إلى شفت راعي الحب لا تلحقه مشروه لــ حمد بن قريان

[الرازي]

السلام عليكم

أقدم لكم هذه القصيدة للشاعر المبدع حمد بن قريان (بارود)

وأتمنى ان تنال على رضاكم

إلى شفت راعي الحب لا تلحقه مشروه = تكثّر عليه النصح وتضيّق أخلاقه
فلا يستمع للنصح لو قيل ما قلتوه = يلومه غشيم(ن)والهوى خف معلاقه
ترا مجربين الحب ذاقو الذي ذاقوه = ولولا كذا ما وصفوهم بعشّاقه
شف الحال قبل تسال وتعرف ما قاسوه = كثير البشر من سبّة الحب منعاقه
خذاهم هوى الخفرات وأطعمهم المكروه = على الريق شري(ن)يطلب العفو ذوّاقه
يقاسون هجر وزجر والنوم ما شافوه = تساعر ضمايرهم بنيران حرّاقه
إلى صد منهم جادل(ن) بالهوى حبوه = وسيع الفضا بعيونهم يستوي ضاقه
عسا الله يعاونهم على كل ما عانوه = يجي للنشاما يا عواذيلهم طااقه
"وبارود" لحقه مثل ما لحقهم وأشقوه = يتلّون قلبه تله الطير مسباقه

وسلااااامتك

وصح إلساااااااااااااااااان شاعرهاااااااااااااااااااااا