يفكرفي خروجه قبل مايقدم على المدخال=تقظب بالسنام وجـودالتاريخ بأعـنانه

أقول ان والده ربا وامـه بزت رجـال=ونادوله خواله وأقـفـو بالدرب عمانه

عشيرالعيطموس اللي جدايلها كما الشلال=أبوها شيخ قوم وبالحيا والعقل رويانه

أباسكرطريق الياس لين يحلها الحلال=وغير الله مابدي له هموم القلب وأحزانه

وباسندها بعد ربي على اللي ينطح العيال=رفيق الضيق روحه للرفيق ودمـه رهانه

تقبلها يابوسلطان في خمسة عشر شوال=على كـف الصـديق يدف الوقت بامتانه

على وجهه مـلايكـت الرضال ترسم لنا الآمال=تشوف الخير قبل الشر في عينه وحجانه

أديـب بالأمـور المبهمة ويعلـم الجهال=لجيرانه وضيفانه فتـح قلـبه وديـوانه

على وجه البسيطة تعترف له بالوفا الاجيال=وله سمعه مع أهل العرف والمعروف رنانه

له التاريخ يرخي هامته وتجنبه الانذال=تخير في الغفال وسدد الـمديون ديانــه

تحاسد له بنات الفكر في الأقفا وفي الأقبال=وتورق به غصون من سموم القيض ضميانه

يحل المستحيل ويدرك الحجة اليا مـن قال=قبل يبدي خصيمه عارف قصـده ومحيانـه

رعى الله راعي النخوة ليامن صال الزمان وجال=صديق حب فعل الجود في دمه وشريانـه

تميدن واعتمر وأطاف بالكعبة وحط وشال=يشيل أحمول من وقته زوى عضـده وذرعانه

لياساق الجمل واللي حمل واستسلم الجمال=تحرو للحلول اللي عليها الناس ولهانه

توكل وأقصر قياد البعيروحط في أعقـال= ترى يومه صعب قددك صلـب الأرض باثفانه

ليا حجيت حجة كثر التكبير والهـــلال=يعم الساجدين أجره بفضل الرب واحسانه

من القبلة أشوف خيال وأردف من وراه أخيال=عشق سمعي رعود في جثيل القنف حنانه

نهل من برد ماه وعل مـن حده لهيب الـلال=حقوق يروي البيدى ركود هلت امزانــه

يغيث المستغيث اليا نشف ريقه وصبره طال=وقف حظه ونادى له جليل الملكـ سبحانه