أنا منْ لي(3)شْهُور أقُول اسمَ الولَدْ سلْطَان --ولكنِّه تَغَيَّر/صار (عبدالله)علشانه

[الوفاء]

ــبـــكــاااامل ـــأنـــااااقة ـالألـــم -> تــقــبــلــgهـــا لـــ/ تــg|صــل

حَبيبي لِكْ ثلاث ايَّام .. تُقًولْ لِّي .. يا دِفَا بَـرْدَان؟=و أَبْلَع غِصِّتِي وَ اضْحَكْ و اقُـولْ إِي وَ الله بَرْدَانَـه
مضَغْت أحْزَانْ هَـالدِّنْيَا عَشَانَ الدَّمْعَه لِكْ مَاتْبَـان=و أنَا مَوتِي أَشُوفُ ابُوي مسَجَّى وَسْـط أَكْفَانِـه !
لِمَحتِه بَالحِلِمْ مَيِّتْ .. وَ احَاوِلْ أَنْزَعَ الأَكْفَـان ..!!=و كِلْ مَا اوْقَفْ عَلَى حَيلِـي أَطِيـح بْحَـد جِثْمَانِـه
أُبُوي أُبُوي وَ أنَا أَصْرَخْ بْتِقْدَر تَدْفِنِه يَـا فْـلاَن ..؟=بتِقْدَر .. تَتْرِكِهْ بَالقَبْـرْ وِحِيـد و مَرْمِـي ابْخَانِـه؟
و قِمْت منَ الحِلِمْ فَجْراً .. عَلى " حَيٍّ " مِـنَ الآذان=كَأَنَّ الدَّمْعْ مِنْ هَمِّي هَرَبْ مِنْ مَحْجَـرَ أعْيَانِـه ..!
توَضَّيت و بَعَدْ فَرْضِي .. جَلَسْت اقْرَأْ مِـنَ القُـرْآن=وَاحِسِّهْ جَالِس ابْجَنْبِي .. يتَابِـعْ خَـطّ .. قُرْآنِـه !
تِذَكّرْتِه و هُو يَقْرَأ بصَوتِـه سُـورةَ الإِنْسَـان ..!!=و رَبِّي تَدْمَع عْيُونِي لََـرَتَّلْهَا مِـن .. لْسَانِـه ..!!
تصَدِّقْ يَا حمُود إِِنِّي أّعَرْف إِنْ كَانْ هُـو جَوعَـان=قَبلْ لا يَنْطِق بْحَاجَه .. أَعَرْفـه بْكِـل أَلْوَانـه ..!!
ودَايِم جَالْسَه جَنْبه .. يسَولِفْ لِي عَنَ اللِّي كَان ..!!=عَنَ ازْمَانٍ مضَتْ / رَاحَتْ و يِتْنَهَّـدْ مَـنَ أَحْزَانِـه
و يتْحَدَّانِي " بِالكَيْرَم " يقِلْ لِـي تِخْسرِيـن رْهَـان=أَتْحَدَّى .. أَغِشّ / آفُوز .. يقٌلْ لِّي "اُوفْ" شَيطَانـه
و أَضْحَكْ ضِحْكِةَ الفَايِزْ و اقُلْ لِّه وَي يَاخَسْـرَااااان=ويَرْمِينِي بْبَعَضْ أَشْيَاء .. و يَصْرَخْ بَي يَا تَعْبَانه ..!
إِذَا دَارَتْ عَلَي دِنْيَـاي كِـذَا وِ اجْتَمْعَـتَ الأَحْـزَان=أَمِيـل انْكَـبّ مِـنْ حِزْنِـي و أتْقَاطََـرْ بْفِنْجَـانِـه
كِذَا يَحْوِينِي بْحِضْنِـه و يِغْنِينِـي عَـن الأَحْضَـان=و أنَا ألْعَنْ أُبُـو الدِّنْيَـا لصِـرْت آنَـامْ بَحْضَانِـه
صَحِيح إَنِّي مِعِـي رَجْـل و قِبِيلـه كِلَّهـا إِخْـوَان=وَ لَكِنِّه مِكَان الشَّيخ مَـا يْغَطِّيـه .. وِرْعَانِـه..!!
أَنَا مِنْ كِنْت بَالتِّسْعَه سْنِين .. و مِنَّهـا لَـلآن ..!=أَمرّ بْغٌرْفِتًه بَاللَّيل وَ انَاظِر فِيـه .. وَ لْهَانـه ..!!
أَغَطِّيه .. و أَقَبَّلْه وْ أَخَـاااف يْكُـون بَـسْ تَعْبَـان=و إِذَا حَسَّيتَه يتْنَفَّـسْ .. أَرِد آنَـام فَرْحَااااانـه ..!!
صَحِيح إِنَّ الشِّقَاوَة بِي و فِينِـي نَزْعَـةَ الشَّيْطَـان=وَ لاَ أّسْمَعْ كَلامِه دَوم .. و حُبَّه مْزَوِّدَه جْنَانه ..!!
و لكِنِّي خَفَضْـت الـذِّل و الرَّحْمَـه إِلِـه جِنْحَـان=دعَيتَ الله يَبْقَى لِـي و اعِيـش بْظِـل جِنْحَانِـه ..!
أنَا مِنْ لِي ثَلاث شْهُور .. أَقُول اسْمَ الوَلَدْ سلْطَـان=و لكِنِّـه تَغَيَّـر/ صَـار " عَـبْـدَ الله " عَلَشَـانِـه

بـــإحــ،،،ـــاس / فاطمة المشيقح