في ذمتي ماعاد باقي رياجيل ...

[زود الغـــــــــــلا]

اسعد الله اوقاتكم...


(تمتعـــــــــــــــــــــــــوا...)


هذي طبوعي كل ما عسعس الليل
________ أصلّـح الدلـة وأجـــر اللحونــــي

بريـةٍ موزونـة البـنّ والهـيـل
________ والماء بوزن وحيّ هاك الوزونـي

منهـا تكيّفنـي ثلاثـة فناجـيـل
________ وأرتاح ويطير السهر من عيونــي

وأراجع الذكرى وأجـرّ المواويـل
________ والذكريـات بكـلّ شكـلٍ ولونــي

البعض منها يشرح الصدر بالحيل
________ والبعض لا والله يجـدد طعونـي

وأرجع وأفكّر في الليال المقابيـل
________ لعل وقتـي مـا يخيّـب ظنونـــي

وأدخل على الله من حياة الغرابيـل
________ حيث إن همّي ما تشيلـه متونـي

كنّك مفصّل فوقي الهـمّ تفصيـل
________ لين إلتبسني مثل لبـس الجنونـي

حالي كما حال القلوب المشاغيـل
________ اللي من أطرف شـيء يتـأثّرونـي

لو يشتكون الغبن والجور والميـل
________ للغيظ وسط صدورهـم يكتمونـي

فكّرت الا الموضوع يحتاج تحليـل
________ وفنّ الدراسة واحـدٍ مـن فنونـــي

عرفت وش عكّر مزاج المشاكيـل
________ يوم إنهم مـن وقتهـم يشتكونـي

أول سبب: نقالـة القـال والقيـل
________ الطغمة اللـي جعلهـم يذهبونـي

قلوبهـم بالحقـد سـودٍ مغاليـل
________ ومن طبعهم بالمشكلة يفرحونـي

وثاني سبب: ناسٍ على مثل ما قيل
________ لا يقطعـون الشّـر ولا ينفعونـــــي

والله ما يرفع ضغطك إلا المهابيـل
________ العالم اللي في النحـر ينشبونـي

وثالث سبب: ناسٍ سوات المخاييل
________ على سلوم الطّيب ما يحرصونـي

خلّو سلوم أجدادهم رغو مع سيـل
________ وفي عالم التقليد جو يركضونـي

طشّوا عمايمهم ولبسـوا بناطيـل
________ والموس فال أشنابهـم والدقونـي

وأرقابهم ما سلمت من السلاسيـل
________ تطبّعوا بطبـوع هيـم البطونــــي

في ذمتي ماعـاد باقـي رياجيـل
________ إلا القليـل وجعلهـم يثــــبتـونـي

صفّة بعد صفّة وجيلٍ بعـد جيـل
________ كلٍ من اللي قبله أنقص وأدونـي

هذي هي الأسباب من دون تفصيل
________ شرحت روس أقلام بس أعذرونـي

واللي يبي تفصيل بالحيل بالحيـل
________ يقـدر يكلمنـي علـى تيلفونــــي


الشاعــر ...... وصل العطيانــــي

[مؤمن الريفي]

صح لسان من قايلها
عزالله انها قصيده

[bander al_ajmi]

صح لسان من قايلها
عزالله انها قصيده

[الوفاء]

هذي طبوعي كل ما عسعس الليل= أصلّـح الدلـة وأجـــر اللحونــــي

بريـةٍ موزونـة البـنّ والهـيـل= والماء بوزن وحيّ هاك الوزونـي

منهـا تكيّفنـي ثلاثـة فناجـيـل= وأرتاح ويطير السهر من عيونــي

وأراجع الذكرى وأجـرّ المواويـل= والذكريـات بكـلّ شكـلٍ ولونــي

البعض منها يشرح الصدر بالحيل= والبعض لا والله يجـدد طعونـي

وأرجع وأفكّر في الليال المقابيـل=لعل وقتـي مـا يخيّـب ظنونـــي

وأدخل على الله من حياة الغرابيـل= حيث إن همّي ما تشيلـه متونـي

كنّك مفصّل فوقي الهـمّ تفصيـل= لين إلتبسني مثل لبـس الجنونـي

حالي كما حال القلوب المشاغيـل= اللي من أطرف شـيء يتـأثّرونـي

لو يشتكون الغبن والجور والميـل= للغيظ وسط صدورهـم يكتمونـي

فكّرت الا الموضوع يحتاج تحليـل= وفنّ الدراسة واحـدٍ مـن فنونـــي

عرفت وش عكّر مزاج المشاكيـل= يوم إنهم مـن وقتهـم يشتكونـي

أول سبب: نقالـة القـال والقيـل= الطغمة اللـي جعلهـم يذهبونـي

قلوبهـم بالحقـد سـودٍ مغاليـل= ومن طبعهم بالمشكلة يفرحونـي

وثاني سبب: ناسٍ على مثل ما قيل= لا يقطعـون الشّـر ولا ينفعونـــــي

والله ما يرفع ضغطك إلا المهابيـل= العالم اللي في النحـر ينشبونـي

وثالث سبب: ناسٍ سوات المخاييل=على سلوم الطّيب ما يحرصونـي

خلّو سلوم أجدادهم رغو مع سيـل= وفي عالم التقليد جو يركضونـي

طشّوا عمايمهم ولبسـوا بناطيـل= والموس فال أشنابهـم والدقونـي

وأرقابهم ما سلمت من السلاسيـل= تطبّعوا بطبـوع هيـم البطونــــي

في ذمتي ماعـاد باقـي رياجيـل=إلا القليـل وجعلهـم يثــــبتـونـي

صفّة بعد صفّة وجيلٍ بعـد جيـل= كلٍ من اللي قبله أنقص وأدونـي

هذي هي الأسباب من دون تفصيل=شرحت روس أقلام بس أعذرونـي

واللي يبي تفصيل بالحيل بالحيـل=يقـدر يكلمنـي علـى تيلفونــــي

قصيدة قمة في الرووووعة

صح الله لسااان شاااعرها

و سلمت يدك اختي زود الغلا

و سلم ذوقك على هالإختيار ..

[العجمي كوم]

صح الله السان من قاله ومن نقلها

والله يعطيش العااافيه ,,,, وشكرا

[زود الغـــــــــــلا]

مؤمن الريفي
لا هنت على المرور طال عمرك

[زود الغـــــــــــلا]

بندر العجمي
لا هنت على المرور يالشيخ

[زود الغـــــــــــلا]

الوفاء

تواجدك وردك هو الرائع

لاهنتي على هـ الرد الطيب

ولاعدمنا احساسك الراقي اختي

[زود الغـــــــــــلا]

العجمي كوم

لا هنت على الرد الطيب

ويشرفني تواصلك يالشيخ

ولاعدمنا هـــ/ التواصل الراقي

[الوضحه]

أول سبب: نقالـة القـال والقيـل
________ الطغمة اللـي جعلهـم يذهبونـي

قلوبهـم بالحقـد سـودٍ مغاليـل
________ ومن طبعهم بالمشكلة يفرحونـي

وثاني سبب: ناسٍ على مثل ما قيل
________ لا يقطعـون الشّـر ولا ينفعونـــــي

والله ما يرفع ضغطك إلا المهابيـل
________ العالم اللي في النحـر ينشبونـي

وثالث سبب: ناسٍ سوات المخاييل
________ على سلوم الطّيب ما يحرصونـي



قمه

لاهنتي عالنقل الرووعه