في زيارة وفد تميم لمزاين الأبل لقبيلة عتيبة ترجل الشاعر سعود بن سالم الحافي العتيبي بهذه القصيدة التالية فجاراه كل من الشاعر الكبير سلطان بن حسين بن محمد التمامي التميمي وكذلك أبنه الشاعر بدرسلطان التمامي التميمي
إليكم قصيدة الشاعر سعود بن سالم الحافي العتيبي :
في ملتقى الهيلا وفد وفدن عزيز ومن تميم *** بعد استلم دعوات رسميه وقام وفلها
وأرسل لنا الوفد التميمي دعم تكريمي كريم *** بستين راس من الابل هديتن في حلها
وحنا بخير ولايرد الكريم الا اللئيم *** خصن وهو من شجرتن خضرا يظلل ظلها
قبيلتن وحروفها تاءن وميم وياء ميم ***ولياجمعت حروفها الاربع وصفت كلها.
التا: تحدي فاللقى . والميم : منهجها قويم ***واليا : يابعد أنظارها والميم : ماقد ملها
الضيف والمحتاج والجيران والطفل اليتيم *** واللي عقد روس الحبال المبهمات يحلها
والله يعز الحكم والحكام والراي الحكيم *** والدوله اللي زين النهج الكتابي دلها.
قصيدةالشاعر/سلطان بن حسين بن محمد التمامي التميمي مجاراة لقصيدة سعودبن سالم الحافي العتيبي:-
العتيبي مايخلي عدوه في نعيم***لانواله حلتن وصلها وحتلها
ضربت العتبان فالكون تاقع فالصميم***مثل صقرن والجناحين طار وفلها
حيو اعتيبه عساها تدوم وتستديم***ثروة ومن شافها فاالبلد ماملها
العتيبي فيه خيروللعاصي جحيم***ومن حداه الجوع والقيض يسكن ظلها
عاشواعتيبه على التمر والدرالختيم***في صحاري نجد جعل السحاب ايعلها
يقهرون الشمس والقيض والبرد الحميم***والقلوب الي مغله اتعالج غلها
قصيدة الشاعر بدرسلطان التمامي التميمي
مجاراة لقصيدة الشاعرسعود الحافي العتيبي:-
حيوالحافي عدد كل من زار الحطيم***وعد من زار الحرم والمشاعر كلها
أنتم اعتيبه هل الخيل والمجدالقديم***والقصايدلجلكم ياالنشاما انهلها
والعتيبي ياحسن فاللقا خصمه يهيم ***يعجبك فوق الاصيله لعتزى ثم تلها
العتيبي فالملاقا عمى عين الخصيم***مايهاب امن العدو وآلآعادي ايشلها
والعتيبي فالجزيره كما همال ديم***يكرم الجيران ولايقبل احد ايذلها
والشكرلسعودابن سالم عسى عمره يديم***القصايد جابها وفالعلالي علها
16-11-2007, 11:33 PM
العرض العادي
