معانات شعفه

[خــــــالد بن حجرف]

السلام عليكم ورحمة الله وبركاته
( مــــعــــا نـــات شــــعـــفـــه )
في يوم من الأْيام وفي عز الحر والرطوبه والجو الي يجيب المرض وانواع الأْكتئاب راحت اختنا شعفه اتقضى للعيد (طبعاًهي اتقضى بالصيفيه قبل العيد بشهرين عشان ماتكون الملابس غاااليه وتكون رخيصه )وكانت لابسه عبايه على الراس مسكره ونقاب سير ومو مطلعه حواجبها يعني اسلامي كانت تمشي واطيح عشان العبايه طويله ولابسه زنوبه المهم وهي ادور بنطلون ابو دينار ونص وبدي على دينار وجوتي بدينارين المهم مايتعدى العشرة دنانير من مكياج وشنطه وشغلات بنات المهم وهي تمشي وتسحب اكياسها الي معها الا وتشوف ذاك الزين الي ماقدرت اتنزل عيونها منه وراه ذاك الجيكر الي اول ماشفته تعوذت من ابليس اعوذبالله من الشيطان الرجيم وهي تمشي رايحه للبازار (سوق نفس سوق حجاب الي بالريااض لتوضيح فقط) وتدخل وتسمع انواع الأزعااج (على ميه على نص على دينار )صياااح هالهنود وخياااسهم الي فجر مخها بس هو السوق الوحيد الرخيص (شرع الطفران ) وتدخل محل وتطلع من محل الا وذاك الزين الي يغازلها ماصدقت عااد
هذا الي شافته اول مادخلت السوق عاد هي قالت خلني اتأكد انه يلحقني واشوف شكلي بالمرايه !!!!!!!!!!!

انصدمت بشكلها مايأهل حتى الهندي يلحقها عقب ماغير عمها شكلها ميه وثمانين درجه
الله يزوجه ويفكني منه يارب ناشب لي كل مارحت مكان لازم يشوفني وش لابسه حاطه كحل ولالا ,لابسه عبايه على الكتف ولالا .حواجبي طالعه ولالا ,لابسه كعب ولا زنوبه , وانا اول مادريت انه رايح للشغل وانا اكشخ آخر كشخه للسوق وامط الكحله وارسم الحوااجب والبس الكعب ابو شبرين والعبايه المخصره والمزركشه واللطخه الي ورا العبايه على شكل تايقروالطرحه الي رافعتها بالكماشه ام ريش دجاج , يعني على الموضه حدي المهم وانزل الا واشوف ابليس مستقعد قدامي كأنه داري اني بطلع ويمسكني وقال عمي هلا هلا والله على وين يعني اذا راح القطوا العب يافار, ويقوم ويمسك السنام الي تعبت وهي تصلحه لها ساعه اتثبت الكماشه وبلمح البصر طارت الكماشه وتصير بيده وشعرها يطلع وكأنه ذيل فار (الله يخلي الكماشه مكثرته)ويتفل عليها ذيك الرخااامه الي سيحت الكحله والمسكره واختفت العدسااات (جاري البحث عن العدسات )خخخخخخخخخ
ومسك العباااايه ويشقهاااا قطعه قطعه وهي تبي النحشه من ذا العتوي وشوي جاها ذاك الكف الي لف وجها سبع لفاات وماحست الا بعصافير ادور على خشتها ومسك عقاله وين الي يعورش يابنت0000 طخ دوف طخ دوف طخ طررخ !!!!
وبعد ماشبع عمها من التصفيق فيها قام وقال لو انا مانيب عندش كنتي فخبر كان ولابعد طالعه من غير استأذان قومي ضفي وجهش ولا اقولش انا الي بوديش السوق وانا الي بلبسش زين ولبسها ذيك العبايه المغبره حقت امها لها كم سنه والنقااب الطويل الأسلامي والطرحه الي مدري وش تبي000000 المهم ماصدقت ذا الزين يلحقها لا مومعقوله خلني اتأكد وافتح البلوتوث الي مسجله اسمي (ماينحني راسي والبدو ساسي )>>>امووووووت على البدو انا
وتمشي بالسوق وهو يلحقها ويقول: نكج احلى بدويه؟؟؟ واهزله راسي ايه هذا هو يله ارسل
وشوي ويرسلها بوسه مع رقمه,, وهي متشققه من الونااسه الزين يلحقها لها الدرجه انا حلوه ويغازلني ويقط علي كلام حلو المهم هم وراها ولا تدري من الي يتكلم من مكان لمكان وهم يلاحقونها لين وصلوها السياره وراحوا 0000
وترجع للبيت وهي متقطعه من الوناسه ماصدقت احد يلحقها وهي ماتكشخت وعاديه حيل
وعقب التلفع الي جاها من عمها ماتوقعت احد يعطيها وجه 000
وقعدت تفكر ادق ماادق ادق ماادق خلني ادق واشوف وش يبي ذا الزين مني 00
وهي ادق واتسكر >>>حركات قديمه هههاااي
وشوي يدق تلفونهااا على نغمة كسراات00000
يويل ويلي على الكسراات يويل ويلي على هي
انا احبك واحب ماطاك ياحبي الأولاني
لاشرطه ولا مرور ولا مباحث جنائيه
انا احبك والله بجنون ومدري انتي تحبيني
>>>>> البنت حدهاااااا زااااحفه
شعفه : الو
الولد : هلا والله بها الصوت
شعفه ذابت : ها نعم وش تقول
الولد : اقول هلا بهالصوت الي يرد الروح
شعفه اغمى عليها >>لاتلومونها اول مره تسمع هالكلام
الولد : حياتي وش فيج ماتردين
شعفه : معك ياقلبي
الولد : انتي الحلوه الي بالسوق
شعفه شكت بنفسها : هاا لا من تقصد
الولد : الحلوه الي كانت بالبازار
شعفه شاكه : أي عبايه انا لابسه كتف ولا راس ؟؟؟؟
الولد : لا عباية راس وفيها بعد من ورا زخرفه بيضاء من فوق لتحت >>>يقصد بويه يوم كانت امها تشرف على العمال وتنافخ على المصري ورفعة ضغطه وقالها ماتغوري عن وشي ياحقه ومن الخقه لزقت على الجدار المصبوغ
شعفه : ايه صح انا اصلاً احب الموضه وامشي عليها بعد >>والله من الشلخ
الولد : ماتعرفتي على اسمي انا منير وعمري 26وانتي
شعفه توهقت : انا اممم عذاري ويدلعوني شعفه
منير : وش جاب عذاري لشعفه وش هالأسم البايخ والقديم
شعفه تحطمت : ايه صادق بس مدري عن اهلي يحبون يدلعوني >>ايه واضح يدلعونش الا يكفخونش
منير :عرفتيني
شعفه : ايه انت اكيد ذاك المزيون الي يشق العين
منير : ههههاااي ترى ماأحب المدح انتي احلى بكثير
شعفه يالبى هالضحكه : والله تستاهل المدح
وشوي يطلع عمها راسه من الباب على عذاري اقصد شعفه المهم ويدخل عمها وتسكر التلفون بقوه وتحذفه مسوي نفسها بريئه 0000
وعمها قاعد يدف الباب لأن شعفه حاطه كرسيها وكبتها على الباب لأن ماعندها مفتاح
شعفه: زين زين ياعمي وانا افدى ذا الوجه لاطقني ياجعلني ماذوق حزنك
عمها يا000 والله انا الي بذوق حزنش الحين ليش مسكره الباب وش قاعده تسوين
شعفه: يعني كيف ياعمي وشلون تبيني ابدل ملابسي والباب مفتوح وانت مشاءالله مافي احم ولا دكتور >>قصدها دستور بس من الخلعه
عمها دكتور يبشرني بموتش يالجيكره
شعفه بنفسها والله انت الجيكر من شاف خشتك وجهك الأسود وريحتك الخايسه انحاش
عمها: انتي جالسه هنا وانا ملطوع انتظرش في السوق مع من رجعتي يالعوبا
شعفه: هاا بس انت ما قلتلي انك بترجعني نطلتني ورحت
عمها: وليش مادقيتي علي عشان تشوفين اخذش والالا
شعفه: بس انا لي شهر وانا اشحذ منك شحن وانت ماشحنتلي تلفوني كيف ادق واناماعندي رصيد
عمها: توهق خلاص قومي سويلي مساااج يالله قومي
شعفه :اوكي اوتكل >>مسكينه قصدها اونكل يعني عمي
بعد المساااج والكفوف الي جتها من عمها عشانها تتأفف من ريحة عمها الخايسه
وراحت لسريرها وطلعت تلفونها الي حاطته على الصامت وتشوف المكالمات واصله عشر مكالمات, بحياتها ماشافت تلفونها مليان مسجات ومكالمات, طبعاً كانت كلها من منير00000
شعفه يالبيه يامنير يأنك ذوبتني وخليتني ماأفكر وش راح يصيرلي لو درا قرقوش ااااقصد عمي اني اكلم اه اه اه اه من الحب شو بيشرشح الوااحد >>> ماجت الشرشحه يا المسكينه للحين 000
ودقت وسكرت على منير وشوي ودق تلفونها
شعفه تستنعم : الوو
منير : يالبيه آه ياقلبي انا مستحمل هاالنعووومه
شعفه : اسم الله على قلبك
منير : وشلونج حياتي وربي اني اشتقتلج
شعفه نست النعومه : مايمديك ياشيخ >>> قاايلتلكم البنت منتهيه
منير : ههاااي يا حلات البدوو وكلامهم
شعفه : تسلملي انت احلى >> يعني ذربه
ومضت الأيام والساعاااات والدقائق والثواااني وهم على ذا الحال وشعفه ومنير عايشين احلى قصص الحب والرومنسيه 000
منير : حياتي ابي اشوفج
شعفه توهقت كل ماقالها صرفته خلصت التصريفات عندها:هاا متى تبي
منير : اوكي حياتي ياليت اليوم اشوفج
شعفه مصدومه : هاا اليوم لا ماأقدر لازم اقول لعمي عشان مايزعل >>عشان ماتتلفع وهي الصاادقه
منير :اوكي حياتي بكره خلاص انا مقدر اتحمل اكثر لازم اشوفج بكره
شعفه : هاا اوكي بكره خلاص لاتعصب بس وين اشوفك
منير : خلاص خلينا نتقابل بالمارينا >> ذوووق
شعفه : لالا انا ما أحب المارينا مليت من كثر ماأروح له غييره >>يحلفون ماعمرش طبيتيه ولاحتى عتبتي عليه
منير : اوكي اختاري وانا تحت امرج
شعفه : حدنا الفحيحيل >>> هذا الي تقدر عليه المسيكينه
منير : اوكي وش رايج بالكوت >>> يااااهووه
شعفه مستانسه : ايه والله اوكييه بس وين القااك >> تبي تروح له بأْي طريقه بس حكم القوي على الضعيف
منير : انتي تعالي وبينا اتصال 00
بعد اقنااااع وشحاااذه وترجي على عمها انها تطلع وتروح لخويتها
عمها: خلاص لش ساعتين روحي ورجعي ودقيقه وحده تتأخرين العقال هذا يليس ظهرش لين يسير عليه ( ×, o ) فهمتي
شعفه: لالالالا كلش ولا العقال خلاص ساعتين نعمه
عمها دقي على التكسي يوديش انا بطلع مشوار
شعفه :اوكي
راحت شعفه ولبست على طول عبايتها الخايسه وراحت مع التكسي ووصلت للسوق
الكوت 00
اول مادخلت شعفه السوق على طول راحت ا دور على الحمامات وانتوابكرامه
ودخلت الحمام وطلعت من كيسها عبايه على الكتف مخصره وكعبها ابو شبرين وماطه الكحله وراسمه الحواجب وعدلت السنام ورشة من الكلونيا الي بالحمام يعني متكشخه آخر كشخه >>البنت عليها حركات خلاص صارت عارفه عمها وقوانينه هههاااي
وطلعت من الحمام شكل ثاني غير يوم دخلت سبحان الله الي يغير ولا يتغير
بالكوت جلست تفرفر لين فاحت كبدها وطلع خياسها وراح العطر ودق التلفون
شعفه : الو
منير : هاا حياتي وينج ياقلبي
شعفه وهي تلهث : هاا انا مدري وين
منير : طيب اوصفيلي مكانك
شعفه وهي تبلع ريقها : انا عندي ماي وفيه ماي يطير وينزل مادري كيف ومستغربه وكأنه يرقص مع الأغاني الي حاطينها >>امحق توصيف
منير : خلاص عرفت انتي وين
وجا منير كاشخ ولابس بدله على بونه كشخه وحاط بنطلونه لويست يعني خصر نازل
ومطلع الحزام ورافع الكشه وحاط سبايكي وسلاسل وخواتم حشى ماخل شي الا وحطه
هي كانت واقفه وكل من مر عطاها كلمه حلوه وقعد يتمدح عندها شوي وتشوف ذاك الرجال الي كان لابس بنطلون ومشنقل بعمره ودق التلفون
شعفه : الوو
منير : وينج انتي انا الحين بالمكان الي قلتيه لي
شعفه : انا يمي واحد كأن ابوه ماسك كشته ومقطعه لين قال بس
منير : لحظه
ويلتفت ويشوف قدامه شعفه ويبتسم
شعفه وهي تكلم لا وبعد يبتسم
منير : هذا انتي ياعذاري
شعفه مصدومه :هاا انت منير
منير وهو يضحك : ههاااي ايه انا ابوي مقطع كشتي
شعفه تصرف الموضوع : المهم وين تبينا نجلس
منير امشي وراي وراحوا للمطعم وجلسوا سوالف وضحك وغزل وشوي يقولها عذاري ابي اشوف ويهج
شعفه توهقت : هاا لا في ناس واخاف احد يشوفني ويعرفني
منير : يلله حنا صادين محد راح يشوفج
طبعاً شعفه طول الوقت وهي منزله راسها :طيب وتنزل النقاب وترفع راسها عشان تشوف وش ردت فعله
منير بصدمه : وش هالجكر فيج الله يلوع جبدج
شعفه اول ماشافته وهي مصدومه وماسمعت الكلام زين وشوي وتركز
هذا انت يالجيكر ووووععععع الحمدالله والشكر وين المزيون راح
منير : انا جيكر انتي ماتشوفين شنبج وشلون خاااط >>> حتى الحف ممنوع عند قرقوش لين تجي عند زوجها
شعفه ـ: وانت ماتشوف براطمك الي كأنها براطم ب*** وخشمك المنفرش
منير: انا ارحم منج انتي وظروسج الي ناطه شبر قداام الله يخلي الكحل الي مزين عيونج الي كأْنها خرز 00
شعفه وهي تقوم : الحمدالله احد يلبس هالبس الي انت لابسه ولا بعد كرشك ناط وشاد عليه الحزام احس شوي وينقطع الحزام وتاخذ كاس العصير وتكبه بوجهه وتطلع
منير كان جالس وما هانت عليه كرامته انه ينهان ويتفشل قام وراها لين وصلواعند بوابة السينماو مسكها وقعد يهزاء فيها هي بصراحه تحسفت على الي سوته 000
وهو يسفل فيها وهي تسفل فيه شوي يطلع شخص من السينما ويشوف الناس
المجتعه على بنت وولد كل واحد يهزاء الثاني من لقافته شاف الا ويشوف شخص يعرفه
وعلى طول تشتغل الغيره والحميه فيه ويقوم ويمسك الولد ويكفخه ويكفخه ويمسك العقال وعلى الي يوجعك ياولد ويمسك شعفه من ايدها بقوه ويجرها لين ركبها السياره
شعفه الله يخليك ياعمي انا افدى خشمك لا طقني الله يخليك ويطول بعمرك اخر مره شوي ويدق تلفونها شعفه طلعت التلفون بسرعه عشان تقفله وشوي يمسك عمها التلفون ويحذفه من دريشة السياره وهي تلتفت وتشوفه يندعس من بين السيارات >>الله والتلفون عاد البانده ياقدمي
بالبيت
عمها قام وطقها وطقها لين شاف دمها طالع من عيونها وشوي شاف شي اخضر طالع من عيونها (الحمدالله لقينا العدسااات )وطقهاااا لين تابت انها ماتكلم ولا تفكر انها تحط عينها بعين رجال شين اوزين وعاشت حياتها شعفه محرومه من كل شي ماعدا روحة الن***يه عشان تجلس عند الأبل وترعى الغنم عقب ماعرفت ان من سابع المستحيلات ان احد يخطبها عقب التشويه الي جاها من عمها >>>عادها شينه وعادها متشوه
واتمنى من كل بنت انها ماتسوي شي غلط علشااااان ماتصير نفس شعفه المسكينه 00
منقـــــــــــــــــــووول