((( مهم جداً وخطر جداً )))

[alaajm]

السلام عليكم ورحمة الله وبركاتة

يسعد لي مساء الجميع

أخواني واخواتي في موضوع مهم وخطر جداً (لمن يهمه الأمر )....

وشفته اليوم الظهر وحبيت اني اكتب الموضوع بالمنتدى للفائدة....

لاحظت اليوم الظهر الساعه 49 : 1 م بعد انتهاء الدوامات ... وانا داخل احد المناطق

لاحظت الباصات الصغيرة اللي توصل طلاب وطالبات ... ما اقصد الباصات الرسمية الكبيرة

اللي تتبع للمدارس....

لا أقصد باصات صغيرة 11 راكب تحت الطلب ويتقاضى أجر كل شهر ....

المهم في الموضوع إني لاحظت أن سواقين الباصات لا هم هنود ولا باكستانيا

شفت السواقين من فئة ( غير محددي الجنسية ) أو بالأوضح (البدون)...

وأنا ما اقصد في كلامي هذا نبذ للبدون أو قطع ارزاقهم لا حشى و والله العظيم

هم عيال الديرة ...

لكن اللي شدني بالمنظر إن سواق الباص (شاب) في مايتعدى عمره الـ 30

والمهم واللي قهرني إنه والله أكشخ مني @_@

سواق الباص .. الشعر اشقر مصبوغ وجدايل فوق المتون والسكسوكه والجنز والتي شيرت

نفس اللي تشوفونهم في محلات التسجيلات

شسالفه يا جماعة @_@

هذا بيوصل طالبات ولا بيقـز

في ناس تقول الهندي ينخاف منه والهندي والهندي

ولكن وصل وتطاول شيء أكبر من الهندي ومصيبة أكبر

على الأقل الهندي يخاف ولايعرف يسولف واساساً محد راح يعطيه وجه

بس انا اليوم شوف عيني انصدمت لما شفت السواق والله توقعته ( مطرب أو بطل فيلم )

يعني شياكة على الأخر والأغاني تلجلج وشفت معاه طالبة وحده فقط عمرها ( 17 أو 18 )

لحالهاا وراكبه ورى تمنيت لو إن لي حق أسوي شي لكن للأسف مالي حق...

ياجماعه يمكن انتوا ماتحسبون باللي حسيته بس انا والله العظيم إنقهرت لما شفت شكل السواق

وينقل طالبات في سن الزهور.... وهو مطول الشعر وصابغه أشقر والقفل والبدلة......

اذا الوضع كذاا... اجل خلاص افتحوا المجال للشباب واسمحوا لهم بدخول المجمعات اللي يمنعون

دخول الشباب ويخصوون دخول العوائل فقط....

هذي مصيبه أكبر من مصيبة المجمعات......

واخيراً اتمنى محد يفهمني غلط والله العظيم إني ما اقصد أي شيء لا ضرر ولا تبلي

بالعكس اتمنى ان الله يديم عليهم النعمه ويزرقهم....

لكن شيء يقهر وبصراحه افقدني صواابي اليوم.......

واتمنى إني ما اطلت عليكم بالموضوع....

واستنى آرائكم في الموضوع

تقبلوا تحياتي

[الـــــذرب]

بالعكـــس اللي تقوله عين الصوااااب

والخطأ يرجع لأهـــل البنات

وأحيي فيك غيرتك

[alaajm]

اسعدني مرورش يا / أميرة

ولا تلوميني والله إني اكتب من كلام طالع من قلبي ومن القهر اللي فيه

والدليل اني حابس الموضوع بصدري من الصبح لين اكتبه بالمنتدى.

دمتي بخير

[شرطي بدون رتبه]

ســالـم بــــــن ملبــز



والله صراحه منظر يعور القلب اللي شفته الله يلوم اللي يلومك
الاهل المصيبه اذا كانوا مايخافون على بناتهم ويوصلونهم للمدارس

شلون تبي مثل هالشاب يخاف عليهم

اكيد الناس مو مثل بعض لكن الحرص مطلوب .

وفيه مناظر لو تشوفها يشيب لها شعر راسك

تقبل مروري المتواصع

[@بنت الشيوخ@]

سالم.....

انا نفسك شفته كم مره الموقف هذا...وفعلا السواقين كاشخ والله حتى استغربت اول مره اشوف هندي كاشخ لدرجه اني مريت من عند الباص والله ان جاتني ريحه العطر رجال شقت خشمي

واصوات البنات وضحكهم....وحتى يشغلون المسجل او الراديو...

بس هذا كله من عدم غيره اهلهم(ان كان عندهم علم) وعدم اقرار الايمان في قلوبهم...

اما على الفئه هذي مالهم ذنب حالهمحال غيرهم يبون يكشخون ويتزقرتون...

حج وحااجه

بس ماقول غير الله يهديهم...

مشكور سالم على توضيح والله يلوم اللي يلومكـــ

لك تحيااتي....

أختكـــ

[GUCCI]

كلامك صحيح يا سالم

وانا ملاحظ هذا الشيء كثيرا


لكن ما نقول الا الله يستر على بناتنا


لا هنت .

[سمـــوم]

غلط غلط غلط

على الاهل وعلى البنت بعد لو اموت ما اروح بباص ان شاء الله اخلي رفيقتي توصلني ولا اروح بباص


ومشكور اخوي سالم ع اللفته

[حــروف الحــب]

مساء الخير

//

شفت السواقين من فئة ( غير محددي الجنسية )

صحيح كلامك وصغار بالعمر وانا لاحظت هالشئ .. وذاك اليوم راايحين ناخذ

اختي الصغيره ..

في الابتدائي .. الا اشوف هالسـايق شايل بنت تقريبا في عمر 6 او7 سنين

ويدخلهاا الباص !!!

//



اناا الصراحه انصدمت وهالشئ هذا غلط وراح يترتب عليه اشياء يعني البنت كل
من شالها صار الوضع عادي عندها وبتعود .. ،

ولا صاااراخهم يافلاان حط حط الشريط الفلاني طيحوا الميانه معه .. الصراحه
الاهل هم الي مفروض يودون عياللهم ويجبونهم ..،

//

يعني برزان تخلونهم مع ذولا ليه ؟ .. انا انا لحد الحين وانا بالجامعه امي تودي اخواني الصغاار ودويني لله الحمد


//

يعطيك العافيه ياسالم ع هالطرح
وتشكر

اختك حريف .،

[صديق الملك]

موضوع جدير بالمناقشة الهادءة والهادفة في نفس الوقت


الجميع تناول الموضوع بكل غيرة وحماس ولا الومهم فيما ذهبوا إليه .. بل احيّيهم وأشد على أيديهم

وانا واحد منهم اتألم معهم لما ذُكِر في المقال

لكن


لي وجهة نظر متواضعة أتمنى الإستماع لها وقراءتها مشكورين


عمر السائق مهم جداً .. وهل هو متزوج أم لأ ... وهل سيرته حسنة ولديه تزكية من إمام المسجد ؟


فيجب أن يكون السائق من الأشخاص المشهود لهم بالصلاح والتقوى

وأن يكون متزوج

وان يكون سنّة لا يقل عن 40 عام

وأهــم من هذا كلّـــة


نظافة الباطن

نعم فأهم شيء يكون تقي وملتزم ويخاف الله ويتّقيه سواءاً كان شكله ( وسيم أو غير ذلك )

لأن الله تعالى لا ينظر إلى أشكالنا وإلى صورنا ولكن ينظر إلى قلوبنا

وبالتالي

لابد لأولياء الأمور ان يخافون الله في أبناءهم وبناتهم وعليهم إختيار الشخص المناسب لنقل فلذات

أكبادهم من وإلى المدارس

وكذلك على المسئولين أن يضعون القوانين والتشريعات التي تنظّم هذه العملية بما يحفظ للجميع

حقوقهم وسلامة أبناءهم وبناتهم

أخيراً

رأي متواضع أتمنى قبوله

أخي المحترم

ســالـم بن ملبــز

أشكرك على غيرتك وعلى الموضوع الرائع

تقبل تحيتي

أخيك .

[gravity]

ياحرام يالبدون!!

حسبي الله على اللي وصلهم للوضع هذاا ولو سوا اي شي للبنات تدرون بكون معذور

اقل حق من حقوقه مو قادر يحصل عليه لازواج ولا تأمين صحي ولااحياة كريمه !!

ادري يمكن طلعت من الموضوع ولكن شدة انتباهي كلمة (بدون) ابناء الكويت المحرومين ..


واذا كنتو تكلمون عن بنات ثانويه فهم يخوفون بلد

اللوم على اللي يخلي بنت في ابتدائي تروح في باص

كوني معلمه لهذه المرحله اشوف العجب .. ومايذبحني الا لاشفت هنود ياشيلين البنات ...!!!
اهل في قمة الاهمال ..

اتمنى من كل قلبي ان اللي عنده بنت في ابتدائي مايخليها تروح في باص رجااءا التفتو لبناتكم عشر دقايق بس !!