هذور المجالـس راعـي الشتـم والسبـي & وهو في الخلا لو جاه بنـت خـذت ثوبـه

[عناد العجمى]

الاياهبـوب الـبـارده عجـلـي هـبـي=
=على جاش مـن قامـت هواجيسـه تلوبـه
انـا مــرة اصـحـي ومــره يغيـبـي=
=اسـرح مـع كثـر الطـواري بغيبـوبـه
الا يـادهـر مـاهـوب حــق تلعـبـي=
=وخليتـنـي لمـقـرد الخـلـق لعبـوبـه
عـبـاد مغفلـهـا الـزمـان وتعجـبـي=
=يحسبـون قـل المـال للرجـل عذروبـه
وانـا قانـع باللـي علـي كاتبـه ربــي=
=ومؤمـن مبـقـدوره وقـانـع بمكتـوبـه
ولابغـي عمـا الاريـاء برايـه يجـربـي=
=وهو ماعـرف ماجـوب ربـي وماجوبـه
هذور المجالـس راعـي الشتـم والسبـي=
=وهو في الخلا لو جاه بنـت خـذت ثوبـه
يقولون لـي جـز مـن تصرفـك وتحبـي=
=وانا توبتي مـن مجتمعهـم هـي التوبـه
ديـار الوبـاء مـن طبهـا راح متـوبـي=
=وقرابة الجربـاء علـى الحـول مجروبـه
انـا عـارف منصـاي لمـن بـدى نبـي=
=وعارف طريقـي والـذي بأتجـه صوبـه
وانا اعرف من اعادي وانا اعرف من احبي=
=وبـه نـاس لاتبغض ولاهـي بمحبوبـه

سعد بن جدلان