/ مات حظ الي عناه استحله /

[بوح الزعفران]

السلام عليكم / صباحكم و مسائكم زعفران


اعجبتني و اتمنى ترتقي لذائقتكم

يغنيك عن كثر الحكي مجمل ابيـات = ومن ياخذ المضمون يلقـى الادلـه
تدري وش اللي يقتل الحب بسكـات = لاصرت في بوحـك تحـس بمذلـه
وتدري وش اللي يكسر الظهر جزات = لامن عطيت احساس ماهـو محلـه
وتدري متى تستاهل الطعن مـرات = لامن خطيت الـدرب وانتـه تدلـه
لا تتبع المقفي علـى كـل حـالات = بعض الوجيه اللـي تقابلـك علـه
ولا تسال الغالي عن الجرح لافـات = نبش الحكـي يـزود الطيـن بلـه
طالع فيمن حولك وتاخـذ شهـادات = ما نلتها لـو تـدرس الدهـر كلـه
ناس تجر من اسود الضيـق ونـات = ونـاس تقضيهـا وناسـه وفـلـه
هذاك شال همـوم غيـره ولا بـات = وهذاك ما يدري عن احساس خلـه
احدٍ يهين اصلـه علـى كـل زلات = واحدٍ ترومـه شيمتـه مـا تزلـه
لا تقول حظي من عنا الوقت قد مات = قل مات حظ اللـي عنـاه استحلـه
ولا ضاقت الدنياوعلى الكيف ما جات = اطلق احجاجك ثم توكـل علـى الله

ودي / باقه جوري لحضوركم