هذي قصيدة لها حوالي 10 سنوات للشاعر الكبير احمد الناصر الشايع
يرثي فيها ابنه فهد ويذكر فيها وفاة الامير محمد بن عبدالعزيز .
مرثية: بفهد احمد الناصر الشايع
نهار ثالث عقب عيـد رمضانـي
ناس(ن) عطاها الله وناس محرومه
******
احد(ن) قضا عيده سـلام وتهانـي
واحد(ن) توصله الكواكب همومـه
******
صادفت صدفه من صدوف الزماني
منها قوي الحيـل تفتـر عزومـه
******
هـذا زمـان الهـم والامتحـانـي
وقت(ن) على قلبي تعاقب سهومـه
******
الاولـه كامـل جميـع المعـانـي
مزبن المضيوم شـرع الخصومـه
******
محمد اللـي فـي القسـا واليانـي
عقبه سمايـا غايبـات(ن) نجومـه
******
والثانيه باقـرب قريب(ن)وداني
خامس عيالي يوم جتنـي علومـه
******
قالوا مابين الخاصـره واحلبانـي
ولدك مـات اللـي ترجـا قدومـه
******
جا يومه الموعود باربـع ثوانـي
قلت السبب قالوا دنـا منـه يومـه
******
علم(ن) على الكبدالصخيفه كوانـي
كيت عطـب ماتنشكـي للحكومـه
******
تهشمت كـل الضلـوع المحانـي
مفجوع والمفجوع محد(ن) يلومـه
******
اخذت لي ساعه وانا فـي مكانـي
حسبت لى عشرين طيحـه وقومـه
******
الى بغيت الهـرج يبـس لسانـي
والذاكره عنـدي تقـول أمعدومـه
******
قمـت اتلفـت واتسمـع بـأذانـي
من شاف حالـي ماتهنـا بنومـه
******
مما بقلبي رحـت بالليـل عانـي
للموتر اللـي مابقـى الا رسومـه
******
عن روحتي ياليـت ربـي نهانـي
ولاشفت دمه سايحن فـي هدومـه
******
قمـت ودفنتـه والله المستعـانـي
في خرقت(ن) بيضاء عليه محزومه
******
يـم القويعيـه بـلاد اقحطـانـي
والحر غير لون وجهـي سمومـه
******
واقفيت من عنده وعشـري ثمانـي
مثل المصبـح والبـلاد امحكومـه
******
طاوعت نفسي مير عقلـي قوانـي
عن الخطاء مافيه نفس امعصومـه
(رحمة الله على موتنا وموتى المسلمين)
سلامتكم
للشاعر الكبير :احمد الناصر الشايع
13-08-2008, 12:29 PM
العرض العادي
