رديه بين \ مبارك ابن اعيينان & محمد بن مطرب ...؟

[(هاوي قصيد)]

هذه رديه بين الشاعر \ مبارك ابن اعيينان الهاجري

والشاعر \ محمد ابن مطرب الهاجري

الصوت \ مبارك ابن اعيينان

بنات فكر القصيد ان جات مستنه = لاهيب تتعب ولا تشقي طواريها
الا قصيد(ن)ليا منه كتب كنه = سبايك(ن)من ذهب ربحان شاريها
قصايد(ن)مابهالحظه ولا منه = تنومس اللي على الشعار يرويها
هذيك عندك يابن مطرب لها بنه = بنات فكرك لزوم اني أجاريها
لو كان ماهي توردني على الجنه = أغلي قصايدك حين افهم معانيها
وان هجرس الشعر للتفكير ودي انه = يفرح قصايد هل المعنى ويبكيها
وان داعب الليل في صدور العرب ونه = عديت روس الجبال وقلت راقيها
من قبل هذا وانا شعري على ظنه = اجرح ضماير قصايدهم واداويها
لا قلت منا ولا عنا ولا عنه = سوالف(ن) بين كاتبها وقاريها
وانا اعرف انه نسى فرض وذكر سنه = لو كّّّحل السالفه لابد يعميها
الله يعينه على المشوار لافنه = حتى يجيب القصايد ما يوديها

الصدى \ محمد ابن مطرب

الصاحب اللى لفاني لعبة(ن)منه = قريتها والمثايل زان واديها
اللعبه اللي معانيها لها رنه = سميتها وانت مدري وش تسميها
سميتها الهجس والادغام بالغنه = والنار ماتحرق الا رجل واطيها
بنات فكره على الطاروق حدنه = وبنات فكري تعانيني واعانيها
مستنة(ن)و الفكر بالعرف باسنه = في الوقت باخذ مع الافكار واعطيها
اصخر القاف بالمقصود واعنه = مانيب منهو يدورها ويخطيها
قصايد(ن)مابها شكه ولا هنه = اورد بيوتها وارسم معانيها
ميراد علط الرقاب بلاهب الكنه = اللي من البعد حفيانه مواطيها
ماهمني من يقرقع كنه الشنه = اعقب اعلومه اولها وتاليها
وماهمني من يشيل الحقد ويكنه = يخفي اعلومه وبانتلي مواريها
هو يحسبني مديم الدوم باحنه = لابد من لحظة(ن)يشكي مشاكيها
الله يعينه يحط الهيل في بنه = حتى علوم النشاما مايخليها

وسلامتكم

[عيد بن شدقان]

شعار جزلين


ورديّه جزله




الهاجري

لاهنت

والله يعطيك الف عافيه

[صـــبـــــــــا]

صح لسانهم
رديات جزله ويعطيهم العافيه على هالنقل لاهنت

[(هاوي قصيد)]

عيد ابن شدقان ,,,

ارحب ارحب , ولانت والله يعافيك

لاهنت على المرور الكريم طال عمرك

[نـاصـر]

صح لسانهم

جزلين ولافيهم حكي

ولاهنت يالهاجري على نقل الصوت والصدى

[سلطااان العتيبى]

الهاجري





لاهنت على النقل وصح الله اللسنت الشعار



تقبل مروري

[هــــــــــادي]

الهاجري

ما اقول الله صح الله السنتهم

مبدعين كالعاده

لاهنت

بارك الله فيك



أحــــترامي

[سند]

صح السنتهم جميع


ولاهنتي يالهاجري على النقل الرائع