يالله يالمعـبـود يـاعـادل المـيـل
يامهوّن الشـده عقـب طـول شـدّه
ياواحـدٍ تشفـي كبـود المغالـيـل
لامن قضيت الأمر منهو يلـدّه؟؟؟؟!!!
العبد لاشـاف الزمـن مّـده بخيـل
قـام يترجّـى عطـف ربّـه ومـدّه
ياطالبن شوري ترى الشـور قنديـل
اخـذه وحـاذر يالسنـافـي تـهـدّه
لا ضاقت الدنيـا وشفـت الغرابيـل
عليك باللـي ماجبـى الوقـت سـدّه
(( الضيق ماله غير روس المشاكيل))
ولاّ الـردي ماينفعـه طيـب جـدّه
فـي حاضـر الايـام ولاّ المقابيـل
الـلاش بالـك للصعـايـب تـعـدّه
عليك باللي لاقسى الوقـت حلحيـل
قـرمٍ كمـا حـرٍ ينومـس مـهـدّه
السيل لامن سال وش يـردع السيـل
والسيف حده من يجـي قـدم حـدّه
هذي وصوف القرم ذرب المحاصيل
اللي تطـول الطيـب راسـه ويـدّه
عليك به مـن دون كـل الرجاجيـل
بـدّه علـى كـل المخاليـق بــدّه
اخـذ النصيحـه وامتثـل للتماثيـل
سايـر زمانـك وان تـردّى فضـدّه
لا يرتخي عزمـك ولايبـرد الحيـل
الوقت يعشـق كـل رجـلٍ يصـده
ولاّ الـردي مايقـدر يحـط ويشيـل
الوقـت دايـم يصفعـه فـوق خـدّه
ماهمّـه الاّ لابـسـات الخلاخـيـل
يومـن تهيـي بـه ويومـن تــردّه
الـلاش ماينفـع بيـوم التهـاويـل
يالعنبوووه الـلاش ولارحـم جـدّه
للشاعر - محمد العرجاني
29-01-2004, 01:30 AM
العرض الشجري