لـو كــل ورده صناعـيّـه تـبـثّ الرحـيـق=كـان البساتـيـن مــا نشـفـق لورداتـهـا ( دره)

[بــ ــــــــرق]

السلام عليكم ورحمة الله و بركاته




مساء الخير





غبت عن هذا الصرح الرائع لـ / فتره غد تكون طويله ولكن ، لا زلت اشتاق له و لـ / تعليقاتكم .




بين ايديكم

.
.
.
.
.

يا طيّب القلب لا تزعـل وصـدرك يضيـق = أطلق حجاجـك علـى الدنيـا وصكاتهـا

ما دمت بالعافيه عايش و وجهك طليق = تحـمّـد الـلـي عـطـا نفـسـك معافاتـهـا

الروح مثـل البحـر والهـمّ مثـل المضيـق = ولـو يلتطـم موجهـا يـا سـرع ضيقاتهـا

أنته بشر .. والبشر فيهـم عـدوّ وصديـق = والـنـاس بالـنـاس مبـنـيّـه علاقـاتـهـا

لا تتـرك العاطفـه مـن نومـهـا تستفـيـق = ألا مـع اللـي تصـون الحـب فـي ذاتـهـا

شف للمشاعر طريقه والهوى لـه طريـق = الضـاويـه ودّهــا والـسـارحـه هـاتـهـا

أحذر من اللي لها في كل حاره رفيق = اللـي لصفـق الهـوى تسـرد حكاياتـهـا

تلحق نجوم السمـاء حتـى عليهـا تويـق = والأرض تـآكـل عقـاربـهـا وحيّـاتـهـا

متفّرقـه للنشامـى مــن فـريـق لفـريـق = تحلـم فـي روس الجبـال تـرزّ راياتهـا

أمـاّ تجـرّ الـنـدم .. وإلاّ تـشـب الحـريـق = ولابــد تـأخـذ نصيـبـك مــن حركاتـهـا

لـو كــل ورده صناعـيّـه تـبـثّ الرحـيـق = كـان البساتـيـن مــا نشـفـق لورداتـهـا

لـ / سـداح




تقبلوا تحياتي



بــ ـــــــــــرق