تدرين وش "أغبى" من أني أخونك ؟=تفكيرك .. إنّي ممكن أحبّ غيرك.؟(دره)

[فهد بن مطلق]

بيـن أيديكم.!


صلوا على النبي
.
.
.
.
.
.
.

غنّى قصيدي فوق عالي غصونك=ضيم .. وجروح .. وهمّ .. والله يجيرك
"صوت الشكوك" .. يجرّ فوضى لحونك=و"صوت الوفا" .. غنّا قصايد سهيرك
يعني أخونك .. وآنا أقدر .. أخونك ؟!=هو فيه أحد يستاهل الحب غيرك ؟
يا بنت وين آخر مساري ظنونك ؟!=إلى متى وهي معك في مسيرك ؟
شوفي جروحي كلها من .. طعونك ..=شوفي قصيدي ممتلي من .. عبيرك
وش مشغلك .. وأنا حياتي .. عيونك ؟!=وش مشغلك .. وأنا خفوقي .. فقيرك ؟
لو كان لي قدره على العمر .. دونك=ما كان شفتيني بقلبك .. أسيرك
ضامي .. ولا سال المطر من مزونك=ظامي .. ولا لي غير لاهب هجيرك
أميرتي .. لا تستثيرك شجونك=ضما خفوقي ما له إلاّ .. غديرك
لا تصدقين اللي يقوله "جنونك"=لا تصدقين إلاّ "سوالف ضميرك"
تدرين وش "أغبى" من أني أخونك ؟=تفكيرك .. إنّي ممكن أحبّ غيرك

لـ// صلاح العرجاني ..