الهم ياكثره(مرزوق العتيبي)

[سلطااان العتيبى]

السلام عليكم ورحمة الله ورحمة الله وبركاته

قصيدة اعجبتني وحبيت انقلها لكم..

الجو بـارد والسمـاء كلهـا غيـم=ونور القمر محجوب والليـل حالـك
صـارن مغاتيـر الليالـي مجاهيـم=رحمـاك يالمعبـود جـلاّ جـلالـك
قامت تلاشـا بالزحـول الملازيـم=كم واحـد ٍ فـي كلمتـه ماوفالـك
الهم ياكثره ويا مـا اكثـر الضيـم=والمشتحن ضاقت عليـه المسالـك
كم واحد ٍ صارن اهمومـه مراديـم=ويقول انا من بـدت النـاس هالـك
ياللي تقول الهم فـي قلبـك امقيـم=اقول ما انـت بهالمشاكـل لحالـك
غيرك وغيرك فيه نـاس ٍ مهاميـم=معروف هـذا شـي حطّـه ببالـك
الغيـب يبـدي بالليـال المقـاديـم=واللي كتب لك في جبينك ينالك ينالك
اصبر على ماجاك واعمل بتصميـم=وعـن الطويلـه لاتقصّـر احبالـك
ان كنت نايم يكفـي النـوم يانيـم=صحصح عسى واليك يلطف بحالـك
معروف هالدنيا حظـوظ ومقاسيـم=واللي كتب لـك بالمقاسيـم جالـك
امـع العزايـم يحصلـن المغانيـم=وعلى سـوى الله لا تحـط اتكالـك
تاخذ نصيبـك والعمـل بالخواتيـم=واللي يحسدك ما نقص من حلالـك
تبغى النجاح اتبع صحيـح التعاليـم=يمكن تحقـق مابقـي مـن امالـك
حل الصعايب بـا اتفـاق المفاهيـم=ماهوب شي اتقـرّره مـن خيالـك
هذا كلام الصدق مـن غيـر تعتيـم=وبـلا يمينـك ماتصفـق شمالـك