يـدفعنـي الليـل مـدري وش يبي منــي؟ لــ بدوي

[(هاوي قصيد)]

قصيده لشاعر العذب \ ناصر بن فالح الهاجري ( بدوي )

يدفعني الليل مدري وش يبـي منـي = على السهر ياتعب قلبـي وحرمانـه

وأرجع لدافي حنـانٍ فيـك يسكنـي = وأرمي بروحي وهمي بين ذرعانـه

أقرأ رسايل غرام منـك توصلنـي = ترسم على شاشة الجـوال ولهانـه

وأصدّ خايـف هواجيسـي يسرنـي = ذي حالة اللي جوازه عنـد شيبانـه

لحظة و يرقص وله في راسي الجني = وأصدّ بالنفس لا تصغـي لشيطانـه

إليـن أحـس المشاعـر يستفزنـي = مجنون خلقـه وحبـك زوّد إجنانـه

أسمع شفاهٍ على أعذب شي يدعنـي = لهل يومـي تـرف بعـود ريحانـه

تعال بغفى علـى ذراعـك و قبّلنـي = غصنٍ نضج و ارتكز لريـح رمانـه

وأجلس و أفكر عسى الأفكار يهدني = حيلة سجينٍ تغفـل عيـن سجانـه

وأطلب جوازي وافتّش فيـه أبدنـي = بجدده عـذري الصفحـات مليانـه

وأنهب شماغي بدون عقال يوم إني = أرخيت سمعي لـابن طناف و ألحانه

وأسري مع الشوق وأطيافه يمدنـي = شعرٍ على أول صباه وعـزّ ديدانـه

وإليا تعدى الحدود اللكـزس البنـي = عطيـت قلبـي مفاتيحـه وسكانـه

سلمت روحـي لـنبضاتـه يقدنـي = في غفلتٍ من عيون إبليس و أعوانه

للي عيوني علـى وصلـه يوصنـي = أموت لاساح حرف النون في إلسانه

شفني علشان حبه من صغر سنـي = أحب حتـى بنـي عمـه و خلانـه

وإن ضقت بعيون حسادي يشوفنـي = أرسل سلامي مع النظـره إلبيبانـه

وأنصا بيوت قصراه إن جيت متعني = كن جيتي من ورى الخفجي إلجيرانه

على عيون العرب مبعـده وإلاّ إنـي = ما جيت صوب الكويت إلا علشانـه

لولاه ما لـبـدوي جيـه ولا ظنـي = حلمٍ يعيشه غـرام أبكـل و جدانـه

ولولاه ما أتعبت حالي بالسهر كنـي = طفلٍ تمسك غـلا بيديـه وأسنانـه

خلّوني أحيـاه دام المـوت ممهلنـي = أصلاً حياتي بدونه مـا لهـا خانـه

يا دبلة الكبـد بعـد شـوي لامنـي = عودت مقبل على الدمام و أحزانـه

وسلامتكم

[عيد بن شدقان]

الهاجري


قسم بالله انك جزل وما تجيب الا الجزل




صح السانك والسان ناصر الهاجري



ولاهنت يالسنافي

[(هاوي قصيد)]

عيد بن شدقان ,,,
ارحب تراحيب المطر , صح الله بدنك وما الجزل الا راسك يالسنافي وشهادتك اتشرف فيها
وماعليك زود
لاهنت على المرور طال عمرك

[حضريه عمها بدوي]

ياسلام سلم

صح الله لسانه الهاجري


وتعيش سنين وتسلم على ذوقك

[(هاوي قصيد)]

حضريه عمها بدوي ,,,
صح الله بدنك , وعاشت ايامك والله يسلمك
لاهنتي على المرور الكريم

[@بنت الشيوخ@]

الهاااجري...عارف راايي فيك ...لاتعلييق ...ابداع في ابداااع....

ننتظرك على ساحه صدى المشااعر...

لاهنت على كل حال....

[بندر]

الهاجري

يعجبني نقلك

ويعجبني الشاعر فالح الهاجري (ابدوي)

بس وينه من القصيد

اتلى علمنا به اسنين .!

[مسفر بن حمران]

اخوي الهاجري صح لسانك ولسان شاعرها ولاهنت على النقل الطيب تقبل مروري وتحياتي لك يالغالي

[bird of shalwa]

وأنصا بيوت قصراه إن جيت متعني=كن جيتي من ورى الخفجي إلجيرانه

((على عيون العرب مبعده وإلاّ إنـي=ما جيت صوب الكويت إلا علشانـه ))

الله الله عليه

//


الغالي

,., الهـــــــاجري ,.,

صح الله ذوقك ولســــانك ولسان المبدع / ناصرابن فالح الهاجري

قصيدة من فتره طويله وأنا اردد ابياتها بيني وبين نفسي واليوم جبتها أنت كامله

إختياراتك تطربنا وتمتعنا .. مثل مايمتعنا ويطربنا حضورك

بيّض الله وجهك ,,

وكلنا شوق لعذب اختياراتك وإبداعك أيضا ً

كل التقدير والأحترام لشخصك الغالي

[الجوود]

وأنصا بيوت قصراه إن جيت متعني
كن جيتي من ورى الخفجي إلجيرانه

على عيون العرب مبعده وإلاّ إنـي
ما جيت صوب الكويت إلا علشانـه


تسلم على النقل الجميل وصح لسان من قالها