قصيده للشـــــاعر العلم شاعر الوزن الثقيل
سلطان بن محمد بن وسام الهاجري
وهي تعبر عن نفسها ,,,,,,,,,,
ياوجودي علي الراحه وياوجد حالـي **** ليت مالـي مـع الشعـار ولانشيـده
الليالـي مشاكلهـا عـراض طوالـي **** للنفوس الشقيه والنفـوس السعيـده
غاره من يمين وغاره مـن شمالـي *** توهمك بالهدوء وعاصفتهـا شديـده
هب ياذالزمان اللـي غزانـي لحالـي *** كل يوم على الهاتف يجينـي قصيـده
ذي معاتب حبيب وذي مشاريه غالـي *** وذي تخفض من السكر وهذي تزيـده
والعرب علمهم بي يوم صدري شمالي *** والليالي ما قفت بـه لايمكـن تعيـده
روحت مع مهـب الريـح ياهملالـي *** ماحد جت له الدنيـا علـي مايريـده
والتجارب عطتنـا ميـزه الاحتمالـي *** ودرستنـا مشاويـر الحيـاه البعيـده
ان مابـه حيـاه الا وراهـا زوالـي *** والبنـادم بهالدنيـا شبوحـه بعيـده
مير ماهيب لامكسـب ولاراس مالـي *** كود من حط قوله والنعم في رصيـده
وطاب عند البعيد وطاب عند الموالـي *** وله نصيب الاسد من الخصال الحميده
وان تثنت عزوم مشوربيـن العيالـي *** عزمه اقوى من ظروف الحياه العنيده
يرتكـي بالمناكـب للحمـول الثقالـي *** والظفر في راسه المطنوخ والا وريده
خل فعل الجدود وخل فعـل الخوالـي *** ندري انك ولدهـم والعلاقـه وطيـده
وندري ان فعلهم يستر بنات الحلالـي *** حتي لو جدك اكحيلان وانتـه حفيـده
.اما حث القدم واطلع علي راس عالي *** والا خلك كذا وان مت ما انت بفقيده..
سلامتكم
للشاعر : سلطان بن وسام الهاجري
13-08-2008, 11:41 AM
العرض العادي
