هذه القصيد موجهّه من الشاعر ( على بن محمد بن قوم المري )
الي الأخ ( ناصر بن حمود آل عامر العجمي )
و هي تعبّر عن مضمونها
قبل الكلام و قبل كتب القصايد=أبدي بذكر الي له الخلق عبّاد
كاسي لأرض و ناحلات الفرايد=فرد صمد ما له شريك و ضدّاد
هو ملتجى الي واقع (ن) بالمكايد=يا الله لا تفّرح علي كل حسّاد
و من بعد ذكره زان نظم الجدايد=فكري على بدع التماثيل ورّاد
البارحه ما أمرحت فوق الوسايد=سهران ليلي و المخاليق هجّاد
من هاجس (ن) ولّع بصدري وقايد=عزّي لمن تاتي هواجبسه أضماد
و القلب كنّه فوق صالي الوقايد=من هاجس (ن) ما بين صادر و ورّاد
لا قلت هوّد قال ما ني بهايد=قام يتجدد في ضميري و يزداد
ماخوذ و الماخوذ شاف النكايد=ما لي جناح و حط في رجلي إقياد
إسلبت من كل الحقوق الوكايد=و الحق يبغي قلب و عضود و زناد
حديت غصب بمرهفات الحدايد=و غديت متغرب و أنا راعي إبلاد
نصيت منهو ينذخر للشدايد=بقابله ما عاد لي من دونه إقعاد
الي مواقيفه إعتاق و جدايد=ترفع له البيضا على روس لشهاد
فعله تسولف به جميع البدايد=علم الحيا فعله له الكل شدّاد
غيث (ن) حقوق (ن) سابقته القلايد=و أظهر نبات العشب من كل لعواد
شبيه حر (ن) لبرق الريش صايد=نادر حرار و من قنص به معه صاد
الي يهد و مدمي (ن) للصوايد=عوق الخريش و يلحق المقفي إعناد
بشكي على راعي الوفا و العوايد=طلق الحجاج إمسهّل العسر لا كاد
و عيد الركاب الي لفت من بعايد=الي سماريها شكت طول لبعاد
و ستر العذارى لا رموا بالصمايد=و عوق الخصيم الي طموحه للأذواد
قرم (ن) كريم (ن) ما يحسب الفوايد=من لابة يوم اللقا شبرها زاد
آل عامر الي في نهار الطرايد=شجعانهم على أحمر الموت ورّاد
يا بو بدر من دون نقص و زوايد=دخلت بيتك و ألتجي بيت لجواد
أنا دخيلك يا وسيع البنايد=مثل الدخيل الي مع وجه طرّاد
تكفى ترى حيلي من الوقت بايد=الوقت طاعنّي و طعناته إحداد
و الختم صلّوا عد كتب الجرايد=على الرسول الهاشمي سيد لسياد
العرض الشجري