علي بن حمري وستفحال القصيد وصهيله

[فهد بن مطلق]

وفي هذه الشامخه تألق شاعرنا المبدع في تركيبةً خاصه لا ينتهجها الا الكبار


علي بن حمري

يالله اني في ذراك مـن المصايـب والبـلاوي = والتكبـر والتغطـرس والجهـل والجاهلـيـه
والزنـا والقتـل والشـلاّت وعيـال القهـاوي = والربا واهل الربـا واهـل الغبـا والعنصريـه
والردى واهل الردى واهل الحيَل واهل الملاوي = والنمائـم والكـلام الشيـن والنفـس الدنـيـه
وعن هروج الكذب والزمّات والهرج المـراوي = والنفـاق ورفقـة الانـذال والنـاس الـرديـه
وأكل مال الغير من الايتـام ولا مـن غنـاوي = ومن غضبك ومن سخطك ومن عقوقي والديـه
وعن دروب العيب واهل الظلم صحبة كل غاوي = والنكـاده والقـراده والحـسـد والعنجهـيـه
والقهر والديـن والنكبـات والشـر المخـاوي = وعن قلال الدين واهل الفسق وانـواع الزريـه
يا إلهي ذا رجاي وفيـك انـا قلبـي رجـاوي = طلبتي لك طلبـة المحتـاج وارفـع لـك يديـه
انتبه من صحبـة اللـي دايـم دربـه خنـاوي = مـاوراه الاّ المضـره والنـكـد ولاّ البلـيـه
تستحي من النـاس لشافـوك وايّـاه امتخـاوي = خايف من هرجـة العقـال مـن هـذا خويـه
سمعتـه مشهـورة بالعيـب ولاّ بالـرشـاوي = لايفرق في الصواب.. ولايفرق فـي الخطيـه
إلى أن قال :
ذي نصيحة شاعر قلبه علـى الغالييـن يـاوي = قلتها وارجوك يـارب المـلا ترضـى عليـه
قلتها ماابغى وراهـا لا جـزاء.. ولا عطـاوي = ماعلي امن الجـزاء ولا علـي امـن العطيـه
لابس ثوب جديـد.. ولابـس بشـت حسـاوي = ومـن وصايـا شايبـي متحـزّم بالحضرميـه

*
*
*
*
دمـــــــتـــــوا

[سلطااان العتيبى]

العود

لا هنت اختيار موفق وراقي

وصح لسان الشاعر

تقبل مروري

[بــ ــــــــرق]

الـعـود


يا سلاام على الاختيار الجزل في هذا الصرح الشعري


صح لسان بن حمري


والله لا يهينك وتسلم يمينك على النقل الراقي والجزل



تقبل مـروري



بــ ــــــــرق

[فهد بن مطلق]

يــــــــــــــــامـــرحبا والله اٍني صاادق




هذا ماهووو مروور عــادي يااا بــــرق


هذا نور فالموضوع


ولاهينك يــســـنافي

[دوسري يحب العجمان]

العود

ابيات رائعه وجزله من الشاعر المبدع على بن حمري

احسنت الانتقاء للابيات والشاعر اخوي العود يعطيك العافيه

وتقبل تحياتي..

[فهد بن مطلق]

دوسري يامرحباا والله ومسهلاا



مرووورك شرف

[الــحـشـاشـــه]

صــح لـسااانــه دائمـا ممـيز ماشاااالله !


وسلمـت يميــنك يا العـود ع الـنقل الطــــيب والاخـتـيـار الرائــع !



تــــــقـبل تــــــحياااتـي

[قبلة العذارى]

انتبه من صحبة اللـي دايـم دربـه خنـاوي=مـاوراه الاّ المضـره والنـكـد ولاّ البلـيـه
تستحي من الناس لشافـوك وايّـاه امتخـاوي=خايف من هرجة العقـال مـن هـذا خويـه
سمعتـه مشهـورة بالعيـب ولاّ بالرشـاوي=لايفرق في الصواب.. ولايفرق فـي الخطيـه

هوو صاادز



العود لاهنت يمال العافيه على نقل هذه الرائعه


وصح لسان علي بن حمري


تقبل مروري

[فهد بن مطلق]

قبلة العذارى



يامرحباا على مرووورش


ما أجزل من القصيده الا مروورش

[@بنت الشيوخ@]

العــــود....

نقلت فأبدعتـــ

صح لسانك ونقلك...

الله يعطيك العافيه...

لك تحيااتي...

أختكـــ

@بنت الشيوخ@