جمع أللي ودك تقوله وبعثرني عتب = الملامه شي عادي!! دامها منك وجاااااي
انت تامر وانا البي ماتبي بليا سبب= بس كان لجيتي خاطر تلبيلي رجاي
رجوتي لاتلحق اعيونك مشاريه الهدبّ!!= لا تضايقه بدموعك..التفاتتك..وخطاااى؟!
كل شي الا دموعك واعرف انك من شطب= صفحه الطيش بحياتي وابتدى صفحه شقاي
سق فديتك ..كل ماتملك من جنون وغضب= وابشر بصدر يضمك حيل دامنك هواي
ولارويت عتاب؟!ناظرني وقل (طاح الحطب)= واسئل شرايك ؟؟وابنسجلك من الاعماق رااي!!
باتناثر لك رضا واحساس صادق ماكذب= وانت رتبني على كيفك وشكلني برضاي!!
وان تلعثم بي حضورك.. ثم نطقني بك تعب= حاول انك تسمع اشواقي وسط ((تنهيد ناي!!))
اسمع دموعه!! وقربلي وقرب واقترب= واسئل عيوني عن طيوفك ؟ وقصتها معاي
كيف كانت في غيابك فجأه تطري واغترب= اركض لمنفى خيالي وارمي الواقع وراي
اوجدك مابيني وبينك!!واسولفلك واشب= ليله حضورك قصايد تشتكيلك من عناي
آآآه لا منه بزغ فجر الحقيقه وانسحب= طيفك اللي ساكن عيوني وضاقت بي سماي؟!
وقتها ليتك تحس شعور من حظه ضرب= اخر اماله بعرض الهم ) والوحده مداي
اكتشف وشلون يموت الصوت برماح الطرب ؟؟= لحظه جيت اتغنابك وعاندي غناي!!
واكتشف كيف السهل فجاه يتحول لي صعب؟؟= لانويت ابكيك ثم ازريت القابي بكاي!!
(اقسم بربي وربك)فيني احساس غصب= كل كلي في غيااابك ينجذب لك يا هناي
مانسيتك لو نسى التاريخ امجاد العرب= وماتركيك الا بين اضلوع صدري وبحشاي
لانك اكبر من غلا الشاعر لاخر ماكتب !!= ولانك اقرب لي من سكوتي اذا عانق شفاي !!
ولانك اول من تمكن بي وعلمني احب = ولانك الشخص الوحيد اللي يجي في مستواي....
هذه قصيده من قصائد (محمد الجار الله السهلي )......
واتمنى انها تعجبكم..................
وشكرا...............
ٍٍولع العجماااااااااااااااااااااانٍٍٍ
31-08-2008, 04:05 PM
العرض العادي
