مـا يبيـن الطيـب الا فـي الشدايـد = في نهـار يصيـر حملـك فيـه كايـد
يظهر الصنديد فـي صـف الجماعـه = وينثبر مـن يشتـري مـدح الجرايـد
ويسكت اللي بيـن خلـق الله علاقـه = ويعرف اللي في سبيـل الخيـر ذايـد
والهجوس اللي على الموعـد تجينـي = عاهدتنـي مـا تجيـب الا الجـوايـد
لو اصوم من رمضان الـى الضحيـه = مـا افطـر الامـن معاليـق الشرايـد
كـل مـا هلـت مـزون العقربـيـه = جـاد صنـدوق النـوادر والفـرايـد
والشعر فـي ذمـة الشاعـر رسالـه = تذكـره حتـى محـاريـب المسـايـد
شاعـر الرسـول حسـان بـن ثابـت = والامام الشافعـي فـي الشعـر رايـد
ولاتـزال معلقـات الشـعـر رايــه = للشعـر واهلـه وعشـاقـه شهـايـد
واناشعـري مثـل دمـي لـه فصيلـه = لــه عـلاقـه بــا الفصيـلـهo+
لانهـا فصيـلـة الــدم الكريـمـه = والكريم معـان حتـى فـي القصايـد
محزم لـي فـي المسـره والمضـره = ما وقف بـي عنـد وقفـات الزهايـد
خادمنـي عنـد عصمـان الشـوارب = عرفهـم طالـه وخدمتـهـم فـوايـد
واكسـب بعرفـي بـلاد الله امــاره = والبـس ثيـاب النواميـس الجـدايـد
وقفـة تـذكـر وتـاريـخ ومهـابـه = ومزح راقـي مـع وسيعيـن البنايـد
وان رجعنـا للمطامـع والمـراجـل = مانضريهـا علـى نــوم الوسـايـد
وانت يا اللي تحسب ان هرجك مؤثـر = وتـزرع اشجـار النميمـه والمكايـد
لاجمـيـل ولاســلاح ولا حمـيـه = ولاتمسـك بـا الشريعـه والعـوايـد
غاسـل وجهـك مـن اثـار المـروه = مثل مـا يغسـل يـدك صابـون تايـد
وتزعـم انـك مثـل شيخـان القبايـل = وانـت صيـد للسلـق مانتـه بصايـد
ان ترفعنـا عـن الواطـي كـرامـه = ما مضى من وقتنـا مـا هـو بعايـد
مـا يمثـل شاعـر الوقفـات نفـسـه = غيرذخـر للقـريـب وكــل نـايـد
نيـة الرديـان ماهـي لـي مطـيـه = البشـر مـا تفـرق الا فـي العقايـد
وكان ثار العـج عنـد ابـل الدواسـر = يعرف ابـن قويـد عنـد اولاد زايـد
كل عود ازرق لافـاح يجيـك طيبـه = فـال مـن لايرتجـف يـوم الطرايـد
والحقيقـه فـي البـدايـه والنهـايـه = كـل شـي غيـر وجــه الله بـايـد
العرض الشجري