.^. ياعيد ماني بقايل مثل ابا الطيّب .^.

[فرز الوغا]

اخواني واخواتي اعضاء منتدي العجمان القومــي الكرام

الـــــلام عليكم


العيد عليكم مبارك .. وعساكم من عواده

وكل عام وانتم بخير

وعندي لك قصيدة قصدي لكم

/
.
/
.
/

ياعيد ماني بقايل مثل ابا الطيّب = ب ايّات ياعيد حالٍ عدت عايدني


مادمت اسج القدم بعيد وقريّب = اصبر واساير زماني لو يعاندني


واجامل الناس واشري خوة الطيّب = والا الردي تبع لا يبعد ولا يدني


والدّهْر ياعيد كم بعّد وكم غيّب = والله من غايبٍ كنه مشاهدني


لو غاب عن شوف عينٍ دمعها ريّب = بالحلم كم زارني طيفه وعاودني


لا هبّ ياعيد من ريح الصبا صيّب = يتل روحي ويدنيني ويبعدني


فدوه لْمن فارقوا والجمع متهيّب = ناسٍ على بعدهم نفسي تْراودني

والوقت ماقول لا خلاّ ولا سيّب = كم من عزيز افقده وان غبت يفقدني


لكنّّ ياعيد راسي بعدهم شيّب = والعين ياعيد عيّت لاتهاودني


ياعيد لو مال عود البكر والثيّب = ماقلت ياعيد مشقيني ومسعدني

/
.
/
.
/

وسلامتكم و بحفظ الله