صوره من مقناص محمد بن فطيس وشايع العيافي وقصيده

[تركي المري]

مطلق عمد صافي وسيـع المناخيـر // كن دق صدره دقة شماغ بسام




قصيدة المقناص لشاعر المليون : محمد بن فطيس

الله علـى الربطـة يعيـن الصقاقيـر=اللـي تعـد الريـش وتعـد الأيــام
يقطّـعـون أوقاتـهـم بالتسايـيـر=وشوف المقانيص القديمـة بالأفـلام
تشوف راعي الطير عاف المظاهيـر=ومن شوفت القمرا وعدً لهـا صـام
قعد مابين أهـل البنـاء والنجاجيـر=وفي دورته ماهتم في فـرق الاقيـام
يبغي مقيظـه مايجـي فيـه تقصيـر=من خوف لوم اللي إلـى شافهـا لام
ويجيـب لطيـوره حليـب العصافيـر=إلـى تباطـى حذفـها لريشـة العـام
يويق صبح وظهر والعصر وعصيـر=ويظهر عشاها عقب ماجا من الـزام
يقسـم علفهـا بالتسـاوي بتقـديـر=وقدامهـا كنـي بـه يكسّـر عظـام
كنـه تـزيـده لاتعـشـت دنانـيـر=والى أدرجت مايفتكر في هـل الشـام
تمسي وهو مامسى روابـع وتفكيـر=يرمي به الهاجس على جال الأحـلام
ويذكر مكـانٍ داجـه العـام بالخيـر=ويطري علية أزين مقانيصـه أعـوام
وذيك الوناسه والقنـص والمشاويـر=وخوة رجال هـل مقانيـص وحشـام
الله جمعهـم كلهـم فــي سيـايـر=وقدامهـا فرقهـم ظـروف وأحكـام
على الوعد (ف)أول محطـة طوابيـر=وفي كل موتر عزبـة فـوق قسـام
فلان ينطر له رفيـقً علـى السيـر=وفلان خذ للربـع مـن كـل الأنعـام
وفلان عند البنشـري يركـب أسبيـر=وفـلان قدامـه يركـب لـه أسيـام
وفـلان عجـل مايبـي زود تأخيـر=شغـل وراح وواعـد الربـع قــدام
فـي شفهـم ماحسّبـوا للمخاسيـر=لـو زادت أصفـارٍ مياسيـره أرقـام
في حلها (ف) الطيب ماهـو بتبذيـر=يراقبـون الله مـع أحكـام الإسـلام
وراعي القنص عمن يسب القنص غير=شف ذاإذا ذهّن وشف ذا إذا نـام
يغطّ غطّـة ذيـب وأن ذهّـن يطيـر=ويقوم عاد اللـي معـه مابعـد قـام
ويشب في اللي قبل يحتـاج تكسيـر=فـي ليلـةٍ مافـاد فيهـا التلـطـام
وفيمـا تفـوح إدلال صفـرٍ مباهيـر=خـذ ركعتيـنٍ بالخـفـا لله قـيـام
وإلى قضـى ركـد دلالـه مساطيـر=وأذن ولا يحتـاج للـربـع قــوام
تمالـوا وركبـوا وراحـوا مداويـر=للـي يـروّع زولهـا كـل ضرغـام
برقا الجناح اللي إلـى قامـت تسيـر=أول مايطـري للـربـوع التشـيّـام
تشاوروا ووصلـوا لخيـر الأشاويـر=وهدوا غرام الشـارده عقـب لـزًام
هـدوا معيـدً عوقهـا عقـب تذييـر=أصله وحش مطروح في ديرة ألغـام
مغتـر ولا طبعـه بطبـع المغاتيـر=من يوم رب ووالـف الـدس ماحـام
مطلق عمد صافي وسيـع المناخيـر=كن دق صـدره دقـة شمـاغ بسـام
عودٍ ويخالى به على الفرخ والجيـرجَسر= وعلى المدخال في الجول عـزام
أعطاهم الصيده بعـد ماخـذ السيـر=وعلم فـروخٍ كـان تحتـاج عِـلاّم
هدّوا وصادوا والهـدف هـدّة الطيـر=ماهمّـهـم لـدهـام والا لـعــزّام
تبدّلوا (ف)الـزرع شـوف النواويـر=وتبدّلوا في الزحمـة فيـاض وخيـام
على لحم صيـد وحليـب المصاغيـر=تبدّلـوا بالسيـر والقـيـد درهــام
وسجّوا من همـوم البلـد والفواتيـر=وهموم الأسهم ذاك عارض وذا سـام
وتريّحوا من قولة(ن) صـار تفجيـر=ومن شوفة الفتنة ومن كذب الإعـلام
نشوف تفجيـرات ونشـوف تعزيـر=ولاجهلنـا ماحصـل بعـد صــدام
لكن شوف وحـر جـوف ومقاديـر=وش الجهد غير الدعـاء والتهشـام
الزبدة أن البـر مـن غيـره آخيـر=لاصار مع ربـعٍ صقاقيـر وحشـام
وبعض الرجال اللي يلـوم الصقاقيـر=ماهـو يعـد الريـش ويعـد الأيـام
تـراه مربـوطٍ مثـل ربطـة الطيـر=ويقصر جريره حـده البيـت والـزام

وسلامتكم

تحياتي

تركي المري

[فهد بن مطلق]

تركي لاهنت على النقل المميز والرائع لــ شاعر الجزل والمثير محمد بن فطيس


تقبل مرووري


حــجــز1

[تركي المري]

المشاركة الأصلية كتبت بواسطة العود

تركي لاهنت على النقل المميز والرائع لــ شاعر الجزل والمثير محمد بن فطيس


تقبل مرووري


حــجــز1

مرحبا ومسهلا يالعود

ولا أنت

ويشرفني حجزك ياغالي

ومشكوووور ع المرور

تحياتي

تركي المري

[ذيب آل مفلح]

رووعه قصيدته ذي

لا هنت يالمري

[تركي المري]

المشاركة الأصلية كتبت بواسطة ذيب آل مفلح

رووعه قصيدته ذي

لا هنت يالمري

مرحبا ياذيب

والروعه هو مرورك

ولاهنت

تحياتي

تركي المري

[!رفـــ الشان ــيع!]

سلام عليكم ورحمة الله وبركاته
أبدااع أبداااع يا بن فطيس
تركي لاهنت ع النقل
وتقبل مروري ............

[معشي الطرفى]

..

الشاعر محمد بن فطيس في ظل كثرة الشعراء واختلاط الحابل في النابل

استحق بكل جداره لقب ( ابن فطيس .. غير )

صح لسانه

وبيض الله وجهك عـ النقل الراااقي يا تركي وننتظر جديدك وجديد ابن فطيس

لاهنت

[فيصل ال رشيد]

لاهنت يا تركي يعطيك العافيه على النقل المميز

[ريف الضعيف]

صوره جميله
وقصيده روعه
صح لسان ابن فطيس



لاهنت يا تركي المري
تقبل تحياتي ومروري

[البليهي]

ما احبني للادمي هذا




صح لسان شاعر المليون وشاعر البيرق بن فطيس




ولاهنت يا تركي