السلام عليكم والرحمه الله وبركاته
اقدملكم هرم من اهرام الشعر النبطي ،، وهو الشاعر الكبير مطلق الطايعي الهاجري
دره من درر القصيد اهديها لكم نقلتها من قلب وارجوا ان تصل الى القلب
بين ايديكم
\
/
\
/
كمـا يتـوق مـن الشياهيـن قرنـاس=يـتـوق قلـبـي للجـديـد ويجـيـده
مانيـب بالعـرف اتهجـس تهـجـاس=ابيـع واشـري بالعـلـوم والوكـيـده
ولا اخترت راي انصى بديهين الاحساس=واستد باريا اصحـاب الاريـا السديـه
قامت محاحيل المرس تضرس اضـراس=صلـب وصلبـت الهبـوب الشـديـده
صلـفٍ هواهـا ماهـواهـا بنـسـاس=هـوا نقيـض مـن ديــارٍ بعـيـده
وين انت ياناصر ترا الوقـت حسـاس=لاشهـر تطـارد بيـن يـوم وطريـده
مثلك بغيت انعـس ولا جانـي انعـاس=افـرد بـي التفكيـر باشيـا عـديـده
في حاجتـك كاتـب وموقـد وحمـاس=مابـه عضيـدٍ مغتنـي عـن عضيـده
النـوم لـوم وشبـت النـار نومـاس=لاحـق علـى نـارك حطبهـا وزيـده
واجمع لنا جرومٍ مـن الرمـث يبـاس=نطـرد بهـا زبـر البطيـن وجلـيـده
وليـا قربـت مـن المعاميـل لا بـاس=انتـاش مـن صندوقـه اللـي تريـده
مطـراف هيـل ودلتيـن ومحـمـاس=والشـذ والملقـاط والنـجـر وايــده
واحمس ودق ولا يجي فيـك هوجـاس=جنـب بمحماسـك لهـبـت الوقـيـده
والما تلقا لـه مـن السحـب بطيـاس=مـن السحـابـه للمعامـيـل سـيـده
ولقـم وزل وحـط للهيــل حـبـاس=الليفـه اللـي بيـن جـذع وجـريـده
فـي دلـةٍ ماناشهـا هجـار وشمـاس=بالهيـل والـبـن اليمـانـي عهـيـده
كيفي وكار الـراس مفتـاح الاونـاس=انـا وهـي مثـل الصغـيـر وديــده
واشقر لنا جاوي كمـا شقـرت الفـاس=شقر العصـا لا تشقـره شقـر حيـده
واليـا تقهوينـا وطــار التعـمـاس=الفصـل لاخـر عيـد نـارك وعيـده
واسحب لنا من بتـري الجيـب كبـاس=حطـه عليـه وشنـكـره بالحـديـده
لـــكم جــل تـحياتــي
13-11-2007, 01:37 AM
العرض الشجري