مشكلتك أنك .. ليا حنـّـيت زدت الطعون=ومشكلتي أني أحاتي تركتك من زمان .. رائعه

[بــ ــــــــرق]

السلام عليكم ورحمة الله وبركاته


صباح الخير


بعض القصائد هي المقدمه ..!


بين ايديكم

.
.
.
.

ماعاد في قلبي أشواق وغرام وشجون=الحزن والضيق ما خلوّ فـ قلبي مكان
البارحه . عقب ليل البارحه وشـ يكون=ما عدت أحاتي كسر بيرق وكبوة حصان
منك انت ياللي تعودتك .. خجول وحنون=في وقت فرقاك ؟ قل لي .. وين راح الحنان ؟
وادعتك وكل رمشه من هذيك العيون=يعيش فيني قلق \ ويموت فيني أمان
علــّـمتني كيف أعيش امن الفراق أمغبون=وعلــّـمتني ويش تعني كلمة ( الأمتحان )
وورّيتني كيف دمعي ينزل امن الجفون=وورّيتني كيف عشري تنقص أليا ثمان
ودي أسامحـْـك عن غلطتك لكن شلون ؟=أسامح اللي عطيته كل حبـي .. وخان
ليتك بعد خنتني .. علمتني كيف اخون ؟=عشان أرد إعتباري معك . وألا عشان
أضحك وأكابر واقول انك : عزيز وتمون=مع خالص الشكر والتقدير والأمتنان
مشكلتك أنك .. ليا حنـّـيت زدت الطعون=ومشكلتي أني أحاتي تركتك من زمان
جميع حاجه تجي بعد المفارق تهون=إلا أنك تشوف روحك مع فلان وفلان

الـشـاعر / بدر العتيبي ( نـزاح )


دمـتم بخير


بــ ــــــــــرق