يا سلام الله على الدرع القوي الظافـي
جمع يام اللي معاصير الـدول نبراسـه
وللحضور أثني سلامي من ضمير صافي
ما هما وبل السحاب وذعذت نسناسـه
والمواقف والقوافي والحقوق اصنافـي
والرجال اسماعهـا وقلوبهـا حساسـه
والتجارب مدرسه والشرح شرح وافـي
والزمان استاذ وضروف الحياة إدراسه
والجنيهي فالحصـاة يطقـه الصرافـي
يحتمي نقد الذهب عن فضته وانحاسـه
يا وعيل إهشام مذكر يام رمز أسلافـي
يا ملينة الحديـد اللـي شديـدٍ باسـه
اعتزينا واحتزمنـا بالجمـوع اردافـي
الوفا طبـعٍ لنـا وامجدديـن ارماسـه
خلفـوه ابطالنـا وشيوخنـا العرافـي
من زمان الجبخان امولـع(ن) مقباسـه
يا هل الميقاف جينا يـا هـل الميقافـي
حامسين الشعر حمس البن في محماسه
حمى راسي من حماسي وابتديت بقافي
لا قصر عن مستحق ولا يساق ادساسه
وكلنا العجمان حتى يبـدي المشرافـي
كل من سود الليالي مـا تغبـي راسـه
ومن وفاء مع يام من يام الوفاء يستافي
وانت مالك غير ثوب العز يـا لبّاسـه
العرض الشجري