قصيدة محمد أبو دباس التي أرسلها إلى إبنه إدباس
ياونت ونيتها من خوا الراس=من لاهب بالكبد مثل السعيره
ونين من رجله غدت تقل مقواس=ويون تالي الليل يشكي الجبيره
ويامل قلبي مثل بن بمحماس=ويا هشم حالي هشمها بالنجيره
ويا وجد حالي ياملا وجد غراس=يوم أثمرت واشفا صفا عنه بيره
من ثمر قلبي سرا هجمه الناس=متنحر درب عساه فيه خيره
الله يفكه من بلا سو الأتعاس=ومن شرعبثات الليالي يجيره
في ديرة تقطعت عنه الأرماس=سبعين يوم للركايب مسيره
لاوالله إلاحال من دونه الياس=حط البحر والبر من دون الجزيره
علق سلوان ورا العين والطاس=وقلبي على فرقاه تسمع فريره
يالله ياللي رد من عقب ما ياس=يوسف على يعقوب وأبصر نظيره
تول على ادباس يامحصي الناس=يا عالم ما بالخفا والسريره
ياادباس أنا اوصيك عن درب الأدناس=ترى اللي مثلك يناظر مسيره
عليك بالتقوى ترا العز ياادباس=في طاعه اللي ما ينجيك غيره
هاذي ثمان اسنين من رحت ياادباس=لارساله جتني ولا من بريره
ياادباسمن عقبك ترا البال محتاس=وعليك دمع العين حرق نظيره
وعليك كني في دجا الليل حراس=أصبح على حيلي وعيني سهيره
مثل الوحش قلبي على كف حباس=يكفخ كما طير اسبوقه قصيره
متحير من عيله البيت ياادباس=ارج يثواب الله واخاف المعيره
اخاف من حكي العدا ثم الأنجاس=اخلي الحكايا الطايله والقصيره
ويقال خلا عيلته عن نزا الراس=اقفاوخلا عيلت له صغيره
وإلا فنا يابوك قطاع الأرماس=ماني بمثبور أو رجلي قصيره
أصلك لو دونك نبا حمر الأطعاس=الصلب والصمان دروب عسيره
مهالك مدارك مابها اوناس=إلا الثعل والبوم تسمع صفيره
لو كنت في نزوى وديره بني ياس=أهل الموازي والوجيه الغبيره
عبادة الأصنام شرابه الكاس=الخمر والتنباك فيها وغيره
لركب على وجنا من الهجن عرماس=فج النحر ياادباس حمرا ظهيره
متروسة الفخذين مزبورة الراس=كن الخلاص اعيونها يوم اديره
تنشر من العوده على نور الانفاس=عندالفجر والليل مجفي مريره
والعصر بالصمان تسمع لها اضراس=حبل الرس خطر تبتر جريره
وانهار ثالث بين حما والأوراس=واره يمامك جعلها لك سفيره
ثم اركب ساجيت تقلب الراس=تمشي بهلها في البحور الغزيره
الى مسكت الفيحا بها الخير محتاس=لولا الكفر والشرك ياوي ديره
عز الله انها ديره مالها اجناس=لولا بها يعبد مع الله غيره
لولا بها يشرك علي وعباس=وايضا بها الفاروق سبه بريره
فيها الطبيج وراهي الخبز ياادباس= يجعد خوى الراس خنه خميره
هي ديره اللي باغي كيفه الراس=ولا له حد همه من الناس غيره
هبيس بدر الاجواد للصحاف لحاس=يفرح الى نيدي الذبح النميره
وذا ماقفك ياادباس مافيه نوماس=يصلح القين مهنته طق زيره
ترا الفداوي دون وانت إنشد الناس=راعيه ما يذكر بخير وغيره
ماله سوى حذو الحنك منه والياس=والى إنقطع خرجه فلا له ذخيره
طلب المعيشه بالحراثه والاجناس=المشترا والبيع يوصف وغيره
هم انهض العيرات مع كل فراس=ياادباس دور خير تستشيره
جدك وعمانك هل العز والباس=أهل اللوازم مكملين القصيره
ياادباس مايصبر على البق والحاس=إلا الذي ماله بنجد عشيره
واليوم يامروي شبا كل عباس=انت يلطام وجه المغيره
عشرين عام كله ارجيك ياادباس=مثل الغرير اللي تولع ابطيره
عدل المناكب هيلع فرخ قرناس=يمناه في لطم الحباري شطيره
غانق خلوج روحت عقب مرواس=عند العصير البيضامستذيره
والليل جاه وحال من دونهاالياس=روحه على فرقاه فرت فريره
ياادباس انا يابوك ماني بلاس=ميران عيلات الرفاقه كثيره
جنبت وسط السوق وامشي مع الساس=واخذ شوي الحق واترك كثيره
ياادباس لو جبت لي من دحب الأكياس=مختلف مابين رز ونيره
مالي بها يا جعلها بألف كباس=او يعلها تذهب لو هي كثيره
ياادباس قلبي كل ماهب نسناس=شرقيه هبت بقلبي سعيره
والحال يافرز الوغى مسها الباس=عليك ياناطح وجيه المغيره
واغصون قلبي يا فتى الجود يباس=غادي انا يابوك كني هشيره
من شافني يقول ذا فيه لساس=واللي برا حالي الهي خبيره
لا واعلا من قبل غوال الأنفاس=وامفارق الدنيا يجينا بشيره
عسى يطق الباب والناس غطاس=ياوالي القدره عليك اتعبيره
وصلاة ربي عد ما هب نسناس=على النبي عدة احقوق المطيره
العرض الشجري