قصيدة... في زوجتي ..من احد المعازيم

[وردة الرياض]

المعرس في ليلة عرسه تفاجأ بأحد المعازيم يعد قصيدة في العروس
...
/
/
/
أبد ما جيت أبــــارك لك ولكن جيت باوصيك
.......على الله ناوي(ن) تدخــل بها اللـــيله ... معذبتي
ترى لولا الظروف اللي عطّـتك وحدّت محاكيك
........قســـم بالله مـــا تدخل عليــــها لو على رقبتي
ولكن النصيب أقوى ولاادري ويش اسوي فيك
.......نعــم...صــارت معزبتك,, ولا صــارت معزبتي
كذا شـاءت بنا الأقـــــدار تحرمني لجل تعطيك
.......كذا لازم عشــــان تفوز انت,,أنا اخـسر بتجربتي
تراها غاليــــة جدا..وتكفى.. والله يخلـــــيــــك
.......تدللــــــــها..تدلعــــــــها ..تنسّــــيها مصاحبتي
أنا من كثر مااغليها أحس اني بديت أغلـيك
.......ولاتسـأل بأيـة حـق والا وش مناســــــبتي
لأنك لو بتسألـني بتسمـع شي مـــــــا يرضيك
......لذا يا خــــــوي لا تسأل ولا تسمـع لأجوبتي
أبيك تحطها في داخل عـيونك وبين ايـديـك
......وهي دلوعة إعتــــــــادت على كثرة مداعبتي
فداعبـها شوي شوي حـتى تشتهي طاريك
......وشاغبها إلـــــــــيـن تقول: بـطّــل من مشاغبتي
واذا هي مالها خلقك,,ولا تضحك ولا تسليك
......تحمّلــها وإسألـها :ياعمـــــري ليـــه عصّبـتي
وبالك أسمع انك يوم تضربهــا وهي تشكيك
......ما يحتــاج أوري لك بفن الضـــرب موهبتي
صحيح انك بتملكـــها ومعك العقــد بالتمليـــك
......وانا عــــارف حدود الله ومن حــقـــك معاقبتي
ولكن قل لها : المجنون وصّـــاني وهو يعنيك
.....يقــــــول انه بيــنــتظـرك لوشـيّـب وشـيّــــبتي
وانا مجنونها اللي مـا نساهــــــا وانششت مايمديك
.....تغــطي ذكريـــــاتي.. في هواهــــا و ربع تجربتي
أحس اني تماديت بكلامي,, والغضب حـــاديــك
.....ولو انك في مــكاني ما تفكر في محــــــاسبتي
كفاك اني تركت الليــــله أشغالي عشان أجيك
.....دخلت القاعة برجلي ولا أدري ويش عاقبتي
وانا ما جيت أخرّب عرسك الليله ولا أذّيـــك
....أنا جيتك عشــان أخاطـبك واسمع مخـــاطبتي
توصّــــى ... وانتبه... واحرص عليها والله يهنيك
....ترى كل الكلام اللي طلع من ضيقي وكبـــتـــي
ولكن ما قدرت اني أقوله وانت مايخفـــــيك
....أخـــــاف اني اذا قلته تقوم وتقطـــع رقبــتي
/
/
/
/في ناس تحب كذا في ذا الزمان ......

[ليبرالي]

حالته صعبه

[$ احلى من العقد لباسه $]

الله الله



تسلمين اختي ورده على القصيده الرائعه

[طير ^ الحبارى]

اي والله صدقت حالته صعبه بس الله يهديه خرب حياة البنت


وورده الرياض ما علمتينا ورا القصيد شصار >>>> ادور علوم

[ابوعبدالله العجمي]

يامال فرقا العين
ياعزتي له
انا اشهد انه خابر علومها

[D0LAR]

السين عليه انشهد انه يحبها من ضمير بس والله انه بطران اللي قال فيها قصيده وقالها وسط العرس لا ويهدده اذا ضربها ياويله تسلمين ورده الرياض على النقل وعلمينا وش صار عقبها تقبلي مروري

نسيت اقولك في ناس يحبون وهذا واحد منهم

[سالم الحبيشي]

الله يستر عليش

[فــلاح]

يالله سترك






شكرا ً على النقــل

[جطلي بن فهد]

بري حاله



الله لايهينك ويعطيك الافثيه ع النقل

[بـــارود]

ماهوب رجال المعرس يسمع القصيده وساكت

< شدراك وش سوى

.......تدللــــــــها..تدلعــــــــها ..تنسّــــيها مصاحبتي !!

ماشاء الله قد صاحبته قبله يعني تراها صاحبتني خخخخخ والله خوووش

لاهنتي يا بنت الرياض