السلام عليكم 
رجعت لكم بقصيده للشاعر ناصر بن دهيم
وان شاء الله تعجبكم
قبل موعد سفر مالـه نهايـه هاكـم العنـوان = انـا ماشـي مـن ديـارٍ بها ذقـت التعاذيبـي
بعد طول الزمان اسرف طلبت الواحد المنـان = يصبرني على همـي قبـل مالنـاس تدريبـي
الا وين الصبر وينه مـادام ان المقـدر كـان = واذا ضاقـت بـك الدنيا تعذربـك العذاريبـي
تعبت اعابـل همـومٍ تعذبنـي مـع الاحـزان = كذا ولا كذا هانت بغصب او جـات بالطيبـي
خلصنا وانتهينا واعتزلنا مـن هـوى الخـلان = كفـانـا مالفـانـا لـيـن طفينا المشاهيـبـي
توكلنا على الله ياجروحـي دام وقتـي حـان = مشينا والسفر يشفي جروح القلـب ويطيبـي
بغينا خوتك ياقلب واسمـع واعـدل الميـزان = ابي خوة وفا لامن عوى ذيـب وزهـم ذيبـي
ابيك ارحم من الدمعه وابيك اقسى من الحرمان = وترى النسيان نعمه كان تسمعنـي وتوحيبـي
واذا نك مانسيت اللي تسمى خشيفـة الغـزلان = هلا تزعـل اذا جبـت الحقيقـه دون تكذيبـي
تذكر واذكر اللي كانت اقرب لك من الشريان = واذا فارقتهـا حنـة لهـا ضلـوعٍ محاديبـي
عليها نبتدي عـذب الغـرام وننتهيـه اشجـان = اهذري واسكت بحبه واغيّـب ثـم يصحيبـي
تعدت بالدلـع كنهـا صغيـرن دلعـه خبـلان = خذاهـا عـادةٍ لـه ليـن نسـوه المواجيبـي
عمتها الغطرسه لارحم ابوها طاعـة العـدوان = وانا لعيونهـا الجنـه وهـم مثـل اللواهيبـي
عزاي اني نصحتك من كلام العالـم التعبـان = سمعتيهم وانا اللي غلطتـي كثـر التراحيبـي
عشقتك واعشقك واموت معشق غيركم انسـان = جعلتك غالي الغاليـن فـي قامـوس ترتيبـي
سبحان مغير الدنيا جعل درب الوصل حقـران = ابنسى دمعةٍ فاضة وبقلـع يـدك مـن جيبـي
لـو ان العـز يابنيـه مكانـه كنـه الخـذلان = حرام اني مافارق حضرتك لـو زان تغريبـي
واذا قالوا من الغلطان قولي ناصـر الغلطـان = لاني اعشقك ياللي غرامك صار مـن عيبـي
اشوف اللون الابيض لون لكنه سبعت اللـوان = مثل مالحب كلمـه لكـن انـواع وتجاريبـي
نعم خسران ياشاري طيورٍ بالسمـا خسـران = بعض لوهام ماتصدق بعض لحيـان وتخيبـي
هذا ياقلب وان كانك على الفرقا بعـد زعـلان = تـراهـا وردةٍ ذابـــت تذوبها اسالـيـبـي
وانا ياعزتي لي لا استجد الحب بعـد ازمـان = وخذاني هاجس الذكرى وانا طريـاه تخطيبـي
والا وش فايدة حـرٍ تعـلا نايـف الضلعـان = تساقـط ريشيتينـه والبـلا كسرالمخاليـبـي
عليك الله ياقلبـي تعيـش بخاطـري طربـان = خلاص انس الزعل يكفي عذابك وش يسويبي
علينا بالسفـر كانـك تبـي تعطيهـم العنـوان = يموت الحب في قلبـي ولا نرضى التعاذيبـي
وسلامتكم
أختكم
ريــــــــــــــانه العـــــــــــود
27-09-2007, 06:34 AM
اشوف اللون الابيض لون لكنه سبعت اللـوان ... مثل مالحب كلمـه لكـن انـواع وتجاريبـي
..
العرض العادي
